Міграцыя на ліцэнзію 06.01.2024

Артыкул дапаможа ўсім гульцам падрыхтавацца да пераходу асноўнага сервера ў ліцэнзійны рэжым 06.01.2024.

Вы ўжо гуляеце з ліцэнзіі

Калі вы на дадзены момант гуляеце з ліцэнзіі, то вам асабліва нічога не трэба рабіць. Пасля пераключэння сервера ўсе вашыя рэчы (у тым ліку ў эндаркуфары) захаваюцца, пажадана 06.01.2024, зайсці ў гульню і зноўку атрымаць статус Мяшчаніна і паведаміць адміністрацыі пра свае крамы якія зроблены праз ліцэнзіі і плагін Shopkeepers. Прадстаўнікі адміністрацыі, якія будуць у гэты дзень анлайн чакаць усіх, выдадуць вам зноўку статус Мяшчаніна і перададуць вашыя крамы, каб вы былі іх уладальнікам. На гэтым усё, прыемнай гульні.

Вы не гуляеце з ліцэнзіі, але плануеце яе потым набыць

Калі вы на дадзены момант не гуляеце з ліцэнзіі, але потым плануеце набыць яе і павярнуцца ў гульню на UNIJA, то лепш загадзя падрыхтавацца да гэтага. Верагодна ваш нік будзе недаступны для выкарыстання з ліцэнзіяй, таму да 06.01.2024, калі сервер будзе пераключаны ў ліцэнзійны рэжым, усе вашыя рэчы з інвернтара і эндаркуфара пакладзіце ў звычайны куфар. Датакова напішыце /discord unlink — каб раз'яднаць уліковы запіс на серверы с Discord;

І калі вы вернецеся ў гульню з іншым нікам на ліцэнзіі вы зможаце працягнуць карыстацца рэчамі і аб'яднаць дыскорд з новым акаўнтам. Вам застанецца зноўку атрымаць статус Мяшчаніна і забраць свае рэчы з куфара. На гэтым усё, прыемнай гульні.

Увага! Калі ў вас ёсць нейкія рэчы якія былі падпісаныя і заблакаваныя плагінам з дапамогай каманды /sign lock, то калі вы хочаце і далей маць магчымасць адблакаваць подпіс ці змяніць яго на гэтай рэчы, то здыміце блок да пераходу сервера ў ліцэнзійны рэжым. Потым зрабіць гэта будзе немагчыма.

Вы не плануеце гуляць з ліцэнзіі

Штош, было прыемна пазнаёміцца. Усяго вам добрага.