Кадукі

Сэрца мястэчка - Вялікі Замак

Аэрафотакасмічны здымак Кадукаў

Кадукі (лац. Kaduki) – невялічкае мястэчка на захадзе ад Новага Палуса (каардынаты -4537, 9378).

Гісторыя

Назва мястэчка паходзіць ад старэйшага ляснога духа, якога звалі Кадук. Беларусы верылі, што ён жыве ў самым цёмным лесе і ў самым багністым балоце. Адпаведна гэтаму павер’ю і было заснавана мястэчка. Спачатку гэта была самотная хатка ў цені густога леса, аточаная шматлікімі пачварамі, змесцаваная на невялічкай выспе. Але шоў час, пад стогны ў паветры “скіп кллск” ноч змянялася на дзень, і на тым таямнічым і глухім месцы з’явіўся Вялікі Замак.

Стыль забудовы

Кадукі будуюцца ў фэнтэзійным сярэдневечным стылі з элементамі абсурднай эклектыкі. Аснова будынкаў гэта экалагічныя будаўнічыя матэрыялы, такія як каменне, яловая драўніна, воўна.

Сцяг мястэчка Кадукі

Палітычная сістэма

Мястэчка кіруецца творчым хаўрусам першых і пакуль адзіных жыхароў Кадукоў – aimioin і grusaleco_. Сістэма кіравання Кадукоў падобна на сяброўска-палітычнае з'яднанне ВКЛ пачатку XIV стагоддзя. Мястэчка падпарадкоўваецца агульнасерверным правілам.

Транспарт

Мястэчка злучана хайперлупам і чыгункай з Новым Палусам. Вядуцца перамовы па стварэнню тэлепорту да найбунейшых краін сервера.

Забудова

Асаднікі Кадукоў адбудавалі жылы комплекс “Шрэкава дупло”, біятэхналагічны млын, сядзібу “Сакуровая Хатка Барбі”, Пірацкі Карабель ім. Капітана Джэка Вераб’я, а таксама высокатэхналагічныя фермы трыснягу, каляровай воўны, смажанай свініны, скуры.

Цікавыя факты

• Будаўніцтва асноўнай часткі Вялікага Замку каштавала амаль што тыдзень рэальнага часу і адзін невялічкі нярвовы зрыў.
• Дзякуючы гуманітарнай аперацыі па выратаванню жыхароў найблізкай вёскі ад голаду і дармаедства, Вялікі Замак мае сапраўдных жалезных рыцараў.
• Імя заснавальніка Кадукоў мае ганебную памылку, якую ён не заўважыў пры рэгістрацыі.