Неназванае

Неназванае — паселішча ў дзяржаве Палус на сервере UNIJA, разьмешчанае па каардынатах -5634;-5913.

Гісторыя

Сцяг Неназванага

Першае ўзгадванне паселішча Неназванага так і застаецца невядомым. Пра першабытных жыхароў могуць сказаць толькі хаткі, якія захаваліся да нашых дзён: яны падобныя да зямлянак, невялікая колькасць. Хутчэй за ўсё першыя “неназваныя” людзі былі нізкага росту, а паколькі хатак зусім невялічкая лічба, можна зрабіць здагадку, што раней тут жыла сям’я ці дзьве. Ад заняткаў засталіся загоны для жывёлаў і калодзеж, які быў абноўлены.

На жаль, не захавалася ніякіх імёнаў ці назвы паселішча. Таксама невядома, куды ж зьніклі першабытныя жыхары.

Два гульцы Віктар (Victor) і Вераніка (Nika) сталі пераадкрывальнікамі гэных зямель. Акурат яны абнавілі калодзеж ды некаторыя будынкі. Яны і заўважылі праблему недахопу інфармацыі, але вырашылі “не руйнаваць даўніны й не ўводзіць навізну”, таму паселішча атрымала назву Неназванае. Яно знаходзілася вельмі далёка ад цэнтру сьвету, таму для гульцоў JustTheCatBY і DoctorTempa было задачай дабрацца да прыгожых зялёных зямель і пакінуць свае шыльды.

У свой час Неназввнае наведваў гулец Schiha. Апантаны старажытнай архітэктурай ён узвёў у горадзе 2 доміка і 1 мост.

Час ляціць, Неназванае стала крыху бліжэй, дадаліся новыя гульцы, некаторыя занялі сабе хаткі для лецішч. З’явілася жаданне пашыраць мяжу Неназванага, бо ўва ўсім паселішчы з вялікіх будынкаў быў толькі Віцеў Палац, што будуецца які ўжо год, калі не стагоддзе. Ідэю дала gabreek, адна з пастаянных жыхароў. Канцэпцыя заключалася ў тым, каб стварыць два раёны: Малае Неназванае, дзе акурат і засталася старажытнае Неназванае ды Віцеў Палац, і Вялікае Неназванае, дзе з’яўляюцца сучасныя будынкі. З рэалізацыяй праекту ім дапамагае EpicDan.

На дадзены момант паселішча Неназванае знаходзіцца ў дзяржаве Палус.