Біскупскі грып

Біскупскі грып (таксама вядомы як Біскупскі грыб) — трэцяя ўсесерверная хвароба.

Гісторыя

Сервер і раней сустракаўся з вірусамі. Першым стаў Трапавірус, якім захварэла не так шмат людзей ды і ўсе яны вылекаваліся на наступны дзень, а сведкі засталіся ў выглядзе народных казак і некалькіх згубленных скрыншотаў. Другая, Хвароба на UNIJA Demo, стала ўжо больш значнай падзеяй, але тая хвароба не выйшла за межы іншага света і там і засталася. Ці так было прынята думаць...

Першая хваля

З’яўленне і распаўсюджванне

Дакладна невядома калі нулявы пацыент заразіўся грыпам, але дакладна вядома, што правёўшы шмат часу на адным з грыбных астравоў на поўдні ад Цмокава і Хельстуборга. Праз ягоныя адсталыя кавалкі плоці пачалі расці сапраўдныя грыбы з якімі ён быў упершыню заўважаны 02.04.24. Спачатку яны ніяк не паўплывалі на паводзіны нулявога пацыента, але потым усё больш і больш сведак казалі пра тое, што паводзіны нулявога пацыента пачалі змяняцца. Ён пачынаў пераходзіць на грыбную пахлёбку, хацеў пабудаваць ферму грыбоў і актыўна агітаваў усіх «далучыцца да грыба».

Назва была дана ў гонар нулявога пацыента.

Распаўсюджванне на іншага «адроджанага» гульца адбылося падчас ягонага адраджэння, дзе ўдзельнічаў нулявы пацыент, як удзельнік працэсу. Верагодна тады, споры толькі знойдзенага грыпу перакінуліся і на толькі адроджанага гульца, які потым, як выявілася, таксама быў адроджаны не верна. Другім месцам, што падвергнулася новаму вірусу стаў Оўлібург. Як мера прысячэння распаўсюджання хваробы, Таллнас закрыў праезд да сябе праз Нэдар.

Усім стала зразумела, што трэба штосьці рабіць калі грыбы пачалі ўзнікаць у іншых паселішчах сервера, а частка Оўлібурга пакрылася міцэліем, які быў нехарактэрным для той мясцовасці. Тады да справы далучылася вучоная з Ботава — Cebula_zabija. Яна змагла прааналізіраваць міцэлій з Біскупства і Оўлібурга і выявіла, што вірус не здольны знаходзіцца самастойна ў знешняй серадзе і ён вельмі баіцца агню і высокіх тэмператур. Сам вірус быў кваліфікаваны як некрапаразіт з-за ягонай асабістасці распаўсюджвацца толькі на гульцоў што калісьці памёрлі ці перарадзіліся.

Лячэнне і сканчэнне эпідэміі

Так і не было знойдзена. Адзіны спосаб, які мог цалкам пазбавіць гульца ад вірусу — акт самазнішчэння з дапамогаю агню з-за слабасці віруса да яго. Менавіта так былі «палечаны» ўсе схварэлыя, што пазней вернулі сабе свой звыклы выгляд. Пазней, усе яны паспяхова прайшлі праверку на адсутнасць спор грыпу. Пасля ўсіх тэстаў і аналізаў, месца вывучэння, Закапанэ, было закрыта на карантын.

Другая хваля

З’яўленне і распаўсюджванне

Першыя звесткі пра даўно забыты вірус з’явіліся ў ноч з 8 на 9 сакавіка 2025, калі Alten_ нечакана вырашыў забудоўваць тую частку Парыжу, што была раней, 12 чэрвеня 2024, знойдзена і абвешчана як уцалелая частка спор Біскупскага грыпу. Пасля гэтага, Alten_ нават змяніў знешні выгляд — у яго з’явілася шляпка як у мухамора. Праз пару гадзін і адзін памежны канфлікт, акрамя Alten_, DeNoir74 і Jahorak пашыралі міцэлій вакол грыбоў, а колькасць захварэлых павялічылася. Прыкладна ў той жа дзень, была сфарміравана антыгрыбная кааліцыя з тых гульцоў, што памяталі былую эпідэмію — Mikhald_Freiwind, Cebula_zabija і 8ISKUP.

11 сакавіка 2025 года, Грыбному Братэрству быў забаронены ўваход на тэрыторыі зямель Змеявіцкай Манархіі, а ў тую ж ноч, побач з Санай, быў пабудаваны лагер для бежанцаў на каардынатах 4500, -2350. Крыху пазней, у Надпячор’е пачалі раздаваць маскі супраць віруса, а на тэрыторыі Фунгустаўна быў уведзены масачны рэжым, як часткі шляху да фермы Жалеза.

Сцяг Антыгрыбной кааліцыі, што з'явіўся ўпершыню ў лагеры бежанцаў

Далейшыя даследаванні і лякаванне

14 сакавіка 2025 года, ботаўскімі вучонымі была выведзена вакцына супраць Біскупскага грыпу пры прыняцці якой, гульца біла маланка і ён станавіся «ачышчаным», благаслаўлённым і абароненым ад спор грыпу. Як адказ на гэта, Грыбное братэрства распаўсюдзіла споры паразы на тэрыторыі Надпячор’я, Змеявіка, Кветкамор’я і Ботава, але адусюль, акрамя Ботава, яны былі ачышчаны. Як паказалі эксперыменты над жывёламі-дабравольцамі, споры грыбоў цалкам бяспечны для негуманоідных істот за выключэннем Жалезнага Галема, якога таксама не закранулі споры.

У Оўлібургскай лабараторыі таксама актыўна вялося даследванне гульцамі Owlic_ і MainArti. Імі было знойдзена, што асноўным пераносчыкам хваробы ў прыродзе з’яўляюцца дрыгвякі.

8 мая 2025 года, у першую гадавіну барацьбы з біскупскім грыпам, на значных месцах былі пабудаваны помнікі вакцыне, унізе якіх тры шыльды з надпісам:

Адсюль пачалося заражэнне.

Год паспяховай барацьбы з біскупскім грыпам.

Вакцыніруйся, каб застацца сабою.

Хоць грыбное братэрства спрабавала кампраметаваць вакцыну, але большасць гульцоў прыняла вакцыну, чым спыніла распаўсюджванне і з’яўленне новых хворых. Праз пэўны час, вірус сам пакінуў хворых, ад чаго была выдвінута гіпотэза пра псіхалагічную прыроду паразы ніж біялагічную.

Спіс схварэлых

З-за спецыфікі распаўсюджвання першай хвалі віруса, яму падвергліся толькі тыя гульцы, якія былі адраджаны з мёртвых няўдала ці нядаўна. Таму, большая частка гульцоў пазбегла паразы праз спыненне ўзаемадзеянняў з любымі грыбамі на серверы.

1. 8ISKUP (як нулявы пацыент);
2. Owlic.

У другую хвалю, заражэнню «грыба» былі падвергнуты гульцы, што ніколі не адраджаліся, таму пакуль невядома як другі нулявы пацыент атрымаў хваробу:

1. Alten_ (як нулявы пацыент);
2. DeNoir74;
3. Jahorak;
4. Gamandel;
5. 8azyl.

Цікавыя факты

• Dauguva мае імунітэт. Прычына гэтага — невядома;
• Некаторыя гульцы прапаноўваюць версію з’яўлення другой хвалі грыпу: ігнараванне Закапанскага карантыну, як пачатак разнясення спор; Балотнае ўварванне, як фактар першай мутацыі віруса і актыўная будоўля Парыжа, як фактар паўторнай актыўнасці спор грыпу.