Арганізацыя С.Э.К.С.

Супольнасць Экалагічнага Кантролю Сервера (таксама вядомая як Супольнасць Экалагічных Камісій Сервера, СЭКС ці С.Э.К.С., анг.: BOOBS [як Bureau Of Organic Balance for the Server]) — першая РП-арганізацыя на серверы. Нясе адказнасць за экалагічны стан паселішчаў, захаванне навакольнай прыроды і выконванне правіл сартавання смецця.

Гісторыя

21 красавіка 2023 года з’явілася ідэя як будзе выглядаць галоўная база арганізацыі — шкляны міні-купал у цэнтры возера. Аўтар ідэі, Schiha, казаў пра неабходнасць купалу і слою вады, для таго, каб абараніцца ад магчымых выбухаў з боку Akim_litvin. У той жа час з’явілася ідэя пра стварэнне ў гэтым купале заапарку, дзе кожнай жывёле будзе пара.

16 мая 2025 года пры перадачы тэрыторый Міжмор’я, TlTUL перадаў і Базу С.Э.К.С. таксама перадаўшы яму кіраўніцтва арганізацыяй. На наступны дзень, 17 мая, быў скончаны шкляны купал базы арганізацыі, а сама база атрымала падлучэнне да нэдарскай хайперлупы і іншыя паляпшэнні шляхоў камунікацыі.

18 мая таго ж года, быў скончаны шкляны купал базы, а 24 ліпеня — умацаваны падмурак.

Спіс удзельнікаў

• TlTUL;
• Schiha;
• 8ISKUP — кіраўнік.

Будынкі

За час існавання арганізацыі былі пабудаваны некалькі будынкаў, што сталі класічнымі для ўсяго сервера.

База

Пасля стварэння арганізацыі з’явілася неабходнасць у месцы, дзе маглі б праходзіць сходы і захоўвацца агульныя рэсурсы. Гульцамі была абрана тэрыторыя вострава на поўдні ад новаўтворанага чарадзейнага лесу. Такое размяшчэнне было зручна, бо дазваляла хутка рэагаваць на пагрозы звязаныя з вандалізмам на тэрыторыі чароўнага лесу.

Выгляд на Базу з космасу пасля сканчэння будаўніцтва шклянога купала

Таксама побач, існуе самае першае макавае поле, якое існавала яшчэ да Макавага хутара, але было значна пашырана толькі 30 ліпеня 2025 года. Да гэтага моманту, існавала толькі яго маленькая частка.

Будынак базы добра бачна на мапе па каардынатах 2688; 1377.

Макавае поле пасля пашырэння. Скрыншот з XaeroWorld Map, 30 ліпеня 2025 года

Манумент-офіс у Паселішчы А

Пасля заканчэння вайны за чароўны лес, у апошнія тыдні існавання Асвільчы, ейны ўладар, пан Акім і спадар Сцвіга дамовіліся аб заснаванні ў Асьвільчы новага офісу арганізацыі С.Э.К.С. Гэта было неабходна яшчэ і таму, што ў тыя часы арганізацыя лічылася «сервернай», калі мела хаця б 2 філіялы на тэрыторыі сервера.

Архіўны фотаздымак офіса ў Асьвільчы ад 23 красавіка 2023

Пасля вялікага зыходу гульцоў з Паселішча А, «офіс» застаўся галоўным сімвалам мінулых падзей. Ён быў прыведзены ў выгляд падобны на той, які задумваўся першапачаткова, толькі 25 ліпеня 2025 года.

Знаходзіцца на каардынатах -1827; -1771.

Галерэя сцягаў / Храм Аку побач з спаўнам

Выбухі ў гары каля спаўна, што адбыліся 18 красавіка 2023 года, з’яўляюцца часткай серверных падрываў Шышы і расцэньваліся прэсай як чарговы тэракт, але неўзабаве аказалася, што на месцы новастворанага каньёна плануецца пабудова парку, прысвечанага заканчэнню вайны. Як частка дэкарацый, побач з дрэвам у цэнтры, былі вывешаны сцягі тых паселішч, што існавалі на той момант. З цягам часу, гэтыя сцягі сталі гістарычнымі.

Скрыншот з рэпартажу пра падрыў

Пазней, Аку стаў часткай Нерыянства, а сам храм — часткай спаўнаўскага комплексу будынкаў, што шануецца ўсімі гульцамі і разбураўся толькі двойчы: падчас Узлому і Ночы помсты.

Галерэя/храм Аку побач з Спаўнам

Парк можна лёгка знайсці на каардынатах 110; -217.

Падзеі і ўплыў

Ахова чароўнага лесу і Вайна за яго захаванне

Асноўны артыкул: Вайна за Чароўны лес

Чароўны лес — адзін з старажытных прыродных помнікаў сервера. Спачатку, як месца для амбасад з жывёламі, а потым, як бляма на воку для іншага боку канфлікту, ён мог, у пэўны момант свайго існавання, мог знікнуць з-за вайны. Узніклы ўнутраны канфлікт у другога бока, дапамог Арганізацыі абараніць лес ад разбурэння і знішчэння.

Негледзячы на тое, што часам там нават аднойчы жыў гулец, усе Чароўны лес застаўся амаль не кранутым за ўвесь час існавання. Усе гульцы адносяцца да Лесу з вялікай пашанай.

22 жніўня 2025 года, быў адноўлены і палепшаны плот вакол Чароўнага Лесу. Цяпер у ім няма пустот, а падмурак зроблены з спецыяльнага матэрыяла распрацаванага Лабараторыяй арганізацыі. Як было адзначана ў прэс-рэлізе:

[Матэрыял] мае малую масу, значную плавучасць і вялікую выбухаўстойлівасць. І, самае галоўнае, ніяк не шкодзіць з часам жывёлам і раслінам!

Экалагічны кантроль

13 снежня 2023 года, Арганізацыя С.Э.К.С. атрымала лагічны працяг у якасці Міністэрства Экалогіі ад Сойма. Не гледзячы на тое, што абавязкі і магчымасці новага Міністэрства, так і не былі вызначаны, але праца была адноўлена з прыходам новага кіраўніцтва Арганізацыі. У новым фармаце былі адзначаны на экалагічнасць:

• Вялікі Востраў (ад 19 мая 2025, 60% з 100%);
• Грушаўка (ад 19 мая 2025, 75% з 100%);
• Зенітарыя (ад 19 мая 2025, 45% з 100%);
• Кілатона (ад 14 жніўня 2025, 75% з 100%, адзначана існаванне значнага пласту багровага нілія);
• Новы Палус (ад 12 чэрвеня 2025, 90% з 100%);
• Сана (ад 21 жніўня 2025, 100% з 100%, у якасці бонуса за экалагічнасць быў падараны падводны маяк).

Зялёны праклён

Зялёны праклён ці, інакш кажучы, Рассакрэчванне дакументаў часоў Вайны за Чароўны лес — мерапрыемства па выкрыццю таямніц з часоў таго канфлікту, што, фактычна, стаў прычынай стварэння самой арганізацыі. Гэты жэст, як тлумачыла сама Арганізацыя:

... спроба працаваць і дзейнічаць шчыра далей, у часы, калі ўсе таямніцы, здаецца, выкрыты, а супольнасць гатова для дыялогу і прабачэнняў.

Апублікаваўшы 9 жніўня 2025 года план разбурэння Асвільчы з 8 на 9 мая 2023 года, арганізацыя прызнала за сабою:

• Стварэнне і падтрымку псеўда-апазіцыі ў Асьвільчыцкім Княстве;
• Выкраданне ўдзельнікам С.Э.К.С. [Schiha] і дэманстратыўнае вяртанне ім жа Лісёнка Пеці;
• Наяўнасць «Плана Б» з гарматай пад тэрыторыяй [Асьвільчыцкага] княства;
• Каардынацыю выказванняў кандыдата [8ISKUP] ў гонар дзейнага князя;

Хоць і прыняўшы поўную адказнасць за Асьвільчыцкі Крызіс, Арганізацыя не назвала канкрэтных імёнаў. Як думаюць гульцы, такім чынам быў схаваны самы актыўны дзеяч Арганізацыі тых часоў — Schiha.

Супольнасць была здзіўлена, бо нават некаторыя жыхары самой Асьвільчы не ведалі пра такі паварот падзей. Некаторыя гульцы нават абяцалі нарэшце спаліць увесь Чароўны Лес, як адказ на «цёмныя справы».

Супрацоўніцтва з НДІ

13 жніўня 2025 года, была заключана дамова пра супрацоўніцтва з НДІ, якая ўключае палажэнні пра мэты і метады даследванняў, супрацоўніцтва і абавязкі за захаванне біяразнастайнасці сервера. Экзэмпляр падпісаны ад імя НДІ захоўваецца на Базе С.Э.К.С., а экзэмпляр падпісаны ад імя С.Э.К.С. — у бібліятэке НДІ. Гэта супрацоўніцтва стала магчымым з-за падобных мэт арганізацый і імкнення іх да захавання наваколля бяспечным як для гульцоў, так і раслін з жывёламі.

Цікавыя факты

1. Вынікі ўсіх экалагічных даследаванняў захоўваюцца на Базе арганізацыі.

Галерэя

• 
  Парк, прысвечаны сканчэнню Вайны за Чароўны Лес пасля разчышчэння смецця, 19 красавіка 2023 года
• 
  Другая выява з рэпартажу пра выбух на спаўне 18 красавіка 2023 года
• 
  База СЭКС з вышыні птушынага палёту
• 
  Выгляд на Базу СЭКС пасля ўзмацавання сцен
• 
  Макавае поле, побач з Базай СЭКС, ужывую