Сервер PLYN

Гэта старонка апісвае падзеі сервера PLYN. Калі вы хаціце паглядзець асноўную інфармацыю пра галоўны сервер, глядзіце UNIJA.

Кананічнасць падзей сервера PLYN пакуль што не вызначана, таму варта іх успрымаць як падзеі мультысусветнай часткі сервера

Сервер PLYN — пабочны праект сервера UNIJA, для тых гульцоў, хто жадаў вайпу і чагосьці новага.

Доступ

Каб трапіць на сервер можна было камандай /server plyn, адпаведным парталам побач з спаунам альбо парталам у Агульным Хабе.

Пра сервер

Памер свету сервера складаў 4 000 х 4 000 блокаў, прыкладна 16 км². Аглядны свет сервера цалкам штучны, менавіта таму мае ўласныя структуры, дрэвы і іншыя адметнасці ландшафтнага дызайну.

Гісторыя

Сервер быў заснаваны 12.07.2024, але ідэя пра яго стварэнне з'явілася яшчэ раней. Актуальнасць сервера пацвердзілася пасля Трэцяга СХОДу, дзе гульцы не аднаразова пыталі пра магчымасць вайпа розных тэрыторый ці ўсяго сервера. Адметнасцю сервера стала тое, што амаль усе працэсы гульні былі ўскладнены, сяляне, як і іх лекаванне, былі адключаны, а валютай для гандлю сталі ландышы. Таксама, было згадана, што сервер мэтанакіраваны на РП-гульню, менавіта таму, у гульцоў адсутнічала каманда /spawn і дынамічная мапа свету.

Першы сезон

Як было заяўлена адміністрацыяй пры анонсе, сервер павінен быў працаваў 1 год, гледзячы на актыўнасць і зацікаўленасць гульцоў. Але гульцы даволі хутка закінулі новы сервер, які, на іх погляд, быў даволі пустым і нецікавым. З-за адсутнасці актыўнасці, сервер быў закрыты 11.06.2025.

Цікавыя факты

Нягледзячы на заяўленую адсутнасць сялян, некаторыя гульцы сцвярджаюць, што яшчэ ў першы дзень гульні бачылі сялян, якія былі ў штучных вёсках, але пацвярджэння гэтаму няма;
Некаторыя штучныя дрэвы былі зроблены зусім з «недраўляных» матэрыялаў, напрыклад, цэменту ці керамікі.

Галерэя

Магутны старажытны лес
Керамічныя горы
Жэрла вулкана