I-е Палускае Панства

Тэрмін «Палус» можа мець і іншыя значэнні, гл. Палус (неадназначнасць)

I-е Палускае Панства (поўная назва — Аб'яднанае каралеўства абодвух Палусаў і Неназванага) — гістарычная дзяржава, скасаваная са зменамі ў статуце UNIJA 09.04.2024.

"Вітаем у Аб'яднаным Каралеўстве абодвух Палусаў і Неназванага. А яшчэ мы анархісты!" Гістарычнае вітанне палусцаў да новых наведвальнікаў

Гісторыя

У гэтым раздзеле тэрмін «Палус» азначае супольнасць гульцоў, што адпавядае гістарычнай традыцыі.

Гэты раздзел дапаўняе інфармацыю, што ўтрымліваецца ў артыкуле пра II-е Палускае Панства.

Да-унійскія часы

Гісторыя Палускага Панства вельмі старажытная. Заснавальнікамі былі чацвёра гульцоў:

• cherrybird (будучая Каралева Палуская)
• Leopalladium (aka reaper)
• Victor (заснавальнік Неназванага)
• Nika (недакладны нік)

Склаўшы суполнасць яшчэ раней, гэтыя гульцы далучыліся да UNIJA й стварылі першае паселішча — Протапалус.

Протапалускі перыяд

Падчас гэтага перыяду (адпавядае Першаму сезону паводле 8ISKUP) Палус уяўляў адзінае кампактнае паселішча, што мела чатыры жыхары. Яшчэ з таго часу засталіся вайсковыя й бытавыя традыцыі, што распаўсюдзіліся потым на ўсё каралеўства. Гісторыі пра іх з'яўленне захаваліся ў выглядзе паданняў пра дзяўчынак-заснавальніц Палуса.

Збройная традыцыя (традыцыйнае палускае паданне)

Адна з заснавальніц Палуса, Вераніка, прафесійна валодала лукам. Настолькі прафесійна, што нават атрымала адзіны на сэрверы ўнікальны тытул — [Лучніца]. Яна вырашыла перадаць свае веды й іншым гульцам, і з таго часу кожны палусавец займеў свой лук. Гэта тым больш гарманічна ўпісалася ў палускія традыцыі, што фактычна палусцы са сваім імкненнем да блізкасці з прыродай падобныя да эльфаў, а лук ёсць не чым іншым, як эльфійскай зброяй.

"...Бо лук — такі від зброі, якім добра павінен валодаць кожны ганарлівы палусавец" З размовы з невядомым жыхаром Новага Палуса, што была запісана падчас этнаграфічных даследванняў.

Бытавая традыцыя (традыцыйнае палускае паданне)

Іншая заснавальніца Палуса, Яніна — сапраўдная эльфійка. Яна разумела мову дрэваў, і, плануючы будаўніцтва ў Протапалусе, пачула, што вялікае дрэва заклікае яе пасяліцца разам з іншымі палусцамі сярод яго галін. Так была пабудаваная першая хата ў дрэве. З таго часу яшчэ неаднаразова Яніна-эльфійка паказвала палусцам, якое дрэва можа іх прыняць. І дагэтуль палусцы жывуць у магутных і моцных дрэвах.

Старапалускі перыяд

Пасля Вялікага Катаклізму палусцы зноў пачалі развіваць свае паселішчы. Першапачаткова яны пасяліліся ў вёсцы, вядомай як Старэйшы Палус, аднак у ёй не зайшлося падыходзячага дрэва, і палусцы рушылі далей на поўнач. Так узнік Стары Палус. Неўзабаве, пасля таго як Палуская выспа была абжытая, Victor, што адправіўся ратаваць Nika пасля доўгага падарожжа па Нэдары, заснаваў на далёкім паўночным захадзе Неназванае. Яшчэ пазней увага змясцілася на новае паселішча — Новы Палус, які стаў фактычна сінонімам першай палускай дзяржавы.

Перыяд існавання дзяржавы

11 ліпеня 2023 быў зарэгістраваны Новы Палус. Ад гэтага часу пачынаецца гісторыя I-га Палускага Панства як незалежнай дзяржавы. Афіцыйна ўрачыстасць Незалежнасці адзначаецца 14 ліпеня — у дзень нараджэння Палускай Каралевы. Скасаваная дзяржава была 9 красавіка 2024 года, як і ўсе іншыя тагачасныя дзяржавы.

Тэрыторыя

Агульная тэрыторыя

Тэрыторыя каралеўства ніколі не была вызначаная дакладна. Аднак як і сучаснае II-е Палускае Панства, гістарычны Палус складаўся з кавалкаў тэрыторый сваіх паселішчаў. Часам гэтыя тэрыторыі былі вельмі вялікімі, як закапанскі прыват. Значная частка палускіх тэрыторый была ў прыватнай уласнасці, аднак усё яшчэ ўваходзіла ў склад дзяржавы.

Паселішчы

Стары Палус

Першым горадам дзяржавы быў Палус. Гэтае паселішча дагэтуль мае значную ролю ў палускіх традыцыях, бо з'яўляецца жывым сведкам іх нараджэння. Менавіта адсюль палусцы разышліся па свету.

З часам горад згубіў сваё значэнне і апынуўся пустым. Паводле ўспамінаў JustTheCatBY, на момант яго далучэння да UNIJA ў лютым 2023 Палус уяўляў сабою пакінутую гістарычную мясціну, хоць і цікавую для вывучэння.

Неназванае

Немалаважную ролю ў дзяржаве сыграла Неназванае. Большую частку гісторыі Палуса гэтае паселішча знаходзілася вельмі далёка, таму акрамя мясцовых жыхароў (прадстаўленых, у першую чаргу, гульцом Victor) вядома толькі пра візіты туды JustTheCatBY і жыхароў іншых дзяржаў і паселішчаў. Пазней яно магічным чынам перанеслася на актуальнае месца.

Падчас другога з паловай сезона UNIJA менавіта ў Неназваным жыла палуская дзяржаўнасць у першую чаргу. Астатнія паселішчы былі ў значнай ступені закінутыя, а Неназванае развівалася.

Новы Палус

Ролю сталіцы ўзяў на сябе Новы Палус. Ён засяроджваў на сабе ўвагу ўсіх палусцаў. Гэтае паселішча доўгі час было найбуйнешым па колькасці актыўных гульцоў і актыўна развівалася. Менавіта тут мела адбыцца ўрачыстая каранацыя pani_janina і гіпатэтычнага палускага караля (гл. Манархі). Здавалася відавочным, што за новай сталіцай — перспектыва развіцця дзяржавы і сэрвера, але жыццё разпарадзілася йнакш.

Закапанэ

У склад Палускай дзяржавы першапачаткова ўваходзіла і Закапанэ. Фактычна, яно выйшла са складу Палуса пасля скасавання апошняга, то ж можна лічыць, што ўсю гісторыю I-га Палускага Панства Закапанэ, як і ўсё цяперашняе Заходняе Кветкамор'е, было часткай агульнай дзяржавы.

Кілатона

У сакавіку 2024 была створаная Кілатона — маленькая тэрыторыя з вялікімі амбіцыямі. Цэлая выспа была перабудаваная ў нэдаррэк, каб падкрэсліць баявы настрой кілатонцаў. Аднак развівалася яна нядоўга. Зараз гэта прыватная тэрыторыя mixedraceghost, што выкарыстоўваецца для фермаў.

Фаніпаль

Менш за ўсіх у складзе Палускай дзяржавы знаходзіўся Фаніпаль. Невялікае паселішча паўстала ў канцы сакавіка 2024, а праз прыкладна два тыдні дзяржава была скасаваная. Верагодна, менавіта таму Фаніпаль, як і Кілатона, быў закінуты заснавальнікамі і таксама перайшоў ва ўласнасць mixedraceghost.

Насельніцтва

У розныя часы насельніцтва Палускага Каралеўства складалі:

1. Nika (Неназванае)
2. cherrybird (Новы Палус)
3. Leopalladium (Новы Палус)
4. Victor (Неназванае)
5. JustTheCatBY (Новы Палус)
6. 8ISKUP (Новы Палус; пазней пераехаў на Авалон і далей)
7. Schiha (Новы Палус; не атрымаў грамадзянства)
8. EpiDan (Неназванае)
9. Anniebeth (Неназванае)
10. Annechka_M (Неназванае)
11. Trochkutnik (Неназванае)
12. gabreek (Неназванае; пазней пераехала ў КП)
13. TartartOfEphesus (Новы Палус)
14. astota (паселішча невядомае)
15. yueguanbai (паселішча невядомае)
16. steggad (Новы Палус; пазней пераехаў у КП)
17. NikeTheHuman (Фаніпаль)
18. Cebula_zabija (Закапанэ)
19. Kirieshka69 (Фаніпаль)
20. observr (Кілатона)

Кіраўніцтва

Манархі

Нягледзячы на агульную анархію, галоўная роля ў кіраванні дзяржавы належыла Каралеве. На працягу ўсяго перыяду існавання дзяржавы пасаду займала pani_janina. Некалькі разоў у Палусе мог з'явіцца і кароль. Першапачаткова каралём мусіў стаць Victor, фактычна кіраўнік Неназванага. Менавіта для такой каранацыі была пабудаваная царква ў Новым Палусе, аднак гэтыя планы так і не былі рэалізаваныя. Яшчэ каралём мог стаць Kastus_brl, князь дворфаў. Але ж далейшая гісторыя дворфскай дзяржавы зрабіла немагчымым саюз палусцаў і дворфаў. Тым не менш, былы кандыдат у каралі ў далейшым абраў высокі бок, а не сыйшоў у небыццё, як большасць дворфаў.

Каралеўскія саветнікі

Існаваў таксама інстытут каралеўскіх саветнікаў. Чаму саветнікаў, а не дарадцаў — невядома. Як бачна з назвы, гэта памочнікі Каралевы, якія адказвалі за канкрэтныя функцыі. У прыватнасці, Victor_L13 быў абраны саветнікам па замежных справах, steggad — саветнікам па будаўніцтве, а JustTheCatBY — па дакументах. Фактычна нейкія функцыі, звязаныя з пасадай, выконваў толькі steggad — у сталіцы з'явілася шмат новых будынкаў, але ўсе яны былі знішчаныя падчас Правабярэжнай Панікі. Саветнік па дакументах, аднак, выканаў сваю функцыю пазней, склаўшы Палускую дамову.

Інстытут каралеўскіх саветнікаў ніколі не быў скасаваны, аднак, верагодна, спыніў сваё існаванне са скасаваннем дзяржавы.

Дом Каралеўскіх Саветнікаў. Новы Палус

Сымбалі

Дзяржаўны герб.

Дзяржаўны сцяг.