Удзельнік:Alies Bialiauski-Urublieuski

Alies_BialiaUrub (інакш Алесь, Алесь Бяляўскі-Урублеўскі, раней SanchoNeOleg) — гулец серверу UNIJA, лібертарыянец, адзін з заснавальнікаў Дзедаўкі-Барадзедаўкі, другі яе жыхар, ініцыятар Першай канферэнцыі па зменах правілаў вайны, літаратар, паўфіналіст Змеявіцкага PVP-турніру.

Гісторыя

Перадгісторыя

Пачатак

Больш за тры гады таму пачаўся шлях Алеся ў майнкрафце, або як ён сам часта яго ў якасці жарту называе, мінесруфце. Адным з найбольш зацягваючых і эмацыйна знішчаючых досьведаў для гульца былі прыгоды на вайскова-палітычных серверах, праз якія ён стаў заўважаць адрознасць і адметнасць беларусаў, што аднойчы вырашыў выкарыстаць. У 2021 годзе быў створаны першы беларускамоўны і адносна паспяховы праэкт, які натхніў будучага рэвалюцыянера — Беларуская Народная Рэспубліка. Праз рэзкія змены ў мэтах скваду(згуртавання гульцоў, аб'яднаных адзінаю мэтаю) ад яго сталі адракацца гульцы з Расеі і наадварот далучацца беларусы, украінцы, казахі. Шлях быў абраны, зварочваць няма куды. Аднак шчасце і надзея зніклі з прыходам наступнага вайпу, калі вялізарныя імперыі блакавалі тэрыторыю Беларусі, не даючы ёй развівацца, а з часам і наогул уварваліся і знішчылі дэмакратычнае ўтварэнне. Некалькі вайпаў было прапушчана і сквад па сутнасці распаўся.

Румынская дзяржава

Праз паўгады частка ідэяў Бяляўскага-Урублеўскага стала магчымай для рэалізацыі, з'явіўся шанец. Алесь пазнаёміўся з напаў-ўкраінскай, напаў-расейскай камандай, чыімі планамі было пабудаваць "Україну від Сяну до Дону", у якую павінна было ўваходзіць таксама і Палессе. Аднак праз канфлікты інтарэсаў, хутка палова гульцоў, грамадзянаў РФ, збольшага пакінулі сквад, а замест іх старыя сябры Алеся, у тым ліку стваральнікі БНР усё больш запаўнялі сабою дыскорд-суполку. Урэшце рэшт праз шматлікія праблемы серверу і адсутнасць данатэраў сярод удзельнікаў Саборнай Украіны, сквад быў вымушаы абраць замест Украіны Румынію. У выніку ўнутрашніх канфліктаў, гэная дзяржава праіснавала толькі 2 месяцы, а ў найважлівейшы момант вайны да загадаў Алеся прыслухоўваліся выключна ягоныя сябры, таму Румынія засталася амаль безабароннай.

Ізраіль

Ужо на наступным вайпе, Алесь разам з той жа камандай зайняў Ізраіль, дзе праявіў свае палітычныя здольнасці, па сутнасці стварвўшы палітычную сістэму дзяржавы, якую намагаўся зламаць лідар дзяржавы і радыкальна нацыяналістычнай партыі. Супраць яго выступалі дэмакраты і анархісты, што назаўжды адбіткам легла на ягонае ўспрыняццё дзяржавы. Адсутнасць кансэнсусу і немагчымасць перамоў прыводзіла да забарон розных партыяў, баявых дзеянняў на тэрыторыі сталіцы. З сыходам анархістаў раптам апынулася, што Ізраіль так і не дамогся дыпламатычных поспехаў і толькі згубіў найлепшых байцоў краіны, праз што хутка капітуляваў у барацьбе супраць арабаў, якіх падтрымліваў Савецкі Саюз.

Антыімперыялістычная вайна

Наступным разам Алесь прынцыпова адмовіўся ўдзельнічаць у гэтым сквадзе, хаця сувязяў не згубіў і час адчасу гандляваў і абменьваўся інфармацыяй. Аўстрыя — вось, куды пайшлі мінулыя пабрацімы анархіста. Частка ўдзельнікаў анархічнай партыі Ізраілю пайшлі разам з дыктатарам на ўмовах аўтаномнага Львову. Сам жа некалі дэпутат Кнэсету, Алесь, выправіўся ў Фінляндыю, дзе вырашыў паступова прапіхваць анархічныя ідэі, што напраўду ішло даволі ўдала да моманту, як Бяляўскі-Урублеўскі е даведаўся аб памкненнях фінскага князя перайсці пад пратэктарат Расейскай Імперыі, якую персанаж Алеся, паводле лору ўдзельнік паўстання 1795, успрымаў, як ворага, праз што вырашыў паўплываць на жаданне ўладара. Нажаль, князь не толькі не пагадзіўся на прапановы прыхільніка ідэяў Касцюшкі і Ясінскага, але і прыгразіў перадачай ўраду Расеі, або наўпрост смяротнай карай. У выніку паўстаў план забойства фінскага князя, дзеля захопу ўлады анархістамі. Без нейкіх доказаў, княз фінскі абвінаваціў суперніка ў здрадзе і абвясціў, што адцяпер шляхціц ёсць выгнаннікам. Толькі праз сяброўства з фінскім жаўнерам, Алесь змог павярнуць найбольш каштоўтыя рэчы з свайго жытла і пакінуць краіну, вырушыўшы ў Ліхтэнштэйн, дзе мясцовы гаспадар з цеплынёю прыняў старога сябра. У непасрэднай блізкасці да Аўстрыі, да анархіста сталі дахолдзіць чуткі пра ціск на жыхароў Львова ў Габсбургскай Імперыі. Вольны сын Літвы накіраваўся да лідара мясцовых анархістаў, таксама ўдзельніка паўстання 1795, з якім яшчэ за часамі вайны, Бяляўскі-Урублеўскі меў цеснае сяброўства. На Галіччыне стала відавочна. што рыхтуецца паўстанне супраць улады, якое падтрымліваюць вялізарныя масы, з салідарнасці шляхціц паабяцаў дапамагчы брату па Айчыне і стаў шукаць зброю, людзей, аднак усе намаганні былі сцертыя ў пыл звесткай аб затачэнні шматлікіх удзельнікаў змовы супраць кароны. Няхай пры дапамозе карупцыі, анархісты змаглі збегчы з вязніцы і пераехаць у Ліхтэнштэйн, смтала відавочная немагчымасць правядзення рэвалюцыі ў Аўстрыі. Нейкі час удала атрымлівалася будаваць агнархічнае ўтварэнне ў невялічкім княстве побач з Аўстыяй і Швайцарыяй, але праз пашырэнне аўстрыйскага ўплыву на дзяржаўныя оргагны, нават у тым куце спакою стала небяспечна. На тым скончыўся апошні для Алеся вайп на тым серверы. Праз гэтыя падзеі ён і сфармаваў канчатковыя погляды Бяляўскага-Урублеўскага на жыццё, дзяржаву і сяброўства, у той жа момант гэта на доўгі тэрмін эмацыйна высмажыла няўдалага паўстанца, адчаго дзіця Беларусі толькі цяпер змагло пазбавіцца. І нават раней чуўшы пра гэны сервер, лібертарыянец на працягу больш за 5 месяцаў не наважваўся зайсці на UNIJA, покуль не адчуў моцную патрэбу ў гульні разам з блізкімі па духу людзямі, і як здаецца зараз, не прагадаў.

Першыя крокі на UNIJA

Першыя дні

Каля 14-15 верасня 2023 году, Алесь упершыню ступіў на сервер, дзе спачатку замест таго, каб накіравацца ў нейкі горад, стаць ягоным жыхаром, новы гулец стаў даследваць наваколле спаўну, змагацца з "недарубкамі" і здабываць сасмастойна першыя рэсурсы, абапіраючыся выключна на ўласны досьвед. Праўду кажучы, цераз амаль паўгады з апошняга заходу ў гульню, атрымлівалася блага і пасля чарговай смерці, на спаўне той сустрэў Astolfik777, які адразу прапанаваў далучыцца да Цмокава, на што паўстанца не адмовіўся, але прапанова wwaassee падалася больш цікавай. Здагадлівы Алесь нават самастойна ўсталяваў плазмамод, для галасавых размоў, праз што не атрымаў стартавага падарунку, але й не настойваў на тым, бо жадаў развівацца самастойна. Бяляўскі-Урублеўскі разам з першымі для сябе гульцамі выправіўся ў Бярозаўку, дзе лідар паселішча wwaassee патлумачыў правілы гораду і выдзеліў жытло Алесю. Праўда што на наступны дзень, капаючыся ў шахце Алесь раптам памёр, не паставіўшы кропку адраджэння ў Бярозаўцы. Такім чынам ён зноў апынуўся на спаўне без сродкаў для існавання, не ведаючы шлях да ўласнага дому. Аднак пашчасціла, што Astolfik777 і kastus_brl апынуліся побач і паказалі пякельную дарогу да светлага гарадку. Тады ж kastus_brl дапамог новаму гульцу, паказаўшы асноўныя кропкі на мапе UNIJA. Праз некалькі гадзін паказаць свой горад — Берасце далёкаму ад мясцовых канфліктаў і інтрыг Алесю пажадаў паказаць nayo.

Разаніна ў Берасце

Як жыхар Бярозаўкі, анархіст быў інфармаваны аб планах напасці на Берасце кіраўніка свайго паселішча, але не планаваў удзельнічаць у гэтым агідным мерапрыемстве. У той жа момант, жадаючы наладзіць кантакт між Берасцем і Бярозаўкай, а таксама з уласнай паэтычнай любові да багны, рэвалюцыянер пачаў будаваць "махнаты холм" на мяжы з Берасцем, як месца спакою, базу для перамоваў. Так або інакш у ўжо распаленым вогнішчы прытулку знайсці было немагчыма, нядаўна радасна прымаючыя Алеся берасцейцы забілі яго і прагналі з тэрыторыі. У час разаніны, Бяляўскі-Урублеўскі не прыяднаўся да аніводнага з бакоў. Але гэта запэўніла яго ў тым, што сучасныя правілы вайны не абараняюць простых жыхароў, а каб не маляваліся падобныя жудасныя крывавыя карціны гвалту людзям трэ выпускаць пар. Вынік просты — пачалося будаўніцтва PVP-комплексу, які час ад часу і цяпер карыстаюць па назначэнні.

Змеявіцкі турнір і Паўстанне Дзедаўкі-Барадзедаўкі

Незадоўга да абвяшчэння аб Змеявіцкім турніры, сам Алесь планаваў правесці свой, аднак праз невызначанасць спраў адклаў гэта. У дзень самога турніру ахвотна прапанаваў сваю кандыдатуру ў якасці глядыятара. Пачатак выдаўся не найскладанейшым, супраць Alies_BialiaUrub выступіў MagicWork, які дагэтуль быў незнаёмы бярозаўцу. Першы раўнд быў нібыта занадта простым, праз тое сам анархіст прапанаваў перайграць бой, але суддзя адмовіў. Падчас другога змаганя з складанасцю, але спадар паэт усё ж перамог супраціўніка, паказаўшы, што гатовы змагацца за месца, на якое заслугоўвае. Праўда ўжо наступны бой жарстока павярнуў глядыятара з нябёсаў на зямлю. Ягоным супернікам стаў адзін з прэтындэнтаў на перамогу FloYrTx. Гэта быў сапраўдны разгром, чаго не чакаў былы паўстанец, гэта падарвала наступныя ягоныя намаганні перамагчы Astolfik777, хаця на працягу другога бою, Бяляўскі-Урублеўскі быў дужа блізкім да гэнага пералому, але дрыж у руках преравяла яго канчаткова ў статус назіральніка. Такім чынам сярод усіх удзельнікаў турніра, як сам і прадказваў тое Алесь, ён апынуўся ў сярэдзіне спісу, атрымаў чацьвёртае месца. Толькі адное адбылася на карысць байцу — на стаўках ён падвысіз колькасць сваіх дыяментаў больш, ніж утрая.

Разчараваўшыся ў сваіх здольнасцях, Алесь не чакаў больш анічога ад таго дня, як раптам пачуў аб прыйшэсці Dzied_Baradzied. У выніку ён паўдзельнічаў у пабудове Дзедаўкі-Барадзедаўкі, уласна даўшы гэную назву новаму паселішчу. Цераз 2 дні і сам паэт перабраўся ў гэты аддалены шматок зямлі, дзе знайшоў спакой і нават пабудаваў першую для сябе краму, дзе прадаюцца асобнікі ягоных вершаў па даволі прыемных коштах.

Канферэнцыі па зменах правілаў вайны

Алесь на сцэне, дзе адбывалася Першая канферэнцыя, на фоне Махнатага халма

Трэцяга верасня 2023 год адбылася Першая канферэнцыя па зменах правілаў вайны. Мерапрыемства было накіравана на калектыўную выпрацоўку адзінага меркавання па пытанні, з якім пагадзіцца ўвесь сервер, прынамсі актыўная ягоная частка. Распачаў Алесь, акрэсліўшы галоўныя пытанні на дадзеным сходзе, а таксама выказаўшы агульны з kastus_brl погляд:

Дзеля таго, каб абасобіць гарады, жадаючыя ўдзельнічаць у вайне, трэба стварыць паняцце дзяржавы — гораду, ці аб'яднанню гарадоў, з мэтай супольнага адстойвання інтарэсаў, у тым ліку пры дапамозе гвалтоўнага прымусу.
Дзяржава як такая павінна стаць аўтаматычным дазволам на абвяшчэнне вайны для кожнай іншай дзяржавы.
Войска ў дзяржаве павінна стаць дабраахвотным, то-бок не кожны грамадзянін дзяржавы абавязаны ісці і змагацца за яе.(сустракаецца толькі ў прапанове Алеся)
У сваю чаргу, войска, якое прыходзіць на заваёву дзяржавы-суперніка не мае права атакаваць мірных жыхароў, у праціўным выпадку, іншыя дзяржавы атрымлівалі казус бэлі на краіну-злодзея.
Астатнія ўмовы павінны быць абгавораныя самімі дзяржавамі на пачатку вайны, а менавіта тып. дазволеная зброя, лакацыя бою.

У сваю чаргу omencover выказаў свой недавер да гэнага плану, бо на ягоны позірк сучасны стан правілаў найлепшы, у іншым жа выпадку пачнецца суцэльны хаос. Таксама на ягоную думку ідэя сырая, не гатовая да выпрабаванняў, а тыя самыя дзяржавы па сутнасці нічога не змяняюць, адное што даджаюць літары ў правілы і тэрміналогію, якая анікому не патрэбная, акрамя таго спадар оменкаўэр упэўнены ў тым, што сама ідэя вайны на дадзены момант не з'яўляецца цікавай для большасці гульцоў, таму нейкія змены на самой справе могуць быць наўпрост незаўважнымі.

На перакананне Astolfik777, правілы вайны наогул трэба перапісаць наноў, пераўтварыўшы эканамічную сістэму серверу на нешта блізкае да впг(вайскова-палітычных гульняў), дзе для гарадоў будуць існаваць эканамічныя межы, а дзеля іх пашырэння спатрэбіцца ваяваць, аб'ядноўвацца.

У выніку не ўдалося прыйсці да адзінага меркавання, але Alies_BialiaUrub і [[Удзельнік:Kastusbrl|kastus_brl] анансавалі працяг працы на гэтым накірунку, прыступіўшы да дапрацоўкі ўласных ідэяў і лепшай планіроўцы самога мерапрыемства.

Дзейнасць

Сузаснавальнік і жыхар Дзедаўкі-Барадзедаўкі
Уладар PVP-комплексу ля Бярозаўцы
Паэт і пісьменнік
Ініцыятар Першай канферэнцыі па зменах правілаў вайны
Глядыятар
Рэвалюцыянэр

Адносіны

На дадзены момант не прымае ўдзел у аніводным канфлікце прыватным, або глябальным.

Арганізацыі

На дадзены момант не прымае ўдзел у аніводнай арганізацыі.

Цікавыя факты

Нягледзячы на тое, што гулец з'явіўся нядаўна, ягоная вікі ўдзельніка найбольшая з усіх;
У той момант, калі пісаўся гэны артыкул, аўтар слухаў Trollwald;
Алесь умее няблага спяваць, але грае на гітары на ўзроўні першакласніка музычнай школы;
па-за межамі майнкрафту, Alies_BialiaUrub няўдала спрабаваў стварыць мод на HOI4.