Зачараванне

Зачараванне (англ. Enchanting) — гэта накладанне адмысловых магічных уласцівасцяў на зброю, інструманты або браню. Самі гэтыя ўласцівасці завуцца чарамі. Сярод гульцоў гэтыя ўласцівасці нярэдка называюцца «зачараваннямі».

Метады зачаравання

Існуе тры спосабы зачароўвання прадметаў у рэжыме выжывання:

• З дапамогай чараўніцкага стала у абмен на вопыт і лазурыт. Толькі незачараваныя прадметы могуць быць зачараваны такім чынам.
• З дапамогай кавадлы камбінуючы зачараваную кнігу з прадметам, таксама патрабуецца вопыт.
• З дапамогай кавадлы камбінуючы два аднолькавых прадмета з рознымі чарамі ў адзін прадмет, які будзе мець чары абодвух.

Таксама ёсць некалькі дадатковых спосабу атрымання зачараваных прадметаў:

• Гандаль з селянінам, які можа абмяняць некаторыя зачараваныя прадметы на смарагды.
• Рыбалка, дае шанец атрымаць зачараваныя прадметы.
• Забойства мерцвяка, тапельца, здыхляка, шкілета, бадзягі, відар-шкілета, барацьбіта, марадзёра або пігліна-мерцвяка — калі яны трымаюць зачараваныя прадметы, або на іх надзетая зачараваная браня (выпадае яна з усіх, акрамя відар-шкілета, марадзёра і барацьбіта і пігліна-мерцвяка), і гулец забівае іх, ёсць шанец, што яны дропнуць элемент брані, які насілі ці трымалі.
• Пошук у горадзе Краю і ў іншых розных структурах куфраў са скарбамі, якія могуць размяшчацца ў затанулых караблях, шахтах, скарбніцах, храмах у пустыні, лясных палацах і падводных руінах.

Адміністратары і гульцы ў адзіночнай гульне з чытамі таксама могуць зачараваць аб'екты з выкарыстаннем такіх каманд, як /enchant. Падчас мадыфікацыі з выкарыстаннем /give максімальны ўзровень чар складае 2,147,483,647. У творчым рэжым прадметы могуць быць зачараваны пры дапамозе кавадла і зачараваных кніг без вопыту. Зачараваныя кнігі даступныя ў інвентары творчага рэжыму.