Ліцэнзія Minecraft
Асноўныя правілы
Не набывайце розныя ўліковыя запісы з ліцэнзіямі якія ўжо тыпу актываваныя, яны танныя, але праз тыдзень там будуць змененыя паролі і гуляць вы не зможаце, гэта марнаванне грошаў. Нават калі ўнутры такога ўліковага запісу вам дазволяць змяніць пошту і пароль, то вельмі верагодна, што гэты ўліковы запіс быў скрадзены ў кагосьці і праз афіцыйную падтрымку сапраўдны ўладальнік можа аднавіць яго. Раім набываць толькі код актывацыі гульні на свой уліковы запіс Microsoft, а ён не можа каштаваць 5 беларускіх ці 100 расійскіх рублёў. Прыблізны кошт кода 40-80 беларускіх ці каля 1000-2500 расійскіх ці каля 12-20$ ці еўра (у залежнасці ад крамы, краіны і розных акцый-зніжак).
Уліковы запіс Microsoft
Першае што вам спатрэбіцца гэта ўласны ўліковы запіс Microsoft на які набываецца ліцэнзія гульні. Калі ў вас ужо ёсць уліковы запіс якім вы карыстаецеся і ён дастаткова абаронены (уведзена дадатковая пошта, даданы нумар тэлефона, уключана двуфактарны ўваход) то можаце прапусціць гэты крок.
Калі ўліковага запісу ў вас няма, то па спасылцы https://account.microsoft.com/ яго можна стварыць. Абавязкова выкарыстоўвайце надзейны пароль, дадаткова запішыце у нататніку ці на паперы, дадавайце свой нумар тэлефона (беларускія нумары не падтрымліваюцца) і дадатковы адрас эл.пошты каб вы маглі аднавіць пароль у любы момант і мелі дадатковыя магчымасці для абароны ўліковага запісу.
Набываем ключ
Калі вы знаходзіцеся не ў Беларусі, то можаце лёгка і проста набыць ліцэнзію на афіцыйным сайце Minecraft. Калі вы не можаце набыць ліцэнзію на афіцыйным сайце ці знаходзіцеся ў Беларусі (кампанія Microsoft афіцыйна прыпыніла продаж прадуктаў на тэрыторыі нашай краіны) то тады вам дапамогуць сэрвісы па продажу ліцэнзій праз ключ актывацыі.
Паспяховыя прыклады
1. Беларуская картка Белкарт-Мір спрацавала ў гульца па спасылцы з нумарам 2.
Актывацыя ключа
Актывацыя ключа часцей за ўсё адбываецца на старонцы https://redeem.microsoft.com/. Трэба толькі ўвесці код які вы набылі з свайго Microsoft-акаўнта. У гэты момант у вас павінен быць падлучаны VPN краіны для якой быў выраблены код (краіну рэгіёна і часовыя дадзеныя для VPN звычайна паведамляе прадавец пасля аплаты). Сам рэгіён уліковага запісу Microsoft ні на што не ўплывае.
Адмова ад адказнасці
Адміністрацыя UNIJA нічога не прадае, не рэкламуе і не адказвае за дзеянні прадаўцоў якія пералічаны ў табліцы вышэй. Інфармацыя размешчана ў якасці парады, бо прадстаўнікі адміністрацыі ці гульцы набывалі нешта для сябе з гэтых крыніц і дакладна не сутыкнуліся з праблемамі, але гэта не дае гарантый таго, што так будзе заўсёды. Калі вы сутыкнуліся з нейкай праблемай звяртайцеся ў падтрымку прадаўца.
Апошняе рашэнне дзе і якім чынам атрымаць ліцэнзію застаецца цалкам за вамі.
