Прагляд зыходнага тэксту старонкі II-е Палускае Панства

 Тэрмін '''«Палус»''' можа мець і іншыя значэнні, гл. [[Палус (неадназначнасць)]]
<big>'''Палускае Панства''' (лац. ''Pałuskaje Panstva''), таксама '''II-е Палускае Панства''', поўная назва ''«Вялікае Аб'яднанае II-е манархічна-анархічнае Каралеўства абодвух Палусаў, Неназванага, Кілатоны, Фаніпаля і ўсяе акругі іхнае»'' — дамова паміж паселішчамі ([[Новы Палус|Новым Палусам]], [[Неназванае|Неназваным]], [[Забароненая Арганізацыя "Кілатона"|Кілатонай]], [[Фаніпаль|Фаніпалем]]) пра іх аб'яднанне, і дзяржава (форма асаблівых адносін між паселішчамі; азначэнне акрэсленае ў [[Палускае Панства (дамова)|дамове]]), адноўленая праз [[Палускае Панства (дамова)|дамову]].</big>
== Гісторыя ==
'''''У гэтым раздзеле тэрмін «Палус» азначае супольнасць гульцоў, што адпавядае гістарычнай традыцыі.'''''

=== Да-унійскія часы ===
Гісторыя Палускага Панства вельмі старажытная. Як супольнасць, Палус паўстаў нават раней за UNIJA. Першымі палусцамі былі чацвёра гульцоў:

* [[Удзельнік:Pani Janina|cherrybird]] 
* [[Удзельнік:Leopalladium|Leopalladium]] (''aka'' reaper)
* [[Удзельнік:Victor|Victor]]
* [[Удзельнік:Nika|Nika]] ''(недакладны нік)''

Менавіта гэтыя гульцы разам далучыліся да UNIJA, каб стварыць першае паселішча.
=== Першы сезон UNIJA ===
[[Файл:Protapałus.jpg|міні|Хата ў Протапалусе.|злева]]Са стварэннем UNIJA, палускія гульцы далучыліся да гульнявога свету. З самага пачатку яны складалі значную колькасць, калі не большасць, актыўных гульцоў. Гэтая ж сітуацыя паўтаралася ў гісторыі неаднаразова: палусцы актыўна праяўлялі сябе. Менавіта тады, падчас [[Сервер UNIJA#Першы сезон|Першага сезону UNIJA (паводле 8ISKUP)]], паўстала паселішча, што займела назву Палус. Яно размяшчалася ў балотнай мясцовасці, таму было абранае лацінскае ''palus'' — дрыгва. Ні адно палускае паселішча больш не размяшчалася сярод балотаў, аднак назва засталася навечна. Гэтае паселішча часоў 1-га сезона ў прынятай традыцыі гістарыяграфіі звычайна носіць назву «Протапалус», а яшчэ — «Уласна-Палус», таму што «Палус» уласна і адсылае да гэтага паселішча.

Прыкладна з гэтага перыяду UNIJA даведалася пра любоў палускага народу да лукаў. Галоўнай лучніцай сэрвера дагэтуль застаецца Nika — адзіны гулец, што мае ўнікальны тытул [Лучніца]. Яна ж навучыла дасканаламу валоданню лукам і іншых палусцаў, стаўшы заснавальніцай палускай збройнай традыцыі.

Знойдзенае таксама хокку пра протапалускі перыяд, складзенае [[Удзельнік:Pani Janina|Каралевай Палускай]]:<blockquote>раней вось быў камунізм

жылі пад аднім дахам

во былі часы!!!</blockquote>Сапраўды, будынкаў у Палусе было зусім няшмат. Пасяленцы жылі кампактна. Яшчэ з часоў Протапалуса стала заўважная цяга палусцаў да спакою й адзінства з прыродай. Таксама менавіта з таго часу захавалася палуская звычка жыць у дрэве.
=== Паўтарачны сезон UNIJA ===
Падчас [[Сервер UNIJA#Паўтарачны сезон|цёмных часоў для UNIJA]] палусцы перыядычна прымалі ўдзел у падзеях на сэрверы. Натуральна, вялікіх і развітых паселішчаў быць не магло — [[Аглядны Свет|Аглядны свет]] неаднаразова змяняўся. 

Бліжэй да канца сезона, пасля заканчэння [[Вялікі Катаклізм|Вялікага Катаклізму]], з'явіўся сучасны свет UNIJA. Так пачалася сучасная палуская гісторыя. 

Спачатку палусцы пасяліліся ў невялічкай вёсцы, што завецца цяпер [[Старэйшы Палус]]. Пра гэта ведае не так шмат гульцоў, таму дагэтуль вядзецца даследванне. Дакладна вядома, што пасяліўшыся так далёка, палусцы зноў нагадалі пра сваё імкненне да абасобленасці і гармоніі з прыродай. 
[[Файл:Starejšy-pałus-2.png|злева|міні|350x350пкс|Аэракасмічная панарама Старэйшага Палуса.]]
[[Файл:Starejšy-pałus-1.png|няма|міні|350x350пкс|Старэйшы Палус. Сабачая будка. Сабака знаходзіцца тут так доўга, што сэрвер не ведае, каму ён належыць.]]
Аднак з цягам часу было вырашана, што вёска не зусім адпавядае планам залатое чацвёркі на Палус. Было абранае іншае месца — ціхая выспа на каменным ўзбярэжжы, утульнае месцейка каля вялікай снежнай гары. На гэтым месцы паўстаў сучасны [[Палус|Стары Палус]] ''(у дамове ён называецца проста Палус, што лагічна: гэтая назва афіцыйная, а для таго, каб пазбегнуць блытаніны, ужываецца ўдакладненне — Стары Палус).'' Гэтае паселішча было буйнейшым за сваіх папярэднікаў. З'яўляліся новыя будынкі, паселішча развівалася. 
[[Файл:Pałus-panarama.png|злева|міні|Аэракасмічны здымак Старога Палуса.]]
[[Файл:Pałus-dreva.png|няма|міні|У старым Палусе была працягнутая традыцыя жыць у дрэве.]]
Стары Палус стаў тым паселішчам, да якога ўпершыню далучыліся новыя гульцы, акрамя чацвярых заснавальнікаў. Саўдзельнікаў у будаўніцтве было двое. Абодва гульцы заставаліся на серверы непрацяглы час, таму іх нікі не захаваліся. Вядома толькі, што адзін з гульцоў пабудаваў статую ваяра каля Старапалускага порта. Яна і дагэтуль сустракае наведвальнікаў, што прыязджаюць чыгункай або прыплываюць з Вільты. 
[[Файл:Pałus-statuja-vajara.png|злева|міні|Статуя ваяра ў Палусе.]]
[[Файл:Pałus-ambar.png|няма|міні|Палус. Амбар, які так і не дабудавалі — сімвал невыкананых абяцанняў.]]

=== Другі сезон UNIJA ===
Падчас другога сезона Палускае Панства значна змянілася. Палускіх паселішчаў стала некалькі.

Першым узнікла [[Неназванае]]. На той час Стары Палус уступіў у перыяд заняпаду. Аднойчы палусцы праводзілі даследванні ў Нэдары і прайшлі вельмі вялікую адлегласць. [[Удзельнік:Victor|Victor]] пабудаваў партал і вырашыў застацца ў мясцовасці, у якой апынуўся. На той час Неназванае знаходзілася на сваім сапраўдным месцы — каля 30000 блокаў па абедзьвюх восях на паўночны захад ад спаўна. Тады Неназванае складалася са старога раёна і было цікавым месцам для вандровак. Некалькі гульцоў, таксама праз Нэдар, наведалі Неназванае і пакінулі там свае шыльды.
[[Файл:Nienazvanaje-staroje.png|злева|міні|Гістарычная частка Неназванага.]]
[[Файл:Nienazvanajae-tradycyjnaja-chata.png|няма|міні|Неназванае. Традыцыйная палуская хата]]
Неўзабаве, у сакавіку 2023, з'явіўся [[Новы Палус]]. Ён быў адным з найбольш важных цэнтраў UNIJA. Там з'явіўся цуд свету — батанічны цэнтр і іншыя пабудовы. На некаторы час горад стаў самым актыўным паселішчам. Менавіта тут з'явіўся першы прыватны бізнэс — [[Атэлье «C+V»|атэлье «C + V»]]. Нядзіўна, што менавіта Новы Палус быў сталіцай [[I-е Палускае Панства|Палускай дзяржавы]] — здавалася, перспектыва менавіта за гэтым местам — аднак аказалася, што хутка Новы Палус чакае заняпад, а значная частка горада загінула ў выніку [[Правабярэжная паніка|Правабярэжнай панікі]]. 
[[Файл:Photo 2023-08-01 14-11-36.jpg|злева|міні|393x393px|Сцяг Новага Палуса. Першапачаткова ён адносіўся і да ўсёй дзяржавы.]]
[[Файл:КВНП.jpg|няма|міні|400x400пкс|Новы Палус. Вуліца Кратовая]]
[[Файл:ЧНП.jpg|няма|міні|400x400пкс|Хата-чаравальня ў Новым Палусе]]
[[Файл:БС.jpg|злева|міні|400x400пкс|Батанічны цэнтр у Новым Палусе.]]
[[Файл:2023-05-27 14.29.03.png|няма|міні|400x400px|Новы Палус. Плошча Свабоды.]]
[[Файл:ДКС.jpg|няма|міні|400x400пкс|Дом каралеўскіх саветнікаў у Новым Палусе. Гэты інстытут I-га Палускага Панства так ніколі і не выконваў свае функцыі.]]
Састаў палусцаў таксама змяніўся. Перш за ўсё, Новы Палус прыняў бежанцаў з [[Паселішча А|Асьвільчы]]. З цягам часу з асьвільчан у Палусе застаўся толькі [[Удзельнік:JustTheCatBY|JustTheCatBY]]. Аднак на сэрверы з'яўляліся новыя гульцы, і Палус актыўна прыймаў іх. Ад гэтага часу мур палускага ізаляцыянізму, што падаваўся нязломным, даў шчыліну, саступіўшы месца для ўзаемадзеяння і адкрытасці новаму.

Падчас другога сезона, 16 чэрвеня 2023, адбылося абмежаванне свету, і [[Неназванае]] больш не магло існаваць на ранейшым месцы: мяжа свету пачыналася праз 10000 блокаў ад спаўна, у той час як Неназванае знаходзілася ў 3 разы далей. Паселішча было аўтамагічна перанесенае і гарманічна ўпісалася на сваім сучасным распалажэнні — на захад ад [[Старэйшы Палус|Старэйшага Палуса]] і на поўдзень ад [[Палус|Старога]]. 
[[Файл:Šyldy-ŭ-nienazvanym-censored.png|няма|міні|400x400пкс|Шыльды ў Неназваным. Першы надпіс JustTheCatBY (20 траўня) быў пакінуты да пераносу, а другі, праз месяц (21 чэрвеня) — пасля пераносу. У мэтах бяспекі некаторыя надпісы на шыльдах схаваныя.]]
Менавіта ў гэты час паўстала [[I-е Палускае Панства]]. Фармальнай датай з'яўляецца рэгістрацыя [[Новы Палус|Новага Палуса]], што адбылася 11 ліпеня 2023, аднак традыцыйна святам Незалежнасці лічыцца 14 ліпеня — дзень нараджэння [[Удзельнік:Pani Janina|Каралевы Палускай]].
[[Файл:Герб.png|няма|міні|Дзяржаўны Герб 1ПП. Успадкаваны і 2ПП.]]

===Другі з паловай сезон UNIJA===
Падчас другога з паловай сезона актыўнасць Палуса пачала падаць. Папулярнасцю карысталася казіно ў [[Новы Палус|Новым Палусе]]. Там былі створаныя розныя гульні: шахматы, шашкі і больш азартныя. Жылі і бізнэсы на Авалонскай плошчы. 
[[Файл:Novy-pałus-avałonskajapłošča.png|няма|міні|400x400пкс|Авалонская плошча ў Новым Палусе.]]
Але найбольш актыўным у той час было [[Неназванае]]. Дзякуючы гульцу [[Удзельнік:EpiDan|EpiDan]] і іншым неназванцам, паселішча перажыло сапраўдны росквіт. З маленькай зацішнай вёскі яно ператварылася ў вялікае сучаснае места. З'явіліся хмарачосы, была рэструктураваная чыгунка, пабудаваныя новыя дамы. Таксама ў той час развіваўся і трусікацызм. Так Неназванае займела важны ўплыў на сэрвер і сыграла сваю ролю ў развіцці Палуса. 
[[Файл:Nienazvanaje-chmaračosy.png|злева|міні|400x400пкс|Хмарачосы ў Неназваным.]]
[[Файл:Nienazvanaje-novy-rajon-2.png|злева|міні|400x400пкс|Новы раён у Неназваным. Аэракасмічны здымак]]
[[Файл:Nienazvanaje-nadpis.png|злева|міні|400x400пкс|Надпіс «Неназванае» каля новага раёна.]]
[[Файл:Nienazvanaje-aranžareja.png|злева|міні|400x400пкс|Аранжарэя ў Неназваным. ]]
[[Файл:Nienazvanaje-novy-rajon.png|няма|міні|400x400пкс|Дамы ў новым раёне Неназванага.]]
[[Файл:Nienazvanaje-nadpis.png|няма|міні|400x400пкс|Надпіс «Неназванае» на гары каля новага раёна.]]
[[Файл:Nienazvanaje-trusik.png|няма|міні|400x400пкс|Статуя трусіка ў Неназваным. Аб'ект ушанавання ў трусікацызме.]]
[[Файл:Nienazvanaje-japonski-most.png|няма|міні|400x400пкс|Японскі мост у Неназваным.]]
Таксама ў часы другога й другога з паловай сезона Палус меў добрыя адносіны з [[Дворфы|дворфамі]]. Князь дворфаў [[Удзельнік:Kastusbrl|kastus_brl]] нават мог стаць каралём Палуса, у выніку чаго паўстала б унія Палускага Панства з [[Княства Падземнае|Княствам Падземным]]. Тым не менш, гэта не магло быць зроблена хутка, а ў далейшым 1ПП і КП аказаліся па розныя бакі канфлікта.

===Трэці сезон UNIJA===
Трэці сезон для Палускага Панства выдаўся багатым на падзеі. У выніку [[Барацьба за цукерыйскі цукар|барацьбы за цукерыйскі цукар]] Палускае Панства было ўцягнутае ў канфлікт з дворфамі. Палусцы [[Удзельнік:Trochkutnik|Trochkutnik]] і [[Удзельнік:JustTheCatBY|JustTheCatBY]] па ўласнай ініцыятыве (як дабравольцы) біліся на баку [[Зьнічыцкі рад|Зьнічыі]] адпаведна ў першай і другой бойках. Адносіны з дворфамі пагаршаліся праз іх агрэсіўную палітыку. [[I-е Палускае Панства|Палускае Панства]] аказалася ўцягнутым у халодную вайну. Дворфы нават засылалі ў Палус сваіх шпіёнаў, і спакой палусцаў быў сапсаваны. Праз такія змены значная колькасць гульцоў, а асабліва старых, страціла цікавасць да гульні (ня толькі ў Палусе, а па ўсёй UNIJA). 

Тым не менш, развіццё Палускага Панства працягвалася. У самым пачатку сакавіка 2024 паўстала [[Забароненая Арганізацыя "Кілатона"|Кілатона]]. Кілатонцы адразу паставілі сваёй мэтай быць «коміксным ці камічным злом», але атрымалася крыху па-іншаму. У выніку спробы дворфаў падмануць новых гульцоў, распачаўся памежны канфлікт паміж Кілатонай і [[Сікурборг|Сікурборгам]].<blockquote>Як бачна, якую б назву не насіў Цукерый, ён усё роўна стае цэнтрам праблем увесь час, пакуль у ім хтосьці ёсць.

''З успамінаў [[Удзельнік:JustTheCatBY|JustTheCatBY]]''</blockquote>
[[Файл:Kiłatona.png|няма|міні|400x400пкс|Кілатона.]]
У канцы таго ж месяца дворфская агрэсія прывяла да [[Правабярэжная паніка|Правабярэжнай панікі ў Новым Палусе]]. Гэтыя падзеі зараз з'яўляюцца аб'ектам даследвання, бо захавалася не так шмат інфармацыі. У выніку панікі была разбураная правабярэжная частка Новага Палуса. Праз невялікі час пасля яе сталіца канчаткова згубіла сваё значэнне як важны цэнтр сэрвера. 

Апошнім на дадзены момант паселішчам стаў [[Фаніпаль]]. Ён быў заснаваны таксама ў сакавіку 2024, а 1 красавіка ледзь не перайшоў да дворфаў у рамках няўдалага пранка. Пасля гэтага паселішча было закінутае.
[[Файл:Fanipal-panarama.png|злева|міні|400x400пкс|Панарама Фаніпаля.]]
[[Файл:Fanipal-topchata.png|няма|міні|400x400пкс|Фаніпаль. «Топ-хата».]]

9 красавіка 2024 [[I-е Палускае Панства]] было скасаванае з адменай дзяржаў. Пасля гэтага надышоў перыяд вялікага зацішша. Палусцы толькі зрэдку з'яўляліся на сэрверы. Надзея на адраджэнне дзяржавы загарэлася больш чым праз год, летам 2025 года. 15 чэрвеня 2025 года была заключаная дамова, якой прысвечаны гэты артыкул. Так пачалася гісторыя II-га Палускага Панства.

== Падпісанне новай дамовы ==
[[Палускае Панства (дамова)|Дамова]], якая рэабілітыравала Палускае Панства, падпісаная наступнымі гульцамі:

* [[Удзельнік:Pani Janina|pani_janina]] — ад імя [[Новы Палус|Новага Палуса]];
* [[Удзельнік:Victor|Victor_L13]] — ад імя [[Неназванае|Неназванага]];
* [[Удзельнік:JustTheCatBY|JustTheCatBY]] — ад імя [[Забароненая Арганізацыя "Кілатона"|Кілатоны]];
* [[Удзельнік:Mixedraceghost|mixedraceghost]]  — ад імя [[Фаніпаль|Фаніпаля]].

Месцам падпісання стаў аб'ект УНЭСКА — старажытная падземная палуская царква, якая на момант падпісання знаходзілася ў стане рамонту. У той момант як алтарная частка, хоры і дадатковыя памяшканні царквы былі ў працэсе перабудовы, непасрэдна асноўнае памяшканне царквы было ўжо гатовае — у ім і адбылася ўрачыстасць.

== Кіраўніцтва дзяржавы ==
<blockquote>
=== Раздзел III. Дзяржаўная ўлада ===

# Палускае Панства з'яўляецца манархічнай анархіяй, што б гэта ні значыла.
# Галоўным носьбітам прадстаўнічай і выканаўчай улады з'яўляецца Каралева. Тытул успадкаваны гульцом [[Удзельнік:Pani Janina|pani_janina]].
# Астатнія функцыі размяркоўваюцца сярод жыхароў Панства і не фіксуюцца асобна.


''З [[Палускае Панства (дамова)|дамовы пра Палускае Панства]]''</blockquote>

=== Каралева ===
Усю гісторыю як [[I-е Палускае Панства|I-га]], так і II-га Палускага Панства існаваў тытул каралевы. У Палусе не праводзіліся аніякія выбарчыя мерапрыемствы, і ніхто ўжо не памятае дакладна, як менавіта была абраная каралева. Верагодна, [[Удзельнік:Pani Janina|pani_janina]] атрымала гэты тытул, па-першае, таму, што яна эльфійка з чароўнымі здольнасцямі (глядзі [[I-е Палускае Панства#Бытавая традыцыя (традыцыйнае палускае паданне)|палускае паданне пра Яніну]]), а па-другое, як мастачка, яна кіравала будаўніцтвам [[Новы Палус|Новага Палуса]] падчас стварэння дзяржавы. У любым выпадку, тытул ніколі не аспрэчваўся.

Адмысловае каранацыі таксама так і не адбылося. Яшчэ на пачатку будаўніцтва сталіцы была створаная падземная царква, дзе мусіла адбыцца ўрачыстасць, але ў выніку планы змяніліся, і з урачыстасцяў у царкве адбылося толькі падпісанне Палускай дамовы. Ну, таксама няблага.

==== Спіс манархаў (Каралёў і Каралеў) Палускіх ====

# [[Удзельнік:Pani Janina|Яніна I]], Каралева Палуская (14.07.2023 — цяперашні час)

==== Поўныя тытулы Палускіх манархаў ====

===== Поўны тытул Каралевы =====

====== У часы I-га Палускага Панства ======
<blockquote>Яе Каралеўская Міласць ''{імя}'', Каралева абодвух Палусаў і Неназванага.</blockquote>

====== У часы II-га Палускага Панства ======
<blockquote>Яе Каралеўская Міласць ''{імя}'', Каралева абодвух Палусаў, Неназванага, Фаніпаля, Кілатоны і ўсяе акругі іхняе, Ахоўніца анархіі.</blockquote>

===== Поўны тытул Караля =====

====== У часы I-га Палускага Панства ======
<blockquote>Яго Каралеўская Міласць ''{імя}'', Кароль абодвух Палусаў і Неназванага.</blockquote>

====== У часы II-га Палускага Панства ======
<blockquote>Яго Каралеўская Міласць ''{імя}'', Кароль абодвух Палусаў, Неназванага, Фаніпаля, Кілатоны і ўсяе акругі іхняе, Ахоўнік анархіі.</blockquote>Ніводзін з гэтых тытулаў не быў афіцыйна замацаваны. Паколькі за ўвесь перыяд існавання [[I-е Палускае Панства|1ПП]] караля ў ім не было, трэці з пералічаных тытулаў ніколі не выкарыстоўваўся і не будзе выкарыстоўвацца.

=== Іншыя інстытуты ===

==== Каралеўскія саветнікі ====
У I-м Палускім панстве дзейнічаў інстытут каралеўскіх саветнікаў. Задумвалася, што яны дапамагацьмуць гульцам кожны паводле вобласці сваёй кампетэнцыі. Фактычна, поўнасцю свае задачы саветнікі не выконвалі, а пасля перастварэння дзяржавы інстытут адноўлены не быў.
[[Файл:ДКС.jpg|няма|міні|Дом Каралеўскіх Саветнікаў (ДКС) у Новым Палусе.]]

== Тэрыторыі дзяржавы==
Паводле [[Палускае Панства (дамова)#Раздзел V. Тэрыторыі дзяржавы|раздзела V]] і [[Палускае Панства (дамова)#Прыкладанне 1|прыкладання 1]] Палускай дамовы, тэрыторыя Палуса складаецца з трох акругаў:

*Новапалускай;
*Неназванска-Палускай;
*Кілатонскай.

Межы кожнай акругі прадстаўленыя на мапах:
[[Файл:Новапалуская акруга.png|няма|міні|550x550пкс|Межы Новапалускае акругі.]]
[[Файл:Nienazvanska-pałuskaja akruha.png|няма|міні|560x560пкс|Межы Неназванска-Палускае акругі.]]
[[Файл:Kiłatonskaja akruha.png|няма|міні|547x547пкс|Межы Кілатонскае акругі.]]

== Насельніцтва дзяржавы ==
Жыхарамі дзяржавы з'яўляюцца ўсе жыхары паселішчаў-удзельнікаў.

* [[Удзельнік:Nika|Nika]] ''(Неназванае)''
* [[Удзельнік:Victor|Victor]] ''(Неназванае)''
* [[Удзельнік:EpiDan|EpiDan]] ''(Неназванае)''
* [[Удзельнік:Anniebeth|Anniebeth]] ''(Неназванае)''
* [[Удзельнік:Annechka M|Annechka_M]] ''(Неназванае)''
* [[Удзельнік:Trochkutnik|Trochkutnik]] ''(Неназванае)''
* [[Удзельнік:Pani Janina|cherrybird]] ''(Новы Палус)''
* [[Удзельнік:Leopalladium|Leopalladium]] ''(Новы Палус)''
* [[Удзельнік:JustTheCatBY|JustTheCatBY]] ''(Новы Палус)''
* [[Удзельнік:TartartOfEphesus|TartartOfEphesus]] ''(Новы Палус)''
* [[Удзельнік:Mixedraceghost|mixedraceghost]] ''(Кілатона, Фаніпаль)''

[[Файл:Dyjahrama-2pp.png|няма|міні|400x400пкс|Размеркаванне жыхароў дзяржавы паводле паселішчаў.]]

== Сымбалі дзяржавы ==
[[Файл:Photo 2023-08-01 23-26-19.jpg|злева|міні|<big>Дзяржаўны сцяг Палускага Панства.</big>]]
[[Файл:Герб.png|няма|міні|400x400пкс|<big>Вялікі Дзяржаўны герб Палускага Панства</big>]]


Малым Дзяржаўным гербам лічыцца выява, змешчаная на Дзяржаўным сцягу.

Дзяржаўны гімн Палускага Панства даступны [https://www.youtube.com/watch?v=65VbGAXmpu8 тут].

==Спробы грыфу дамовы==

У дзень падпісання дамовы, упершыню пабачыўшы артыкул пра дамову, [[Удзельнік:Schiha|гетман UNIJA]] вырашыў праверыць межы дазволенага. Ён адрэдагаваў дамову, дадаўшы сябе ў спіс дзяржаўных сымбаляў Палускага Панства. Адпаведна, раздзел VI дамовы выглядаў так:<blockquote>
===Раздзел VI. Сымбалі дзяржавы=== 
#Палускае Панства выкарыстоўвае наступныя сымбалі: дзяржаўны сцяг, вялікі і малы дзяржаўныя гербы, дзяржаўны гімн.
#Дзяржаўны сцяг мае наступны рэцэпт:
#*Чорны сцяг;
#*Лаймавыя слупкі;
#*Чорная верхняя палова;
#* Чорнае скарочанае вастрыё;
#*Жоўтая фігура кветкі;
#*Чорны градыент зверху;
#*Белы круг.
#Выкарыстоўваюцца малы і вялікі дзяржаўны герб Палуса ''(глядзі прыкладанне 2).''
#Ужываецца дзяржаўны гімн ''(глядзі тое ж прыкладанне 2);'' 
#шыша.
</blockquote>Які быў сэнс у гэтых зменах, калі тэкст дамовы мусіць супадаць з зафіксафаным у гульні — невядома. Выпраўляць свае дапаўненні гулец адмовіўся, таму ў належны выгляд артыкул быў прыведзены не адразу. 

Сур'ёзнасць інцыдэнту спрэчная. Некаторыя лічаць яго праявай агрэсіі [[Кветкамор'е|Кветкамор'я]] ў бок новастворанай дзяржавы, а яшчэ больш гульцоў лічыць гэта проста няўдалым жартам.

==Некаторыя тлумачэнні пра дамову==

===Манархічная анархія===

Артыкул III.1 сцвярджае:<blockquote>Палускае Панства з'яўляецца манархічнай анархіяй, што б гэта ні значыла.</blockquote>На практыцы гэта значыць, што дзеянні грамадзян не рэгулюцца адмысловымі дзяржаўнымі інстытутамі. Спрэчныя моманты вырашаюцца абмеркаваннем, а кожны грамадзянін можа рабіць што хоча, пакуль гэта не шкодзіць іншым гульцам — гэты нягласны прынцып ляжыць у аснове палітыкі Палускага Панства, ды й усяе UNIJA апошнім часам. 

З каментара [[Удзельнік:JustTheCatBY|JustTheCatBY]] для [[Удзельнік:SoftRedstone|8ISKUP]]:<blockquote>''...тут нічога ня зробіш, мы стварылі новую палітычную рэальнасць. <...> гэта было зроблена наўмысна, бо ў нас жа анархія. Проста па прышпілу ёсць шчэ каралева. <...> спрэчкі рашаюцца словамі, а калі яны бяссільныя — каралевай...''</blockquote>Пры гэтым Палускае Панства мае і тытул каралевы. Яе функцыі неканкрэтныя, бо пасада прызначаная для сымбалічных, а не адміністратыўных функцый. Для палускага манарха цалкам справядлівае брытанскае апісанне ''reins but does not rule — царуе, але не кіруе.'' У адрозненне ад Злучанага Каралеўства Палускае Панства не мае канстытуцыі, таму такая манархія не называецца канстытуцыйнай. 

Такім чынам, дамова стварыла новае палітычнае азначэнне, што не ўжывалася раней ні на UNIJA, ані IRL.

===Склад падпісантаў===
На момант падпісання дамовы і [[Фаніпаль|Фаніпалем]], і [[Забароненая Арганізацыя "Кілатона"|Кілатонай]] валодае гулец [[Удзельнік:Mixedraceghost|mixedraceghost]]. Аднак адзін гулец не мог падпісаць дамову двойчы, таму Кілатона была прадстаўленая JustTheCatBY. Такое ж прадстаўніцтва мела месца пры падпісанні [[Дамова пра межы Міжмор'я|дамовы пра межы Кілатоны і Міжмор'я]], але гэта не значыць, што гулец JustTheCatBY мае правы ці прэтэнзіі на Кілатону.

===Далучальныя граматы ===
<blockquote>Далучэнне да дзяржавы адбываецца праз падпісанне далучальных грамат.

''[[Палускае Панства (дамова)#Раздзел I. Агульныя палажэнні|Палуская дамова, раздзел I, артыкул 4.]]''</blockquote>Далучальная грамата — асаблівая дамова паміж аб'яднаннем (Палускім Панствам) і паселішчам, што хоча далучыцца да аб'яднання. У ёй мусіць быць акрэслены парадак, паводле якога асаблівае заканадаўства паселішча ''(калі такое маецца)'' ўзгадняецца з заканадаўствам дзяржавы, тэрыторыі паселішча і парадак іх далучэння да тэрыторыі дзяржавы ''(натуральна, чакаецца, што ўся тэрыторыя паселішча ўваходзіць у склад дзяржавы. У грамаце акрасляюцца новыя межы дзяржавы, тэрыторыя паселішча як асобная акруга ці частка ўжо існуючай акругі)'', сымбалі і спіс  жыхароў паселішча. Далучальныя граматы паселішчаў дапаўняюць арыгінальную Палускую дамову і маюць вышэйшы прыярытэт за яе. Да арыгінальнай дамовы прыймаюцца праўкі й дапаўненні.

===Малы і вялікі герб ===
Па невядомай прычыне падчас складання дамовы палусцы вырашылі, што маецца две версіі герба: вялікая і малая. Пры стварэнні прыкладання 2 высветлілася што гэта не зусім так. Таму фактычна выкарыстоўваецца толькі вялікі герб, а малы... проста існуе. 

==Ліст Вінцэнта Бжазоўскага==

===Арыгінальны тэкст===
17 чэрвеня 2025 году, праз два дні пасля падпісання дамовы, [[Незалежны Часопіс ЖЭп«U»]] апублікаваў наступны ліст, які, як сцвярджаецца, даслаў невядомы жыхар [[Бярозаўка|Бярозаўкі]]:<blockquote>Witaju szanownu redakcju! Pisza do was Wincenty Brzazowski, jak to nie dziwno, z Brzozawki (albo jak tutejsze obywacieli mowiać, ź Biarozawki).

Wiedajecie sami, szto żywie tu dawoli bahata pałuscaw. I woś jak ciapier adnawlajuć swajho panstwa, daszli da mianie czutki, szto za wsim hetym i nijakija nie pałuscy stajać. Niadowha wczhora baczyw ja, ale był w tej carkwie budawnik jejny, Andrzej-kot, szto pryjażżaje i on da Brzozawki, i ź nim Vicia, taksama kot — i usio! I nichto ź ich razmawlać sa mnoju nie zachacieŭ... a potym byli i jaszcze 2 czalawieki, jak czytaju ja ciaper na Wikipedyi. Nie choczuc pałuscy taje damowy, kab ich wola byla, siadzieli b sabie cichieńka j nie zachodzili!

A za wszystkim hetym stajać dworfy praklatyja! Ci nie Leaniłaj-"філёлягам" taja damowa pisana? Chto ż heta, akramia jaje, pacznie damowu z prawiła, kamu i dzie kolki "s" pisać?! A ci woś jaszcze i Kastusia swaho zaslali ŭ Pałus! Wo jano kak, panoczki maje! I ludziom napiszycie, chaj wiedajuć: bo Pałus jaszcze glyboka śpic, a dworfy zachapić jaho choczuć. Ratujcie!</blockquote>

===Кірылічная адаптацыя===
Мова ліста, як бачна па каментарах у Часопісе, не вельмі зразумелая, таму прыводзім наступны пераклад, зроблены нэйрасеткай:<blockquote>Вітаю шаноўну рэдакц'ю! Піша до вас Вінцэнты Бжазоўскі, як то не дзіўно, з Бжозаўкі (альбо як тутэйшэ обывацелі мовяць, зь Бярозаўкі).

Ведаеце самі, што жыве ту даволі багата палусцаў. І вось як цяпер аднаўляюць свайго панства, дашлі да мяне чуткі, што за ўсім гэтым ніякія не палусцы стаяць. Нядоўга ўчора бачыў я, але быў у той царкве будаўнік ейны, Анджэй-кот, што прыяжжае і он да Бжозаўкі, і зь нім Віця, таксама кот — і ўсё! І ніхто зь іх размаўляць са мною не захацеў... а потым былі і яшчэ 2 чалавекі, як чытаю цяпер на Вікіпэдыі. Не хочуць палусцы тае дамовы, каб іх воля была, сядзелі б сабе ціхенька й не заходзілі!

А за вшысткім гэтым стаяць дворфы праклятыя! Ці не Леанілай-"філёлягам" тая дамова пісана? Хто ж гэта, акрамя яе, пачне дамову з правіла, каму і дзе колькі «с» пісаць?! А ці вось яшчэ і Кастуся свайго заслялі ў Палус! Во яно как, паночкі мае! І людзём напішыце хай ведаюць: бо Палус яшчэ ґлыбока сьпіць, а дворфы захапіць яго хочуць. Ратуйце!</blockquote>

===Моўныя асаблівасці дакумента===
Беларуская мова тэкста значна паланізаваная. Выкарыстоўваецца архаічная лацінка. Літара '''''w''''' у Вінцэнта адпавядае як '''''v''''', так і '''''ŭ''''' у сучаснай лацінцы. Сустракаюцца і непасрэдна польскія словы: ''wszystkim'' і іншыя.

===Магчымыя аўтары===
У Палускім Панстве адразу падумалі на гульца [[Удзельнік:Wwaassee|Wwaassee]]. Відавочна, чаму: гэта адзіны гулец, які на дадзены момант прадстаўляе Бярозаўку.
[[Файл:Wearefilm brzazowski.png|злева|міні|''wearefilm'' у чаце сэрвера|300x300пкс]]
Больш цікавай з'яўляецца іншая версія. Падчас пачатку падпісання дамовы зайшоў гулец wearefilm, загадка якога пакуль нераскрытая. Ён паглядзеў-паглядзеў, ды й сыйшоў, аднак як раз у гэты момант на месцы прысутнічалі толькі 2 падпісанты: [[Удзельнік:JustTheCatBY|JustTheCatBY]] ды [[Удзельнік:Victor|Victor_L13]]. Гэта супадае з апісаннем з ліста Бжазоўскага: <blockquote>''Нядоўга ўчора бачыў я, але быў у той царкве будаўнік ейны, Анджэй-кот, што прыяжжае і он да Бжозаўкі, і зь нім Віця, таксама кот — і ўсё!''</blockquote>Таксама на скрыншоце бачна, што wearefilm быў спачатку праігнараваны занятымі дамовай Віктарам і Андрэем. Гэта таксама падобна на апісаныя спадаром Вінцэнтам падзеі: <blockquote>І ніхто зь іх размаўляць са мною не захацеў...</blockquote>Відавочна таксама, што wearefilm таксама піша паланізаванай лацінкай. 

===Рэакцыя===
Гульцы рэагавалі на ліст па-рознаму:<blockquote>гэта што за ху 

([[Удзельнік:Pani Janina|pani_janina]])</blockquote><blockquote>мне здаецца гэта ён напісаў ''[тут была [[Удзельнік:Wwaassee|спасылка на артыкул пра Wwaassee]]]''

([[Удзельнік:Dauguva|Dauguva]])</blockquote><blockquote>А вам не пісалі з прапановай паспрабаваць зрабіць "жоўтыя" навіны для жэпы?

([[Удзельнік:Aimion|aimion]])</blockquote>

==Наступствы дамовы==

===Замацаванне тэрміна «''манархічная анархія''»===
Дамова з'яўляецца першым дакументам, што афіцыйна выкарыстоўвае такі тэрмін. Тлумачэнні наконт яго зместу можна прачытаць [[Палускае Панства (дамова)#Манархічная анархія|тут]]. Іншых дзяржаў, што выкарыстоўваюць такую ж форму кіравання, пакуль не існуе.

===Удакладненне межаў Палускага Панства===
[[Файл:Palus kaplica.png|злева|міні|352x352px|Капліца ў Палусе. Менавіта ў гэтым будынку JustTheCatBY афармляў межы мясцовае акругі. Здымак зроблены падчас экспедыцыі]]
Да моманту стварэння дамовы межы Палуса былі неканкрэтныя. Падчас абмеркавання былі ўзгодненыя прыкладныя межы, а дакладныя межы зафіксаваныя [[Удзельнік:JustTheCatBY|аўтарам дамовы]]. 

Для апісання межаў Неназванска-Палускае акругі была прадпрынятая цэлая экспедыцыя, у межах якой былі наведаныя такія месцы, як [[Макаўе|аванпост Макаўе]], [[Луўр]] і іншыя. Былі зробленыя аэракасмічныя і звычайныя здымкі некаторых мясцінаў. Галоўнай мэтай было вывучэнне лакальнай тэрыторыі, памежных паселішчаў, ландшафту, мясцовай прыроды. Усе атрыманыя звесткі наносіліся на мапу.

Падчас экспедыцыі Крылы анёлаў ''[элітры, якія выкарыстоўвае JustTheCatBY]'' ламаліся больш за тры разы. Аднойчы, спадзяючыся іх парамантаваць, экспедытар увязяўся ў зацяжную бойку з мобамі за пячоры недалёка ад Неназванскай фермы трызубаў. Аднак дасягнуць мэты гульцу не ўдалося: сілы былі занадта няроўныя.

Сярод іншага высветлілася, што аванпост Макаўе непасрэдна прымыкае да межаў Панства. Улічваючы неактыўнасць дворфаў на дадзены момант, гэта наўрадці створыць сур'ёзную небяспеку, але патэнцыйная пагроза захоўваецца. Уключыць у склад каралеўства тэрыторыю не атрымалася: гэта прыватная маёмасць.

У рэзультаце экспедыцыі былі нанесеныя на мапу даволі вялікія тэрыторыі. Гэтай інфармацыі хапіла для дэталёвага апісання межаў узгаданай вышэй акругі.

Паводле новых межаў пункт тэлепорту «Рубяжы» апынуўся акружаным тэрыторыяй Палускага панства з усіх бакоў. Магчыма, гэта ўскладніць доступ да яго для гульцоў з Макаўя, але пакуль скаргаў не паступала. Таксама непасрэдна сам пункт не ўвайшоў у склад Панства, а атрымаў ад дзяржавы ўласную тэрыторыю, пазначаную на мапе акругі.

===Вырашэнне Кілатонска-Сікурборскага памежнага канфлікту===
<blockquote>Памежнае пытанне Кілатона-Сікурборг вырашана.

([[Удзельнік:Dauguva|Dauguva]])</blockquote>Падпісанне дамовы вычарпальна акрэсліла межы Кілатоны й паклала канец неадназначнасці, што прывяла да канфлікту. Аб'ектам, на якім грунтуецца заходняя мяжа Кілатоны, з'яўляецца мур, што быў пабудаваны сярод спрэчнай тэрыторыі і падзяліў яе паміж паселішчамі. Менавіта таму мур, верагодна, захаваецца надоўга, нягледзячы на тое, што непасрэднай патрэбы ў ім больш няма.

===Змены межаў Макаўя===
Раней лічылася, што Макаўе кантралюе тры выспы. Цяпер Палускае Панства прызнае за паселішчам толькі дзве выспы, на якіх яно непасрэдна размешчана. Афіцыйна ані ўладальнікам Макаўя, ані Княствам Падземным не заяўляліся канрэктныя межы аванпоста. Мапу Макаўя можна пабачыць на [[Макаўе|адмысловай старонцы]].
[[Катэгорыя:Аб'яднанні]]
[[Катэгорыя:Палускае Панства]]