Дамова пра Фйятлін

З згоды Адміністрацыі, дадзеная дамова абвяшчае пра пераход тэрыторый пад агульнай назвай Фйятлін з цэнтрам на каардынатах -435; -231 і залежных ад яго тэрыторый з усімі рэчамі і як матэрыяльнымі, так і нематэрыяльнымі каштоўнасцямі, парталамі, істотамі і іншым у асобную маёмасць гульцу KrankieR ад гульца _Eph3meral з умовай захаваць існуючыя на момант 14 верасня 2024 года будынкі тэрыторый пад агульнай назвай Фйятлін.

У рамках кіравання тэрыторыяй яго ўладаром, гульцом KrankieR могуць быць зменены, выдалены ці дададзены наступныя палажэнні, але не абмяжоўваючыся імі: правілы паводзін; прыналежнасць да існуючых ці будучых створаных паселішч; сімвалы тэрыторый і залежных ад іх; умовы карыстання аб'ектамі, будынкамі, істотамі, парталамі і падобнае; умовы знаходжання і іншае, іншае, іншае без паведамлення агульнадаступным спосабам іншых гульцоў у межах самакіравання маёмасцю. Любыя пабудовы, арт-аб'екты, рэчы, прадметы, існасці, істоты, як матэрыяльныя, так і нематэрыяльныя каштоўнасці, пабудаваныя, пакінутыя (наўмысна ці не), кінутыя ці забытыя іншымі гульцамі на тэрыторыі вызначанай тэрыторыі аўтаматычна з'яўляюцца часткай матэрыяльных каштоўнасцей і рэчаў вызначанай тэрыторыі. Дадзеныя правілы не датычацца тых пабудоў, арт-аб'ектаў, рэчаў, прадметаў, існасцяў, істот, як матэрыяльных, так і нематэрыяльных каштоўнасцей, якія могуць кваліфікавацца як мясцовымі нормамі, так і агульна сервернымі правіламі як, але не абмяжоўваючыся, спроба здзейсніць грыф, сапсаваць атмасферу тэрыторыі, паменшыць каштоўнасць прадметаў і маёмасці тэрыторыі, нанесці рэпутацыйны, фізічны, матэрыяльны, духоўны ці іншы від пашкоджанняў уладару, гульцу KrankieR.

Пазначаная тэрыторыя мае вызначаную каштоўнасць у 1 (адну) шалкеравую скрыню стакаў дыяментавай руды ці 54 (пяцьдзясят чатыры) шалкеравых скрыняў стакаў дыяментавых блокаў, то бок 1 728 (адна тысяча семсот дваццаць восем) блокаў дыяментавай руды ці 93 312 (дзевяноста тры тысячы трыста дванаццаць) дыяментавых блокаў адпаведна. Пераацэнка агульнага кошту маёмасці можа праводзіцца камісіяй, якая складаецца з уладальнікаў прыведзенай маёмасці не часцей чым 1 (адзін) раз у 5 (пяць) гадоў. Ніякі іншы гулец не можа стаць уладальнікам дадзеных тэрыторый без асобнага, пацверджанага агульнадаступным метадам і заверанага адміністрацыяй дазволу гульца KrankieR і нікім больш.

Ахова за маёмасцю як мясцовай, у выглядзе аб'ектаў, істот, будынкаў, парталаў, існасцяў, рэчаў, матэрыяльных і нематэрыяльных каштоўнасцей, парталамі, істотамі і іншым, так і не мясцовай, напрыклад рэчы гульцоў гасцей, на вызначаных тэрыторыях ажыццяўляецца згодна з агульна сервернымі правіламі, калі яны не рэдагуюцца мясцовымі нормамі і/ці правіламі. У выніку ўзнікнення спрэчных сітуацый ці непаразуменняў, абодва бакі спрэчнага ці нявызначанага становішча аўтаматычна пагаджаюцца ўдзельнічаць у судзе з мэтай вырашэння ўзніклай спрэчнай сітуацыі.

Узгаднено 20.10.2024 Адміністрацыяй UNIJA.