Вялікаастроўская Чыгунка

Вялікаастроўская Чыгунка - частка агульнасервернай чыгункі. Пабудавана гульцамі з Вялікага Вострава. З'яўляецца маёмасцю сэрвера, а не паселішча-будаўніка. Ëсць як у Верхнім свеце, так і ў Пекле. У Верхнім свеце першая чыгунка агульнага карыстання. У цэнтральных землях атрымала апгрэйд і вакзалы праз Чыгункі Вільты. У Пекле пралягае ад Палуса да Новага Палуса і ёсць ветка на Сану.

Гісторыя

Будоўля чыгункі распачалася гульцом Dauguva ад Спаўна да Вільты. Першым этапам быў пабудаваны перагон Спаўн-Надпячор'е (Так яно і з'явілася, станцыі патрэбны быў назоў). На адрэзку было 2 імённыя кропкі бяспекі, само палатно чыгункі ўяўляла сабой бут шырынёй 3 і энэргазапітанне ажыццяўлялася праз рэдстоўнавыя факелы. Чыгунка праходзіла з большага на вышыні 79. Гэты стандарт будоўлі дазваляў гульцам, якім патрэбна дапамога - уцячы ад мобаў і хуценька дабегчы да Спаўна па роўнаму буту чыгункі. Чырвоныя факелы трошкі рабілі асвятленне, што замінала спаўніцца мобам на палатне. На кожнай кропцы бяспекі быў куфар з карыснымі рэчамі, у тым ліку і ваганеткамі, а таксама варштат, каб скрафціць патрэбнае. Каля Надпячор'я была закладзена развілка Спаўн-Вільта-Замкі і пабудаван прыпынак на 3 кірункі. З гэткімі ж самымі стандартамі быў зроблены і працяг лініі да Вільты. Вакзал у Вільце, як і новы вакзал Спаўна былі пабудаваныя гульцом white_ON_red, то-бок Чыгункамі Вільты.

Вільтай, як сталіцай сусьвету, было прынята рашэнне, што чыгунка без апораў, з буту і такая шырокая, а таксама з факеламі выглядае не вельмі сучасна, таму Чыгункі Вільты перапрацавалі чыгунку ў новым стылі. У той жа час чыгунка працягвала будавацца ў бок Паўднёвага і Паўночнага Замкаў. І каля Паўночнага Замка карыстальнікі чыгункі могуць усё яшчэ бачыць арыгінальны стыль чыгункі з факеламі і шырокім палатном. Там гэта вельмі пасуе да асяроддзя, таму і не прыбіраецца. Пачынаючы з будаўніцтва чыгункі ад Паўночнага замка і далей убок фермы мобаў, з'яўляецца новы стандарт будоўлі. Энэргарэйкі акцівуюцца націскнымі, паміж якімі амаль заўсёды 6 простых рэек. Шырыня платформы - 1, а само палатно, як і раней, з буту. Кропкі бяспекі ўсё так жа ёсць на доўгіх перагонах і вышыня, як і раней, 79. Гэты стандарт зараз бягучы. Будоўля ад Паўночнага Замка была завяршальным этапам Першага Заходняга Кальца агульнай чыгункі.

Калі Новы Палус вырашыў аб'яднаць сябе чыгункай з цэнтральнымі землямі, Вялікаастроўскія чыгункі вызваліся дапамагчы і пабудавалі прыкладна каля 40% шляха з 2 станцыямі і 1 мемарыяльнай платформай.

Інфраструктура верхняга свету

Станцыі

Тут толькі пабудаваныя непасрэдна Вялікаастроўскай Чыгункай

Былая станцыя Надпячор'я
Вакзал Вялікага Вострава
Паўднёвы Замак
Паўночны Замак (проста платформа, вакзал абяцаны да пабудовы ўладаром замка)
Мурашайнік
Ферма ўсіх мобаў
Старое Берасце
Ведзьмы (Ферма ведзьмаў і дапаможнік па рэйдах)
Прызмарыльня (Станцыя жарт, не адзначаецца на мапах)
База С.Э.К.С.
Грыб (дом гульца tityl88)

Іньшая інфраструктура

Развілка Замкі-Авалон-Надпячор'е
Развілка Асьвільча-Старое Берасце-Ферма ўсіх мобаў
Развілка Асьвільча-Берасце-Ферма ўсіх мобаў
Развілка Вільта-База С.Э.К.С-Сігмаград
Платформа з падзякамі да ўдзельнікаў будоўлі шляха Вільта-Новы Палус

Мурашайнік
Ферма ўсіх мобаў
Старое Берасце
Ведзьмы
Вялікі Востраў

Чыгунка ў Пекле

Ад Палуса да Палуса. Чыгунка праходзіць ад Палуса праз Неназванае, Асьвільчу, Вялікі Востраў, Вільту і заканчваецца ў Новым Палусе. Ад станцыі Вільта адыходзіць ветка на Сану. У адрозненні ад чыгунак Верхняга свету, тут выкарыстоўваюцца чырвоныя факелы для энэргіі рэек. Гэта зроблена для таго, каб пры палётах на элітрах было прасцей знайсці арыенціры. Таксама для чыгунак Пекла былі распрацаваны новыя прыпынкі, бо прабіцца праз бедрак каб схаваць механізмы немагчыма.