Ліцэнзія Minecraft
Асноўныя правілы
Не набывайце розные акаўнты з ліцэнзіямі якія ужо тыпу актывавааныя, яны танныя, але праз тыдзень там будуць змененыя паролі і гуляць вы не зможаце, гэта марнаванне грошаў. Нават калі ўнутры такога акаўнта вам дазволяць змяніць пошту і пароль, то вельмі верагодна, што гэты акаўнт быў скрадзены ў кагосці і праз афіцыйную падтрымку сапраўдны ўладальнік можа аднавіць яго. Раім набываць толькі код актывацыі гульні на свой акаўнт Microsoft, а ён не можа каштаваць 5 беларускіх ці 100 расійскіх рублёў. Прыблізны кошт кода 40-80 беларускіх ці каля 1000-1800 расійскій ці каля 12-20$ ці еўра (у залежнасці ад крамы, краіны і розных акцый-зніжак).
Акаўнт Microsoft
Першае што вам спатрэбіцца гэта ўласны акаўнт Microsoft на які набываецца ліцэнзія гульні. Калі ў вас ужо ёсць акаўнт якім вы карыстаецеся і ён дастаткова абаронены (уведзена дадатковая пошта, даданы нумар тэлефона, уключана двуфактарны ўваход) то можаце прапусціць гэты крок.
Калі акаўнта ў вас няма, то па спасылцы https://account.microsoft.com/ яго можна стварыць. Абавязкова выкарыстоўвайце надзейны пароль, дадаткова запішыце у нататніку ці на паперы, дадавайце свой нумар тэлефона (беларускія нумары не падтрымліваюцца) і дадатковы адрас эл.пошты каб вы маглі аднавіць пароль у любы момант і мелі дадатковыя магчымасці для абароны акаўнта.
Набываем ключ
Калі вы знаходзіцеся не ў Беларусі і ў вас ёсць вольныя $29.99, то можаце лёгка і проста набыць ліцэнзію на афіцыйным сайце Minecraft. Калі вы не можаце набыць ліцэнзію на афіцыйным сайце ці знаходзіцеся ў Беларусі (кампанія Microsoft афіцыйна прыпыніла продаж прадуктаў на тэрыторыі нашай краіны) то тады вам дапамогуць сэрвісы па продажу ліцэнзій праз ключ актывацыі.
Ніжэй пералічаны сервісы на якіх гульці ці адміністрацыя UNIJA ужо набывалі ліцэнзіі і не сутыкнуліся з праблемамі ў момант пакупкі і актывацыі:
| Спасылка | Каментар | |
|---|---|---|
| 1 | https://ggsel.net/catalog/product/3812539 | 01.01.2024 праверана адміністрацыяй, даступна з Беларусі* |
| 2 | https://plati.market/itm/minecraft-java-edition-minecraft-windows-10-11/2700175 | набывалі гульцы і адміністрацыя (02.01.2024, даступна з Беларусі*, раім толькі калі вы ведаеце што рабіць, бо 100₽ трэба даплаціць за інструцыю якая не змяшчае патрэбны VPN |
| 3 | https://t.me/AtlantidaStoreBot | праверана адміністрацый шмат разоў, даступна з Беларусі* |
| 4 | https://rozetka.com.ua/ua/269188776/p269188776/ | набывала некалькі гульцоў, трэба ўкраінскі нумар тэлефона, верагодна нельга заплаціць з Беларусі |
*калі побач са спасылкай напісана "даступна з Беларусі" гэта не азначае, што аплаціць можна будзе любой карткай беларускага банка як у звычайнай краме, сервісы аплаты часцей за ўсё расійскія і не ўсе беларускія карткі там працуюць. Трэба спрабаваць розныя карткі VISA, MasterCard, МИР ад розных банкаў. Калі ў вас ёсць электронны гаманец Юmoney, то праз яго можна стварыць віртуальную картку якая дакладна будзе працаваць, таксама атрымаецца аплаціць праз Qiwi.
Паспяховыя прыклады
1. Беларуская картка Белкарт-Мір спрацавала ў гульца па спасылцы з нумарам 2.
Актывацыя ключа
Актывацыя ключа часцей за ўсё адбываецца на старонцы https://redeem.microsoft.com/. Трэба толькі ўвесці код які вы набылі з свайго Microsoft-акаўнта. У гэты момант у вас павінен быць падлучаны VPN краіны для якой быў выраблены код (краіну рэгіёна і часовыя дадзеныя для VPN звычайна паведамляе прадавец пасля аплаты). Сам рэгіён акаўнта Microsoft ні на што не ўплывае.
Адмова ад адказнасці
Адміністрацыя UNIJA нічога не прадае, не рэкламуе і не адказвае за дзеянні прадаўцоў якія пералічаны ў табліцы вышэй. Інфармацыя размешчана ў якасці парады, бо прадстаўнікі адміністрацыі ці гульцы набывалі нешта для сябе з гэтых крыніц і дакладна не сутыкнуліся з праблемамі, але гэта не не дае гарантый таго, што так будзе заўсёды. Калі вы сутыкнуліся зз нейкай праблемай звяртайцеся ў падтрымку прадаўца.
Апошняе рашэнне дзе і якім чынам атрымаць ліцэнзію застаецца цалкам за вамі.
