Канстытуцыя САТ
Раздзел 1. Асновы Канстытуцыі.
Артыкул 1.
Савельўская Аўтаномная Тэрыторыя (далей САТ) – сацыяльная прававая дзяржава.
САТ валодае вяршэнствам і паўнатой улады на сваёй тэрыторыі, самастойна ажыццяўляе ўнутраную і знешнюю палітыку.
САТ абараняе сваю незалежнасць і тэрытарыяльную цэласнасць, канстытуцыйны лад, забяспечвае законнасць і правапарадак.
Артыкул 2.
Чалавек, яго правы, свабоды і гарантыі іх рэалізацыі з'яўляюцца найвышэйшай каштоўнасцю і мэтай грамадства і дзяржавы. Дзяржава адказная перад грамадзянінам за стварэнне ўмоў для свабоднага і годнага развіцця асобы. Грамадзянін адказны перад дзяржавай за выкананне абавязкаў, ускладзеных на яго Канстытуцыяй.
Артыкул 3.
Адзінай крыніцай дзяржаўнай улады ў САТ з'яўляецца народ. Народ ажыццяўляе сваю ўладу непасрэдна праз прадстаўнічыя і іншыя органы ў формах і межах, вызначаных Канстытуцыяй.
Любыя дзеянні па змене канстытуцыйнага ладу і дасягненню дзяржаўнай улады гвалтоўнымі метадамі, а таксама шляхам іншага парушэння законаў САТ караюцца згодна з законам.
Артыкул 4.
Дзяржаўная ўлада ў САТ ажыццяўляецца на аснове раздзялення яе на заканадаўчую, выканаўчую і судовую. Дзяржаўныя органы ў межах сваіх паўнамоцтваў самастойныя: яны ўзаемадзейнічаюць паміж сабой, стрымліваюць і ўраўнаважваюць адзін аднаго.
Артыкул 5.
Тэрыторыя САТ адзіная і неадчужальная.
Адміністрацыйна-тэрытарыяльны ўстрой дзяржавы вызначаецца законам.
Артыкул 6.
Ніхто не можа быць пазбаўлены грамадзянства САТ ці права змяніць грамадзянства.
Грамадзянін САТ не можа быць выдадзены замежнай дзяржаве, калі іншае не прадугледжана міжнароднымі дамовамі САТ.
Набыццё і спыненне грамадзянства здзяйсняюцца ў адпаведнасці з законам.
Артыкул 7.
САТ можа надаваць права прытулку асобам, якія церпяць пераслед у іншых дзяржавах за палітычныя, рэлігійныя перакананні або нацыянальную прыналежнасць.
Артыкул 8.
Дзяржава надае ўсім роўныя правы для ажыццяўлення гаспадарчай і іншай дзейнасці, акрамя забароненай законам, і гарантуе роўную абарону і роўныя ўмовы для развіцця ўсіх форм уласнасці.
Дзяржава гарантуе ўсім роўныя магчымасці свабоднага выкарыстання здольнасцей і маёмасці для прадпрымальніцкай і іншай не забароненай законам эканамічнай дзейнасці.
Законам могуць быць вызначаны розныя аб’екты, якія знаходзяцца толькі ва ўласнасці дзяржавы.
Артыкул 9.
Рэлігіі і веравызнанні роўныя перад законам.
Забараняецца дзейнасць рэлігійных арганізацый, іх органаў і прадстаўнікоў, якая накіравана супраць суверэнітэту САТ, яе канстытуцыйнага ладу і грамадзянскай згоды ці звязана з парушэннем правоў і свабод грамадзян, а таксама перашкаджае выкананню грамадзянамі іх дзяржаўных, грамадскіх абавязкаў або прычыняе шкоду іх здароўю і маральнасці.
Артыкул 10.
Сімваламі САТ як суверэннай дзяржавы з’яўляецца яе Дзяржаўны сцяг.
Артыкул 11.
Сталіца САТ – горад Оўлібург.
Раздзел 2. Рэферэндум.
Артыкул 12.
Для вырашэння пытанняў дзяржаўнага і грамадскага жыцця могуць праводзіцца рэспубліканскія і мясцовыя рэферэндумы.
Артыкул 13.
Выбары дэпутатаў і іншых асоб, якія выбіраюцца на дзяржаўныя пасады народам, з’яўляюцца ўсеагульнымі: права выбіраць маюць грамадзяне САТ.
Любое прамое або ўскоснае абмежаванне выбарчых правоў грамадзян у іншых выпадках з’яўляецца недапушчальным.
Артыкул 14.
Выбары з’яўляюцца свабоднымі: выбаршчык асабіста вырашае, за каго галасаваць.
Падрыхтоўка і правядзенне выбараў праводзяцца адкрыта.
Артыкул 15.
Выбары з’яўляюцца роўнымі: выбаршчыкі маюць роўную колькасць галасоў.
Артыкул 16.
Галасаванне на выбарах з’яўляецца тайным: кантроль за волевыяўленнем выбаршчыкаў у ходзе галасавання забараняецца.
Артыкул 17.
Расходы на падрыхтоўку і правядзенне выбараў ажыццяўляюцца за кошт дзяржавы ў межах выдзеленых на гэтыя мэты сродкаў. У некаторых выпадках, расходы на падрыхтоўку і правядзенне выбараў могуць ажыццяўляцца за кошт сродкаў іншых арганізацый, грамадзян.
