Змены Статуту UNIJA
Статут UNIJA або Правілы — збор асноўных паняццяў і нормаў сервера, на аснове якіх рэгулююцца паводзіны гульцоў і тлумачацца тэрміны, што ўжываюцца на ім. Час ад часу, ён змяняўся як пажаданню гульцоў, так і адміністрацыі.
Гісторыя
Першая версія правіл ад ліпеня 2023 года:
Артыкул 2. Гульцы UNIJA, заходзячы на сэрвер, пацьвярджаюць сваю згоду з сапраўдным Статутам UNIJA (далей Статут) і абязуюцца, пад час гульні, выконваць палажэньні сапраўднага Статуту. Гульцы – уладальнікі гульнявых акаўнтаў, пры дапамозе якіх выконваецца гульня ў Minecraft Невыкананьне хаця бы аднаго палажэньня Статуту караецца згодна са Статутам UNIJA. Пытаньне аб пакараньні прымаецца Адміністрацыяй UNIJA (далей Адміністрацыя).
Артыкул 3. Тлумачэньне правілаў выконваецца Адміністрацыяй сэрверу UNIJA. Тэг – надпіс перад нікам гульца напісаны у квадратных дужках. Нік – назва гульнявога акаўнту гульца.
Артыкул 4. Вайп. Вайп – выдаленьне старога сьвету і стварэньне новага, альбо выбарачнае перастварэньне асобных частак (чанкаў) сьвету. Праводзіцца па жаданьні Адміністрацыі сэрверу UNIJA.
ЧАСТКА ІІ
ГРЫФ
Артыкул 5. Грыф – дзеяньне гульца, ськіраванае на зьнішчэньне, альбо выглядазьмену будынка, які не належыць гульцу, які праводзіў гэтыя зьмены без дазволу гульца-уласьніка будынка. Уладальнікам будынку лічыцца гулец, які прымаў рашэньне аб пабудове гэтага будынку. У выпадку прызнаньня гульца віноўным у грыфе, віноўны атрымлівае пакараньне ў выглядзе бану ад аднаго тыдня да шасьці месяцаў, у залежнасьці ад цяжкасьці злачыну і рашэньня Адміністрацыі UNIJA.
Артыкул 6. Вайна – дазволены грыф. Вайна можа праводзіцца, у выпадку існаваньня дамовы паміж гульцамі, прычым у гэтай дамове могуць быць апісаныя правілы, каторым падпарадкуюцца гульцы ў гэтай вайне.
Частка ІІІ Адміністрацыя сэрверу UNIJA
Артыкул 7. Адміністрыцыя сэрверу UNIJA – супольнасьць уладальнікаў праэкту, якая кіруе праэктам UNIJA, падтрымлівае яго жыцьцяздольнасьць. Адміністрацыя сэрверу UNIJA ў гульні пазначаецца тэгамі “Уладар” і “Канцлер”. Усе сябры Адміністрацыі маюць роўныя паміж сабой паўнамоцтвы. Пры зьяўленьні спрэчкі паміж чальцамі Адміністрацыі, спрэчка вырашаецца жэраб’ёўкай. Адміністрыцыя UNIJA прымае да ўвагі пажаданьні гульцоў і заклікае іх да выказваньня сваёй думкі што да паляпшэньня праэкту UNIJA. Адміністрыцыя UNIJA вызначае пакараньне гульцам, якія парушаюць Статут UNIJA згодна са Статутам UNIJA.
Артыкул 8. Мадэрацыя сэрверу UNIJA – супольнасьць гульцоў, якая кантралюе выкананьне Статуту сэрверу UNIJA. Мадэрацыя сэрверу UNIJA ў выпадку неабходнасьці можа выкарыстоўваць мэтады пакараньня ў адносінах да злачынцы, вызначаныя Статутам UNIJA. Такім выпадкам неабхднасьці лічыцца момант зьдзяйсьненья злачынства. Мадэрацыя UNIJA пазначаецца тэгам Гетман.
Артыкул 9. Мэтады пакараньня злачынцаў на сэрверы UNIJA. Злачынец – гулец, які учыніў дзеяньне, не дазволенае Статутам UNIJA. Існуюць два спосабы пакараньня злачынцаў: - Бан – адключэньне магчымасьці ўваходу на сэрвер UNIJA. - Мут – адключэньне магчымасьці пісаць у чаты праэкту UNIJA.
Частка ІV Абароненыя агульнасэрверныя тэрыторыі і статусы гульцоў
Артыкул 10. Абароненыя агульнасэрверныя тэрыторыі. Абароненыя агульнасэрверныя тэрыторыі (далей ААТ) ствараюцца Адміністрацыяй па жаданьні гульца на тэрыторыі дзе разьмешчаны будынак гэтага гульца дзеля яго абароны ад грыфу з боку нядаўна зарэгістраваўшыхся акаўнтаў. У прыватах, па жаданьні гульца-уладальніка прывату могуць быць падлучаныя сьцягі плягіну WorldGuard. Гулец-уладальнік прывату – гулец, чый будынак існуе на тэрыторыі гэтага прывату. Калі на тэрыторыі прывату існуе паселішча, гульцом-уладальнікам прывату зьяўляецца кіраўнік гэтага паселішча.
Артыкул 11. Статусы гульцоў. Статус гульца на сэрверы UNIJA можна пазнаць па тэгу ў ніке гульца. Існуюць два статусы гульцоў, не ўлічваючы Адміністрацыі і Мадэрацыі: - “Тутэйшы” – гулец, які пачаў гуляць нядаўна і яго ўзаемадзеяньне з ААТ абмяжоўваецца магчымасьцю націсканьня кнопак, выкарыстаньнем транспарту і магчымасьцю праходу па ААТ. - “Мяшчанін” – паўнапраўны гулец, які мае поўны доступ да ўсіх ААТ. Гулец са статусам “Тутэйшы” можа атрымаць статус з “Мяшчаніна” з часам, альбо па даручальніцтву з боку іншага гульца. У выпадку грыфу з боку гульца, за якога паручыліся, гулец-паручальнік атрымлівае палову пакараньня гульца, за якога паручыліся, прычым апошні атрымлівае поўнае пакараньне.
Частка V Будынкі
Артыкул 12. Статус каробак, плятформ у небе, асобнастаячых слупоў у неба. Тыпы збудаваньняў, якія клясыфікуюцца, як каробкі, плятформы ў небе, асобнастаячыя слупы ў неба зьяўляюцца забароненымі на сэрверы UNIJA. У выпадку спрэчнасьці клясыфікацыі збудаваньня, зьбіраецца камісыя са складу гульцоў у колькасьці пяцерых чалавек, якія першымі аб’явілі аб сваім жаданьні ўступіць у камісыю, у выніку працы якой збудаваньню прысуджаецца альбо не прысуджаецца клясыфікацыя тыпу збудаваньня. У выпадку, калі неабходная колькасьць чальцоў камісыі не была сабраная, пытаньне вырашаецца Адміністрацыяй UNIJA і Мадэрацыяй UNIJA на галасаваньні. У выпадку прысуджэньня збудаваньню, клясыфікацыі збудаваньня тыпу каробкі, плятформы ў небе, асобнастаячага слупа ў неба, збудаваньне зносіцца.
Артыкул 13. Статус збудаваньняў, якія супярэчаць законам этыкі і маралі. Збудаваньні, якія выкарыстоўваюць альбо самыя зьяўляюцца прапагандай расавай, нацыянальнай, палавой і іншай нянавісьці, зьяўляюцца забароненымі. У выпадку спрэчнасьці клясыфікацыі збудаваньня, зьбіраецца камісыя са складу гульцоў у колькасьці пяцерых чалавек, якія першымі аб’явілі аб сваім жаданьні ўступіць у камісыю, у выніку працы якой збудаваньню прысуджаецца альбо не прысуджаецца клясыфікацыя збудаваньня, якое супярэчыць законам этыкі і маралі. У выпадку, калі неабходная колькасьць чальцоў камісыі не была сабраная, пытаньне вырашаецца Адміністрацыяй UNIJA і Мадэрацыяй UNIJA на галасаваньні. У выпадку прысуджэньня збудаваньню, клясыфікацыі збудаваньня, як збудаваньня, якое супярэчыць законам этыкі і маралі, збудаваньне зносіцца гульцом, які збудаваў яго на працягу 14 каляндарных дзён пры паўторным злачынстве альбо пры адмове, гулец-злачынца атрымлівае бан, тэрмінам ад 1 дня да 1 году у залежнасьці ад цяжкасьці злачынства.
Артыкул 14. Рэлігійныя збудаваньні. Дзеля рэгістрацыі рэлігійнага збудаваньня неабходна паведаміць Адміністрацыю UNIJA. У рэлігійных збудаваньнях забаронена забойства іншага гульца, калі ня быў атрыманы дазвол ад забіваемага. У выпадку парушэньня, гулец-забойца караецца банам тэрмінам на 3 дні. Пры напаўненьні куфара 32 дыямэнтавімі блёкамі, паселішча (гулец) атрымлівае дадатковы транспартны сродак, прычым 32 дыямэнтавых блёкі зьнікаюць. Вышэйзгаданая замена дзейнічае толькі адзін раз, усе пасьледуючыя замены патрабуюць павялічэньня колькасьці рэсурсаў, пакладзеных у куфар(ы), у 2, 3 і г.д. разы.
Артыкул 15. Аўтаматычныя фэрмы пшаніцы і паў-афк фэрмы пшаніцы. Аўтаматычныя фэрмы пшаніцы і паў-афк фэрмы пшаніцы не зьяўляюцца забароненымі, але забаронена выкарыстоўваць пшаніцу здабытую з аўтаматычных паў-афк фэрм для абмену У выпадку збудовы і (або) выкарыстаньня аўтаматычнай фэрмы пшаніцы або паў-афк фэрмы пшаніцы, гулец, які збудаваў і (або) выкарыстоўваў яе, караецца банам ад аднаго тыдзя да шасьці месяцаў. Гулец можа адмовіцца ад забароны на аўтаматычныя фэрмы і паў-афк фэрмы пшаніцы, аднак гулец абавязуецца не прадаваць/перадаваць пшаніцу іншым гульцам, а таксама ня можа мяняць пшаніцу на дыямэнты, выкарыстоўваючы млын.
Артыкул 16. Млыны. Пры усталёўцы ў млыне двайнога куфара і напаўненьні яго 3456 (54 стакі) цюкамі сена, цюкі сена у поўным аб’ёме можна замяніць на 16 дыямэнтавых блёкаў. Пры жаданьні правясьці замену, неабходна паведаміць Адміністрацыю UNIJA. Вышэйзгаданая замена дзейнічае толькі адзін раз, усе пасьледуючыя замены патрабуюць павялічэньня колькасьці рэсурсаў, пакладзеных у куфар(ы), у 2, 3 і г.д. разы.
Частка VI Паселішчы
Артыкул 17. Паселішча – аб’яднаньне двух і больш гульцоў, пражываючых на адной тэрыторыі. Максымальнай колькасьцю паселішч, у складзе каторых можа быць прапісаны адзін гулец адзіначасова, зьяўляецца адно паселішча. Дзеля далучэньня гульца да іншага паселішча альбо стварэньня новага, павінна прайсьці 5 каляндарных дзён з моманту выхаду зь мінулага. Дзейны кіраўнік паселішча павінен паведамляць Адміністрацыю UNIJA аб уваходзе-выхадзе жыхароў у склад паселішча. Калі гулец жадае выйсьці са складу паселішча, трэба паведаміць пра гэта Адміністрацыю UNIJA.
Артыкул 18. Транспарт. Транспарт – сродак перамяшчэньня гульцоў, выкананы пры дапамозе камандных блёкаў, памешчаных у збудаваньне транпатнага сродку. Адзін транспартны сродак можа быць збудаваны пры наяўнасьці двух жыхароў у паселішчы. З кожным новым жыхаром паселішча колькасьць транспартных сродкаў павялічваецца на адзін новы транспартны сродак. Дзеля стварэньня транспартнага сродку неабходна збудаваць збудаваньне транспартнага сродку ў пункце адпраўкі і, пры патрэбе магчымасьці вярнуцца назад, у пункце прыбыцьця, прычым дазваляецца будаваць абодва будынкі ў розны час, пасьля чаго паведаміць Адміністрацыю UNIJA аб патрэбе зарэгістраваць транспартны сродак і дадаць камандны блёк для перамяшчэньня. У выпадку, калі наяўнасьць транспарту супярэчыць Статуту UNIJA, кіраўнік паселішча павінен паведаміць пра гэта Адміністрацыю UNIJA з просьбай заблякаваць той транспат, які абярэ кіраўнік паселішча. У выпадку, калі Адміністрацыя UNIJA не атрымала такое паведамленьне, Адміністрацыя UNIJA блякуе транспарт які абярэ па свайму жаданьню. Тэрмінам, за які кіраўнік паселішча павінен паведаміць Адміністрацыю UNIJA пра патрэбу заблякаваць транспарт зьяўляецца 5 дзён.
Артыкул 19. Заканадаўства паселішча. Заканадаўства паселішча можа быць інтэгравана да складу заканадаўчых актаў сэрверу UNIJA, у выпадку, калі гэта было зацьверджана Адміністрацыяй UNIJA. Каб атрымаць зацьверджаньне заканадаўчага акту (правіла) паселішча Адміністрацыяй UNIJA, неабходна зьвярнуцца да Адміністрацыі UNIJA з прашэньнем аб далучэньні заканадаўчага акту паселішча да рэестру заканадаўчых актаў сэрверу UNIJA. Статут UNIJA, а таксама любыя іншыя заканадаўчыя акты сэрверу UNIJA, якія былі напісаны і прыняты Адміністрацыяй UNIJA ня маюць прыярытэт над заканадаўствам паселішчаў. Заканадаўства паселішча мае сілу толькі на тэрыторыі паселішча. Пакараньні вызначаныя ў заканадаўстве паселішча не павінны перавышаць тэрміну ў 5 каляндарных дзён. Пакараньне можа быць ажыцяўлено пасьля забойства гульца жыхаром паселішча і паведамленьні пра гэта Адміністрацыі UNIJA. Рэдагаваць заканадаўства можна кожныя 24 гадзіны.
Артыкул 20. Тэрыторыя паселішча. Тэрыторыя паселішча вызначаецца кіраўніцтвам паселішча, пасьля чаго павінна быць зацьверджана на агульнасэрверным галасаваньні, у выпадку, калі ўзьнікаюць спрэчнасьці. Тэрыторыя аднаго паселішча ня можа існаваць на тэрыторыі іншага паселішча.
Частка VII Чат
Артыкул 21. Чат – сродак камунікацыі, выкананы праз адпраўку-прыняцьцё тэкставых паведамленьняў.
Артыкул 22. Паведамленьні, якія супярэчаць законам этыкі і маралі. Паведамленьні, якія ўтрымліваюць у сабе прапаганду расавай, нацыянальнай, палавой і іншай нянавісьці, зьяўляюцца забароненымі. У выпадку спрэчнасьці клясыфікацыі паведамленьня, як паведамленьня, якое супярэчыць законам этыкі і маралі, зьбіраецца камісыя са складу гульцоў у колькасьці пяцерых чалавек, якія першымі аб’явілі аб сваім жаданьні ўступіць у камісыю, у выніку працы якой паведамленьню прысуджаецца альбо не прысуджаецца клясыфікацыя паведамленьня, якое супярэчыць законам этыкі і маралі. У выпадку, калі неабходная колькасьць чальцоў камісыі не была сабраная, пытаньне вырашаецца Адміністрацыяй UNIJA і Мадэрацыяй UNIJA на галасаваньні. У выпадку прысуджэньня паведамленьню, клясыфікацыі паведамленьня, як паведамленьня, якое супярэчыць законам этыкі і маралі, гулец атрымлівае мут, тэрмінам ад 1 дня да 6 месяцаў.
Артыкул 23. Паведамленьні, якія ўтрымліваюць у сабе палітыку рэальнага сьвету зьяўляюцца забароненымі.
Артыкул 24. Паведамленьні якія ўтрымліваюць у сабе рэкляму, альбо флуд зьяўляюцца забароненымі. Флуд – незьмястоўны тэкст у вялікіх памерах. Рэкляма можа быць дазволеная Адміністрацыяй UNIJA, у такім разе яна не зьяўляецца забароненай. Дзеля атрыманьня дазволу, трэба зьвярнуцца да Адміністрацыі сэрверу UNIJA.
Частка VIII Судовая сыстэма
Артыкул 25. Заявы аб парушэньні заканадаўчых актаў UNIJA. Іх разгледжаньне. Пры парушэньні сваіх правоў, вызначаных заканадаўчымі актамі UNIJA гулец можа паведаміць Адміністрацыю UNIJA. Адміністрацыя UNIJA, у сваю чаргу, абавязана разгледзець гэтае паведамленьне і прыняць рашэньне аб прысячэньні супрацьпраўных дзеяньняў, калі такія маюцца.
Артыкул 26. Апэляцыя рашэньню Адміністрацыі сэрверу UNIJA. Пры нязгодзе гульца з рашэньнем Адміністрацыі сэрверу UNIJA аб пакараньні гульца, гулец мае права падаць апэляцыю. Дзеля падачы апэляцыі гулец павінен зьвярнуцца да Адміністрацыі UNIJA. Адміністрацыя UNIJA павінна разгледзець апэляцыю гульца і правесьці абмеркаваньне, на якім будзе прынята новае рашэньне, альбо пакінута старое. Рашэньне прымаецца Судовай Радай сэрверу UNIJA, якая складаецца з трох гульцоў, не належачых да Адміністрацыі ці Мадэрацыі сэрверу UNIJA і выбіраюцца на агульнасэрверным галасаваньні пры паступленьні запыту на гэта да Адміністрацыі . UNIJA.
Артыкул 27. Бок абвінавачваньня пад час працэсу абмеркаваньня Судовай Радай. Бок абвінавачваньня прадстаўляе сабой чальца Мадэрацыі сэрверу UNIJA, які быў абраны мэтадам жэраб’ёўкі, альбо іншага гульца, пры яго згодзе, калі гулец, які паведаміў Адміністрацыю UNIJA аб парушэньні сваіх правоў, выказаў такое жаданьне. Бок абвінавачваньня прадстаўляе бок гульца, які паведаміў Адміністрацыю UNIJA аб парушэньні сваіх правоў.
Артыкул 28. Бок абароны пад час працэсу абмеркаваньня Судовай Радай. Бок абароны прадстаўляе сабой не зьвязанага са справай гульца, пры яго згодзе, калі гулец, на якога паведамілі ў Адміністрацыю UNIJA аб парушэньні правоў іншага гульца, выказаў такое жаданьне, інакш Адміністрацыя UNIJA самастойна прызначае абарону падсуднаму з ліку жадаючых. Таксама падсудны можа прадстаўляць сябе самастойна. Бок абароны прадстаўляе бок гульца, на якога паведамілі ў Адміністрацыю UNIJA аб парушэньні правоў іншага гульца.
Артыкул 29. Спробы абыходу пакараньняў. Пры спробе абыходу пакараньняў, злачынца атрымлівае папярэджаньне і, калі яно было праігнаравана, атрымлівае ў дадатак да свайго пакараньня бан тэрмінам ад шасьці месяцаў да пажыцьцёвага.
Частка VIII Заключальныя палажэньні
Артыкул 30. Статут сэрверу UNIJA уступае ў сілу пасьля яго публікацыі.Змены ад студзеня 2024 года:
АГУЛЬНЫЯ ПАЛАЖЭНЬНІ
Артыкул 1. Праэкт UNIJA (далей UNIJA або сэрвер UNIJA) зьяўляецца праэктам, накіраваным на атрыманьне гульцамі забаўляльнага кантэнту.
Артыкул 2. Гульцы UNIJA, заходзячы на сэрвер, пацьвярджаюць сваю згоду з сапраўдным Статутам UNIJA (далей Статут) і абязуюцца, пад час гульні, выконваць палажэньні сапраўднага Статуту.
ЧАСТКА ІІ
КІРАЎНІЦТВА UNIJA
Артыкул 3. Адміністрыцыя сэрверу UNIJA – супольнасьць уладальнікаў праэкту, якая кіруе праэктам UNIJA, падтрымлівае яго жыцьцяздольнасьць.
Артыкул 4. Мадэрацыя сэрверу UNIJA – супольнасьць гульцоў, якая кантралюе выкананьне Статуту сэрверу UNIJA.
Частка ІV
АБАРОНЕНЫЯ АГУЛЬНАСЭРВЕРНЫЯ ТЭРЫТОРЫІ І СТАТУСЫ ГУЛЬЦОЎ
Артыкул 5. Абароненыя агульнасэрверныя тэрыторыі.
Абароненыя агульнасэрверныя тэрыторыі (далей ААТ) ствараюцца Адміністрацыяй па жаданьні гульца на тэрыторыі дзе разьмешчаны будынак гэтага гульца дзеля яго абароны ад грыфу з боку нядаўна зарэгістраваўшыхся гульцоў. Гулец-уладальнік ААТ – гэта кіраўнік паселішча, кіраўнік дзяржавы, у складзе якіх знаходзіцца дадзенае ААТ, ці, у выпадку калі гулец гуляе асобна ад дзяржаў і паселішчаў, уладальнік будынкаў на тэрыторыі ААТ.
Артыкул 6. Статусы гульцоў.
Існуюць 3 статусы гульцоў, не ўлічваючы Адміністрацыі і Мадэрацыі:
- “Мяшчанін” – паўнапраўны гулец, які мае поўны доступ да ўсіх ААТ. Гулец які мае значок "🍀", часова не можа ўзаемадзейнічаць з ААТ.
улец які мае значок "🍀" можа пазбавіцца яго з часам, або па даручальніцтву з боку іншага гульца, альбо іншым шляхам вызначаным гэтым Статутам. У выпадку грыфу з боку гульца, за якога паручыліся, гулец-паручальнік атрымлівае палову пакараньня гульца, за якога паручыліся, прычым апошні атрымлівае поўнае пакараньне.
- “Шляхціч” – гулец, які па ўласным жаданьні дарэмна падтрымлівае праэкт ці дапамагае ў яго рэалізацыі. Мае дадатковыя магчымасьці, якія не ўплываюць на асноўны гульнявы працэс.
- “Прывід” – гулец з моцна урэзанымі магчымасьцямі (рэжым прыгод). Дадзены статус можа выдавацца Кіраўніцтвам UNIJA ў пакараньне за парушэньне Статуту UNIJA.
Частка VI
ПАСЕЛІШЧЫ І ДЗЯРЖАВЫ
Артыкул 7. Паселішча – аб’яднаньне ня меньш як 4 гульцоў, са статусам “Мяшчанін” ці вышэй, пражываючых на адной тэрыторыі.
Рэгістрацыя паселішча адбываецца праз напісаньне кіраўніком паселішча ці дзяржавы, у складзе якой знаходзіцца гэтае паселішча, інфармацыі пра паселішча ў артыкуле на wiki UNIJA, прычым неабходна каб тэкст утрымліваў наступную інфармацыю:
назва паселішча;
мапа з дакладна вызначанымі межамі паселішча;
прыблізныя кардынаты цэнтру паселішча;
нік кіраўніка паселішча, а таксама нікі астатніх трох ці больш гульцоў.
У выпадку зьмены кіраўніка паселішча, неабходна зьмяніць нік кіраўніка паселішча ў артыкуле на wiki UNIJA
Максымальнай колькасьцю паселішч, у складзе каторых можа быць прапісаны адзін гулец адзіначасова, зьяўляецца адно паселішча.
Артыкул 8. Дзяржава – аб’яднаньне дзьвюх і больш паселішчаў.
Рэгістрацыя дзяржавы адбываецца праз напісаньне кіраўніком дзяржавы інфармацыі пра дзяржаву ў артыкуле на wiki UNIJA, прычым неабходна каб тэкст утрымліваў наступную інфармацыю:
назву дзяржавы;
сьпіс паселішчаў, якія знаходзяцца ў складзе дзяржавы;
нік кіраўніка дзяржавы.
Максымальнай колькасьцю дзяржаў, у складзе каторых можа існаваць адно паселішча адзіначасова, зьяўляецца адна дзяржава.
У выпадку зьмены кіраўніка дзяржавы, неабходна напісаць нік новага кіраўніка ў бот Адміністрацыі UNIJA дзеля яго зацьвярджэньня, а таксама ў артыкул дзяржавы на wiki UNIJA.
Кіраўнік дзяржавы можа выдаваць новым гульцам, адзначаным "🍀" дазвол на далучэньне гэтага гульца да аднаго з паселішчаў сваёй дзяржавы. Пасьля выдачы дазволу, кіраўнік дзяржавы абавязаны запісаць нік гульца атрымаўшага дазвол у артыкул дзяржавы на wiki UNIJA.
Артыкул 9. Тэрыторыя паселішча.
Тэрыторыя паселішча вызначаецца кіраўніцтвам паселішча, пасьля чаго можа быць зацьверджана на агульнасэрверным галасаваньні, у выпадку, калі ўзьнікаюць спрэчнасьці.
Частка VI
ДАМОВЫ І ЗАКАНАДАЎСТВА
Артыкул 10. Два і больш гульцоў могуць заключыць дамову, прычым дадзеная дамова лічыцца за нарматыўны акт сэрверу UNIJA.
Дзеля рэгістрацыі дамовы ствараецца артыкул на wiki UNIJA з тэкстам дамовы і сьпісам гульцоў, якія далучыліся да дадзенай дамовы.
Неабходнай умовай дзеяньня дамовы зьяўляецца агульная згода бакоў, якія яе заключаюць, якая дасягаецца падпісаньнем кніг з тэкстам дамовы непасрэдна ў самой гульні.
Артыкул 11. Дзяржава альбо паселішча могуць ствараць заканадаўства, якое будзе выконвацца і лічыцца за нарматыўныя акты сэрверу UNIJA ў межах дзяржавы альбо паселішча, аднак можа быць скасаваная Адміністрацыяй UNIJA.
Дзеля рэгістрацыі заканадаўства ствараецца частка з тэкстам заканадаўства, ці спасылкай на яго ў артыкуле паселішча ці дзяржавы на wiki UNIJA з тэкстам заканадаўства і спасылкай на дзяржаву альбо паселішча дзе яно выкарыстоўваецца.
Артыкул 12. Дамовы альбо заканадаўства маюць прыярытэт над Статутам UNIJA.
Артыкул 13. У выпадку узьнікненьня недакладнасьцяў у дамове ці заканадаўстве, то прыярытэт набывае Статут UNIJA.
Частка VII
ЗАБАРОНЕНЫЯ ДЗЕЯНЬНІ І АДКАЗНАСЬЦЬ ЗА ІХ УЧЫНЕНЬЕ
Артыкул 14. Грыф – дзеяньне гульца, ськіраванае на зьнішчэньне, альбо выглядазьмену будынка, альбо/і выглядазьмену блёкаў, у тым ліку крадзёж рэчаў, якія знаходзяцца на тэрыторыі ААТ, альбо, у выпадку яе адсутнасьці, у радыюсе 100 блёкаў ад будынку, які не належыць гульцу, які праводзіў гэтыя зьмены без дазволу гульца-уласьніка будынка.
Уладальнікам будынку лічыцца гулец, які будаваў дадзены будынак, калі іншае не было вызначана дамоўленнасьцю зь іншым гульцом.
У выпадку прызнаньня гульца віноўным у грыфе, віноўны атрымлівае пакараньне ў выглядзе атрыманьня статусу “Прывід”.
Артыкул 15. Збудаваньні, якія супярэчаць законам этыкі і маралі.
Збудаваньні, якія выкарыстоўваюць альбо самыя зьяўляюцца прапагандай экстрымізму, тэрарызму, расавай, нацыянальнай, палавой і іншай нянавісьці, а таксама якія ўтрымліваюць у сабе парнаграфію зьяўляюцца забароненымі. У выпадку прысуджэньня збудаваньню, клясыфікацыі збудаваньня, як збудаваньня, якое супярэчыць законам этыкі і маралі, збудаваньне зносіцца, а гулец-парушальнік атрымлівае статус “Прывід”.
Артыкул 16. Пляцоўкі гандлю з сялянамі.
Пляцоўкі гандлю з сялянамі (трэйдхолы) зьяўляюцца забароненымі на сэрверы UNIJA.
Адзінай дазволенай пляцоўкай для гандлю з сялянамі зьяўляецца пляцоўка на спаўне. У выпадку парушэньня данага артыкулу, збудаваны гульцом трэйдхол зьнішчаецца.
Артыкул 17. Паведамленьні, якія супярэчаць законам этыкі і маралі. Паведамленьні, ськіны і нікі, якія ўтрымліваюць у сабе прапаганду расавай, нацыянальнай, палавой і іншай нянавісьці, а таксама зьяўляюцца прапагандай экстрэмізму, тэрарызму і іншых супрацьзаконных дзеяньняў зьяўляюцца катэгарычна забароненымі.
У выпадку прысуджэньня паведамленьню, клясыфікацыі паведамленьня, як паведамленьня, якое супярэчыць законам этыкі і маралі, гулец караецца мутам, банам, альбо атрыманьнем статусу “Прывід”.
Артыкул 18. Паведамленьні, якія ўтрымліваюць у сабе палітыку рэальнага сьвету зьяўляюцца забароненымі.
Гулец, які піша паведамленьні, якія ўтрымліваюць у сабе палітыку рэальнага сьвету караецца мутам, банам, альбо атрыманьнем статусу “Прывід”.
Артыкул 19. Паведамленьні якія ўтрымліваюць у сабе рэкляму, альбо незьмястоўны тэкст у вялікіх памерах зьяўляюцца забароненымі.
Рэкляма можа быць дазволеная Адміністрацыяй UNIJA, у такім разе яна не зьяўляецца забароненай. Дзеля атрыманьня дазволу, трэба зьвярнуцца да Адміністрацыі сэрверу UNIJA.
У выпадку парушэньня данага артыкула, гулец караеца мутам.
Артыкул 20. Пакеты рэсурсаў ці іншае праграмнае забясьпячэньне накіраваныя на атрыманьне несумленнай перавагі перад іншымі гульцамі (чыты), а таксама выкарыстаньне багаў, дзюпаў зьяўляюцца забароненымі. Гулец, які парушыў гэты артыкул, караецца атрыманьнем статусу “Прывід”.
Артыкул 21. Перашкода медыйнай дзейнасьці зьяўляецца забароненай на сэрверы UNIJA. Перашкодай мэдыйнай дзейнасьці зьяўляюцца любыя дзеяньні накіраваныя на адмоўную рэакцыю стрымінгавых пляцовак ці стрымснайпінг.
Артыкул 22. Стварэньне і выкарыстаньне некалькіх гульнявых акаўнтаў на сэрверы UNIJA зьяўляецца забароненым. Гулец, які парушыў гэты артыкул, караецца атрыманьнем статусу “Прывід”.
Частка VIII
ЗАКЛЮЧАЛЬНЫЯ ПАЛАЖЭНЬНІ
Змены ад красавіка 2024 года:
Апошняя версія правіл ад ліпеня 2024 года:
Не зламайце будынка чужога і не скрадзіце з яго рэчаў не вашых.
Чат
Не напішыце ў чат паведамленне, што ўтрымлівае ў сабе незмястоўны тэкст у вялікіх памерах, абразу, любую форму нянавісці па нацыянальных, расавых, палавых і іншых прыкметах, а таксама, што ўтрымлівае ў сабе прапаганду экстрэмізму, палітыку рэальнага свету альбо парушае законы этыкі і маралі.
Багі, дзюпы і чыты
Не скарыстайце чытоў, багаў і дзюпаў, а таксама пакетаў рэсурсаў і іншага праграмнага забеспячэння, накіраванага на атрыманне несумленнай перавагі перад іншымі гульцамі.
Збудаванні
Не збудуйце будынка, што адмоўна паўплывае на тэхнічны стан сервера, і не збудуйце будынка, што ўтрымлівае ў сабе любую форму нянавісці па нацыянальных, расавых, палавых і іншых прыкметах, а таксама, што ўтрымлівае ў сабе прапаганду экстрэмізму, палітыку рэальнага свету альбо парушае законы этыкі і маралі.
Стварэнне кантэнту
Не перашкодзьце іншаму ў стварэнні мэдыякантэнту.
Выкарыстанне некалькіх акаўнтаў
Не стварыце сабе іншых акаўнтаў, акрамя свайго асноўнага.
Пляцоўкі гандлю з сялянамі
Не збудуйце пляцоўкі гандлю з сялянамі, акрамя гандляроў на дазволеных месцах.
Перашкода тэлепартацыі
Не перашкодзьце іншаму скарыстаць пункт хуткага перамяшчэння.
Дамовы
Не парушце дамовы з іншым, якая была падпісаная з дапамогай кніжкі.
Сведчанне парушэння запавету
Перашкодзьце іншаму ў парушэнні запавету, як убачыце, што такое адбываецца.
Дадатковая інфармацыя
