ІІІ Статут Вялікага Княства Палескага
Трэці Статут Вялікіага Княства Палескага замяняе сабой статут І і статут ІІ. Быў прыняты 25.03.24 і перапрыняты 25.05.24.
Частка І Асноўныя Палажэнні
Артыкул 1. Вялікае Княства Палескае(далей Княства Палескае) - суверэнная, прававая, дэмакратычная дзяржава.
Артыкул 2. Суверэнітэт Княства Палескага пашыраецца на ўсе тэрыторыі Княства.
Артыкул 3. Па сваім складзе Княства Палескае з'яўляецца федэратыўнай дзяржавай і падзяляецца на ваяводствы(Пінскае, Берасцейскае, Таллнаскае, Савельеўскае). Кожнае ваяводства мае права на самакіраванне. Любое ваяводства можа пакінуць склад Княства Палескага толькі праз галасаванне ў Сойме.
Артыкул 4. Кожны жыхар Княства Палескага можа мець толькі адно грамадзянства Княства Палескага.
Артыкул 5. Сталіцай Княства Палескага з'яўляецца горад Берасце. Ратуша ў Берасці - гэта галоўны будынак Княства Палескага і яна з’яўляецца агульнай.
Артыкул 6. Дзяржаўнымі сімваламі Княства Палескага з'яўляецца Дзяржаўны сцяг і Дзяржаўны Герб. Сцяг складаецца з трох аднолькавых па памерах стужак белага, чырвонага і зялёнага колеру. Гербом Вялікага Княства Палескага з'яўляецца выява рыцара з мячом, ззаду якога знаходзяцца два сцягі. Па цэнтры выявы над рыцарам знаходзіцца вянок з грэцкім крыжам усярэдзіне.
Частка ІІ Правы і Свабоды Грамадзян
Артыкул 7. Правы і свабоды грамадзян ахоўваюцца Соймам і Камітэтам Бяспекі Княства Палескага.
Артыкул 8. Кожнаму гарантуецца права ведаць свае правы і свабоды.
Артыкул 9. Кожны грамадзянін абавязаны прытрымлівацца ўсіх законаў Княства Палескага.
Артыкул 10. Любы грамадзянін Княства Палескага можа заснаваць сваё паселішча на любой вольнай тэрыторыі ў межах Княства Палескага.
Артыкул 11. Грамадзяне Княства Палескага маюць права на: свабоду слова і думкі, недакранальнасць маёмасці і вольнае ёю распараджэнне, асабістую недакранальнасць, палітычную дзейнасць унутры дзяржавы, жыллё, вольную працу, прадпрымальніцкую дзейнасць, якая не парушае законы, аб’яднанне ў гільдыі, канфедэрацыі, партыі і іншыя грамадскапалітычныя арганізацыі.
Артыкул 12. У Княстве Палескім існуе дзве асноўныя кіруючыя пасады Мэр і Канцлер. Яны падпарадкоўваюцца Сойму.
Артыкул 13. У абавязкі Мэра ўваходзіць: кіраванне горадам, развіццё горада, павелічэнне насельніцтва горада. Можа быць звольнены за парушэнне законаў Княства Палескага. Мае тыя ж правы што і звычайны грамадзянін.
Артыкул 14. У абавязкі Канцлера ўваходзіць: кіраванне Княствам Палескім, развіццё дзяржавы, развіццё міжнародных адносін з іншымі дзяржавамі і паселішчамі, назначэнне чальцоў Камітэта Бяспекі. Канцлер абіраецца на два тыдні. Можа быць звольнены за парушэнне законаў Княства Палескага. Мае тыя ж правы што і звычайны грамадзянін. Канцлер не можа быць Мэрам пакуль не скончыўся яго тэрмін.
Частка ІІІ Урад Вялікага Княства Палескага
Артыкул 15. У Княстве Палескім дзейнічае парламенцкая рэспубліка.
Артыкул 16. Урад Княства Палескага падзяляецца на тры галіны: Заканадаўчая(Сойм), Выканаўчая(Канцлер, Мэр, Камітэт Бяспекі, Цэнтральнае Ведамства Выведкі), Вярхоўны Суд.
Артыкул 17. Канцлер, Мэр, Камітэт Бяспекі і Цэнтральнае Ведамства Выведкі напрамую падпарадкоўваюцца Сойму.
Частка ІV Сойм
Артыкул 18. Асноўным сродкам улады ў Княстве Палескім з’яўляецца Сойм.
Артыкул 19. У Сойм уваходзіць кожны грамадзянін Княства Палескага.
Артыкул 20. Сойм можа змяняць заканадаўства, аддаваць загады Канцлеру, Мэру, Камітэту Бяспекі і Цэнтральнаму Ведамству Выведкі, любы грамадзянін можа склікаць з'езд Сойму.
Артыкул 21. Рашэнні ў Сойме праймаюцца па сродкам галасавання, большасцю галасоў дэпутатаў Сойму.
Частка V Камітэт Бяспекі
Артыкул 22. Камітэт Бяспекі - камітэт які адказны за ахову незалежнасці краіны і яе грамадзян. Папярэджанне, выяўленне і спыненне разведвальнай і іншай дзейнасці на тэрыторыі дзяржавы, здзяйсненне спецыяльных місій дзеля забеспячэння бяспекі Вялікага Княства Палескага.
Артыкул 23. Удзельнікі Камітэту знаходзяцца пад абаронай Вялікага Княства Палескага.
Артыкул 24. Імёны чальцоў Камітэта Бяспекі не распаўсюджваюцца. Раскрыццё імён чальцоў Камітэту Бяспекі з'яўляецца дзяржаўнай здрадай.
Частка VI Вярхоўны Суд
Артыкул 25. Вярхоўны Суд сочыць за выкананнем Статута грамадзянамі, арганізацыямі і Уладамі Княства Палескага.
Артыкул 26. Суддзю абіраюць дэпутаты Сойму на два тыдні.
Артыкул 27. Можа судзіць любога жыхара Княства Палескага за парушэнне заканадаўства з доказамі яго злачынства.
Частка VII Цэнтральнае Ведамства Выведкі
Артыкул 28. Цэнтральнае Ведамства Выведкі(далей Ведамства) – ведамства якое займаецца выведкай на тэрыторыі іншых дзяржаў дзеля забеспячэння бяспекі Княства Палескага.
Артыкул 29. Удзельнікам Ведамства можа стаць любы чалец Камітэта Бяспекі.
Артыкул 30. Ведамства можа выкарыстоўваць любыя сродкі, якія не парушаюць статут сервера UNIJA, дзеля выяўлення пагрозы на тэрыторыі іншых дзяржаў і паселішч.
Частка VIII Заключальныя Палажэнні
Артыкул 31. Статут Княства Палескага набывае моц з моманту яго прыняцця Соймам.
