Авалон

Авалон — былое паселішча, заснаванае гульцом Schiha і размешчанае па каардынатах 1950; -870. Аднасілася да паселішчаў Старамор'я.

На Авалоне жылі авалонцы.

Міфічная гісторыя

(тут пакуль нічога няма)

Аэрафатакасмічны здымак Прэфектуры Вострава Авалон

Гісторыя

Авалон быў заснаваны 2 лютага 2023 і пачаўся з маленькага вострава ў акіяне паміж Надпячор'ем, Санай і будучымі Далінай кветак, фермай прызмарыну і Жэўжык сіці.

Прыкладна ў канцы лета-восенню 2023 года Авалон змяніў форму кіравання на сёгунатства, далучыўшы ў свой склад Мурашайнік і Паўднёвы замак, як раёны без магчымасці адміністратыўнага кіравання. Суадносна, у той жа час, Паўднёвы замак страціў свой статус паселішча, а тэрыторыя Мурашайніку была афіцыйна далучана пасля захопу ў час адной з грыф-пятніц.

25 лютага 2024 заснавальнік Авалона, Schiha, абвясціў пра тое, што Авалон перастае быць паселішчам і пераходзіць ва ўласнае валоданне гульца. Сам жа Schiha, пераехаў у Закапанэ.

13 кастрычніка 2024, года ўвайшло ў склад аб'ядання Кветкамор'е.

Палітычная сістэма

З свайго заснавання да афіцыйнай рэгістрацыі была ўласным праектам Schiha, пасля з'яўлення другога жыхара, FloYr7x — 28 чэрвеня было зарэгістравана як паселішча.

Пасля лета-восені 2023 года, Авалон змяніў форму кіравання на сёгунат і стаў уключаць у свой склад 4 прэфектуры: Востраў (непасрэдна сам Авалон), Даліна Кветак (раней, як уласная тэрыторыя вакол фермы кветак), Паўднёвы Замак і Мурашайнік. У кожнай прэфектуры быў свой сёгун, які ўзначальваў ягоную прэфектуру і адказваў за будаўніцтва і знешні выгляд падкантрольнай тэрыторыі.

Пасля дэанансавання статусу паселішча, уся былая тэрыторыя Авалону стала маёмасцю гульца Schiha з умовай сканчэння ўсіх праектаў былымі сёгунамі.

З з'яўленнем Кветкамор'я, часова падпарадкоўваецца Канстытуцыі Закапанага.

Стыль забудовы

Стыль забудовы Авалона заўсёды змяняецца і дапаўняецца, бо ўзамен Нерынг-метала, які атрымаў Schiha, Панна Нерынга паабяцала забраць ягоную душу па сканчэнні будоўлі Авалону. Менавіта таму паселішча не прытрымліваецца адной стылістыкі, а дазваляе будынкі іншых паселішч, дадае каннелюры, пазалоту і гэтак далей, каб максімальна зацягнуць будоўлю.

Транспарт

Авалон з'яўляецца самым буйным каналам сувязі з іншым светам, на другім месцы — Надпячор'е. На Авалоне можна трапіць у іншыя месцы праз:

1. Дырыжабль да Новага Палуса;
2. Чоўны да Змеявіку і Бярозаўкі;
3. Чароўная мапа да Саны;
4. Бот да Ботава;
5. Бур да Віцебска;
6. Вежа з гадзіннікам да Кадукоў;
7. Партал да Кветкамор'я.

Насельніцтва

Раней складалася з:

1. Schiha, як кіраўнік і сёгун Авалона;
2. FloYr7x, як сёгун Паўднёвага Замка;
3. 8ISKUP, як сёгун Мурашайніка.

Пасля скасавання рэгістрацыі паселішча, насельніцтва адсутнічае, так як з'яўляецца прыватнай уласнасцю.

Цікавыя факты

• Паселішча ўваходзіць у ліст гарадоў сэрвэру, па якім праводзілі экскурсіі новым гульцам;
• Авалон пачаўся з маленькага вострава ў акіяне.