Майнкрафт. Кіно

Гэта артыкул пра фільм Minecraft. Калі вы шукаеце артыкул пра гульню, глядзіце Minecraft (гульня)

Афіцыйны посцер да фільма

Minecraft — будучы Фільм прыгод ад кампаній Legendary Pictures і Vertigo Entertainment пры супрацоўніцтве з Mojang Studios. Рэжысёрам з'яўляецца Джарэд Хес. Сцэнарысты праекту — Крыс Боўман, Хабел Палмер і Нэйл Відэнэр.

Сюжэт

Чатыры няўдачнікі нечакана трапляюць праз таямнічы партал у мудрагелістую кубічную краіну цудаў, у якой квітнее творчасць. Каб вярнуцца дадому, ім давядзецца асвоіць гэты свет, адправіўшыся на пошукі разам з нечаканым майстрам.

Акторы

• Джэк Блэк як Стыв;
• Джэйсан Мамоа як Гары "Смяцяр" Гарысан;
• Даніель Брукс як Дон;
• Себасцьян Юджын Хансен як Генры;
• Эма Маерс як Наталі;
• Джэніфер Кулідж як Намеснік дырэктара Марлін;
• Рэйчэл Хауз як голас Малгошы;
• і іншыя.

Вытворчасць

Распрацоўка

Яшчэ ў 2012 годзе, Mojang атрымлівала прапановы і ідэі розных шоў і серыялаў, заснаваных на гульні ад Галівудскіх прадзюсараў. Але, Mojang адмаўляліся са словамі "пакуль не прыйдзе добрая ідэя". У лютым 2014 года, адбылася няўдалая спроба пачаць збор грошай на фанацкі праект, але сам Маркус Персан папрасіў адмяніць збор, праз адсутнасць ліцэнзіі на камерцыйную дзейнасць. У той жа месяц было абвешчана, што Mojang пачала супрацоўніцтва з Warner Bros. Pictures для распрацоўкі афіцыйнага Minecraft фільма. У кастрычніку таго ж года, кампанія Mojang заявіла пра пачатак распрацоўкі буйнабюджэтнага фільма, выхад якога быў намечаны не раней за 2018 год. У 2016, на ранняй стадыі распрацоўкі фільма, было абвешчана, што фільм выйдзе 24 мая 2019 года.

У студзені 2019 года, Пітэр Салет замяніў на рэжысёрскім крэслы Роб МкЭлхенэй з ягонай канцэпцыяй "фільма, заснаванага на гульні з адкрытым светам". У красавіку 2019, Warner Bros. заявілі пра перанос фільма на 4 сакавіка 2022 года. У кастрычніку 2020 года, Warner Bros. заявіла, што праз пандэмію Кавід-19, рэліз можа быць адкладзены і дата рэлізу была выдалена.

У красавіку 2023 года было пацверджана, што фільм будзе з жывымі акторамі, а рэліз адбудзецца 4 красавіка 2025.

Здымка

Здыманне фільма мелі пачацца 7 жніўня 2023 года, але праз забастоўкі акцёраў і сцэнарыстаў, здымкі былі адкладзены і пачаліся толькі ў студзені 2024 года. Як пасля рэлізу казалі некаторыя ўдзельнікі каманды, у фінальным варыянце фільма нават засталася памылка VFX-каманды, а адно з камэа на вядомага стваральніка кантэнту па гульне было дададзена па просьбам актора Себасцьяна Хансена.

Джэк Блэк таксама ўдзельнічаў у забастоўцы

Рэліз і адзнакі

Рэліз намечаны на 4 красавіка 2025 года. У сакавіку 2024 года, Джэк Блэк заявіў у інтэрв'ю выданню Gamesradar, што фільм Minecraft заслугоўвае Оскар.

4 верасня 2024 года, у свет выйшаў першы тызер Майнкрафт фільма і адзнакі ад гульцоў былі вельмі рознымі. Адным спадабаўся стыль ugly-cute прыменены нават у фільме, а іншым не спадабалася несуадноснасць лору асноўнай гульні і розныя тэхнічныя памылкі, накшталт, невернага шрыфту на шыльдах ці наяўнасць неіснуючых прадметаў накшталт земляных пліт.

19 лістапада з'явіўся першы поўны трэйлер і рэакцыя аўдыторыі ўжо была не такая негатыўная, як падчас рэлізу тызер-трэйлера. Калі з'явіўся фінальны трэйлер да карціны, 27 лютага 2025 года, было зразумела: патэнцыйная аўдыторыя чакае карціну і большасць крытыкаў сталі нават чакаць рэлізу карціны, не гледзячы на нізкія адзнакі. Усе думалі, што нізкія адзнакі будуць як крытыкаў, так і гледачоў, таму новыя кадры хутка сталі віруснымі ў інтэрнэце.

За некалькі дзён з'явіліся адзнакі крытыкаў, што былі на ўзроўні 5/10. Калі фільм выйшаў у свет, ён адразу стаў мегахітом — сітуацыя была падобная на рэліз Марыё ў кіно ці Пяць Начэй у Фрэддзі, калі адзнакі крытыкаў былі таксама нізкія, але гледачы былі прыемна задаволены фільмамі. Пры бюджэце 150 мільёнаў даляраў, за першы ўік-энд, фільм зарабіў 301 мільён даляраў.

Пераклад

Беларускамоўная версія фільма будзе створана пры супрацоўніцтве каманды сервера UNIJA і Агучка "Kaviarnia". Анонс збору грошай на пераклад адбыўся 4 красавіка 2024 года, за год да даты выхаду.

15 верасня 2024 года ў свет выйшла агучка першага тызера да Майнрафт фільма. Таксама, у суадносным запісу, прысвечанаму 200 дням да рэлізу фільма, каманда падзялілася, што было сабрана больш за 25% ад неабходнай сумы.

3 снежня 2024 года быў агучаны першы трэйлер, а 1 сакавіка 2025 года быў агучаны і фінальны трэйлер да фільма.

7 красавіка 2025 года, сума збору была паспяхова закрыта.

Цікавыя факты

1. У якасці рэкламы карціны, для Bedrock-выдання гульні, былі створаны некалькі аддонаў і дапаўненняў. Напрыклад, гульцы маглі пачаставаць "лававую курыцу" з трэйлераў, пераапрануцца ў адзін з скіноў галоўных герояў ці нават самім абараняць Верхні Свет ад нападаў піглінаў на тэматычным мерапрыемстве каб атрымаць адзін з трох святочных плашчоў, што былі створаны. Два іншых былі эксклюзіўнымі ўзнагародамі ў рамках рэкламных акцый на Twitch і TikTok.

Спасылкі

• https://movie.unija.by — інфармацыйная старонка пра кампанію па перакладу і агучцы;
• https://unija.by — першы беларускамоўны сервер;
• https://kaviarnia.com — студыя агучкі;
• https://youtu.be/PE2YZhcC4NY?si=S2d9FjhXd_TS7Qt7 — арыгінальны першы тызер;
• https://youtu.be/_uZJSd5wIzM?si=YWWvawXnbfSoHfjS — першы тызер, перакладзены на беларускую мову;
• https://www.youtube.com/watch?v=wJO_vIDZn-I — арыгінальны першы трэйлер;
• https://www.youtube.com/watch?v=BRbmAyvhynA — першы трэйлер, перакладзены на беларускую мову;
• https://www.youtube.com/watch?v=8B1EtVPBSMw — арыгінальны фінальны трэйлер;
• https://www.youtube.com/watch?v=D2T_KO1_Zw4 — фінальны трэйлер, перакладзены на беларускую мову;