Фермы

Гэта артыкул пра фермы сервера UNIJA. Актуальны спіс вы можаце знайсці у праграме. Калі вы шукаеце артыкул пра паселішчы, глядзіце Паселішчы і Месты.

Ферма — механізм ці канструкцыя, што дапамагае хутка ці ў большых аб’ёмах здабываць пэўныя рэсурсы.

Заўвагі

1. На серверы існуюць як уласныя, так і агульныя фермы рэсурсаў. Для карыстання ўласнай фермай, варта спачатку спытаць дазвол ейнага ўладара, бо вы можаце як парушыць правілы, так і зламаць механізм ейнай працы. Агульнымі фермамі можна карыстацца без дазволу пэўнага гульца, але вы ўсё яшчэ не можаце наладжваць ці змяняць механізм працы без пэўнага разумення ягонай структуры;
2. Варта памятаць, што рэчы на агульных фермах таксама агульныя. Таму не пакідайце надоўга там свае рэчы, калі не хаціце, каб яны зніклі ці падпісвайце іх, каб было зразумела дзе чыё;
3. Пасля прызнання ўласнай фермы гульца «агульнай», яна не можа стаць прыватнай зноў. Тым жа чынам, уласныя фермы гульцоў, што не маюць забарон на праход і іншых умоў карыстання, не з’яўляюцца «агульнымі»;
4. Некаторыя механізмы на серверы з’яўляюцца забароненымі — ім увогуле няма месца на серверы. Да забароненых напрыклад, адносяцца дзюп-машыны рэек/дыванаў і ўсе фермы дзе выкарыстоўваюцца аўтаматычныя прагрузчыкі чанкаў. Гэта абмежаванне не датычыцца ферм, што будуюцца на некалькі вымярэнняў — тэлепартацыя рэсурсаў і/ці мобаў дазволена да таго часу, пакуль гэта не робіцца аўтаматычна.

Пералік фермаў

Ніжэй пералічаны агульныя фермы:

1. Аўтапечка (1882, 7928);
2. Наступовы дапаможнік (-883, -303);
3. Наступовы дапаможнік 2 (-764; -442);
4. Поле Сайрэнсонг (-7, 215, як вялізнае месца бясплатнай ежы і насення);
5. Ферма ведзьмаў (-908, -381);
6. Ферма відар-шкілетаў (2718, 5685, ферма цалкам у Нэдары);
7. Ферма дрэва і коснай мукі (-7644, -71);
8. Ферма золата (1428, 250, сама ферма на даху Нэдара — 210, 30);
9. Ферма жалеза (1881, 8025);
10. Ферма кактусаў (3820, -2454);
11. Ферма кветак (370, 1617);
12. Ферма камення (2419, -244);
13. Ферма магмакубоў (-103, 286, ферма на даху Нэдара);
14. Ферма полымняў (7731, 4468, сама ферма ў Нэдары — 950, 560);
15. Ферма прызмарыну (-7504, -1313);
16. Ферма пяскоў (4064, -2317);
17. Ферма татэмаў ад Dzied_Baradzied_ (-1117, -24);
18. Ферма трыснёгу (3822, -2433);
19. Ферма ўсіх мобаў (-354, -1539);
20. Ферма фарбавальнікаў (1424, -720).

Цікавыя факты

• Наступовы дапаможнік і ферма татэмаў ад Dzied_Baradzied_, хоць і з’яўляюцца агульнымі фермамі, але не ўключаны ў афіцыйны спіс;
  • Наступовы дапаможнік першапачаткова будаваўся не для здабычы татэмаў. Гэта быў пункт дзе гульцы да абнаўлення 1.21 маглі скінуць эфект Прадвесце нападу (былы Знак бяды), каб не закрануць сваіх вяскоўцаў, а татэмы былі толькі прыемным бонусам;
  • Наступовы дапаможнік 2 і Ферма татэмаў ад Dzied_Baradzied_, па супадзенню, былі «адкрыты» ў адзін дзень — 20 верасня 2025 года;
• Ферма пяскоў была створана як замена «ванільнаму» метаду прамысловай здабычы пяску, праз дзюп з дапамогай парталаў у Край, бо ён забаронены на серверы, а адзінае, на той момант, пустыннае паселішча вельмі шанавала свае пяскі;
  • Радовішча займае плошчу ў 12864 квадратных блокаў і складаецца з пяску, чырвонага пяску і жвіру, што пры вышыні ў 77 блокаў дае адпаведна 422 шалкеры пяску, 37 шалкераў чырвонага пяску і 114 шалкераў жвіру за выключэннем ужо здабытай сыравіны;
  • Вышыня Фермы Пяску — 120 блокаў. Такі паказчык быў абраны каб штучная структура не была вышэйшай за прыродную ў пустыне;
  • У свой час штрафы за нелегальную здабычу пяскоў пустыні дазволілі прафінансаваць шмат інфраструктурных праектаў у Сане;
• Поле Сайрэнсонг раней было ўласнай тэрыторыяй гульца, нік якога не захаваўся. Падчас ягонага зыходу з сервера, гулец абвясціў, што кожны можа карыстацца як ягонымі рэсурсамі, так і полем;
  • Нягледзячы на наяўнасць сцягаў поля, назва таксама згубілася ў гісторыі, бо традыцыя пераназываць сцягі ў гонар назвы тэрыторыі ўзнікла толькі летам-восенню 2024 года. Раней гульцы звалі тыя мясціны «Вялікае поле», «Пшанічнае поле» ці «Спаўнаўскае поле». Назва «Поле Сайрэнсонг» публічна з’явілася падчас анонсу пасадкі там азімых культур, што адбылася 5 верасня 2025 года.