Надпячор'е

Надпячор'е (лац. Nadpiačorje) - легендарнае паселішча цэнтальных зямель. Вольнае для эксперыментаў, адкрытае для ўсіх, неверагоднае ва ўсім. Заснавана не пазней за люты 2023 пры пракладцы веткі чыгункі Спаўн - Вільта гульцом Dauguva. Месцазнаходжанне - 949; -244.

Гісторыя

20 сакавіка 2023 ў Надпячор'і

Заснаванне і першы мур

Падчас пракладкі першай веткі вялікай чыгункі Верхняга свету паміж Спаўнам і Вільтай была выяўлена зручная вёска для будучай развілкі Спаўн-Замкі-Вільта. Станцыя каля яе Dauguva назваў Надпячор'е, так вёска атрымала назоў. Каб пакуль ідзе будоўля чыгункі, сялян у вёсцы не забілі зомбі, патрэбны былі галемы, таму Dauguva наставіў у вольных дамах ложкаў, а таксама дадаў усіх магчымах працоўных блокаў для жыхароў. Каб новыя сяляне не сумавалі.

Вежа, выгляд з архаічнай чыгункі.

Праз некалькі тыдняў пасля з'яўлення Надпячор'я, у вёску прыбыў Dauguva са Знакам Бяды і ўсе сяляне чамусьці загінулі. Каб такога больш не адбылося Dauguva распачаў будоўлю плота і амаль у той жа момант на сервер зайшоў гулец snieh, якому не адкладальна былі перададзены правы на валоданне Надпячор'ем, бо той быў не супраць. snieh працягнуў будаваць плот вакол Надпячор'я. Таксама ён пабудаваў 2 экадамы з жвіра, каб сялян было болей, чым раней. Арыгінальны плот Надпячор'я складаўся з зямлі ды дошак і быў вельмі экалагічны і незаўважны з космасу. Калі будоўля плота была скончана, з Падвільчы насільна былі запрошаны некаторыя сяляне для адраджэння нацыі. Прапанову сяляне радасна прынялі.

Падчас будоўлі плота snieh атрымаў спонсарскую дапамогу камення ад Авалона. Гэтае каменне было выкарыстана для будоўлі вежы. Гулец Dauguva палепшыў вежу і дадаў ёй балконаў, партал у Пекла і ліфты. З таго моманту Dauguva лічыць Надпячор'е сваім лецішчам.

Эпоха Ludozhop

Пасля сканчэння вежы shieh пачынае ўсё меней і меней наведваць Унію, а каля Надпячор'я селіцца вольны паэт і вандроўнік Kryvich. Kryvich садзіць і збірае ўраджай у Надпячор'і. Таксама на той момант лічыць сябе ўладаром Надпячор'я, бо аспрэчыць на той момант гэта некаму. Але вельмі хутка на сэрверы з'яўляецца гулец Ludozhop, які па запрашэнню Kryvich і Dauguva прыбывае паглядзець на вёску, і нечакана у ёй і застаецца жыць.

Першая сустрэча з Рыкарда Міласам Ludozhop

Адразу пачынаецца перабудова плоту на менш экалагічны з адных толькі дошак. Ludozhop паляпшае сцежкі ў вёсцы - спрамляе іх і дадае нехапаючыя. Экахлеў з жвіру замяняе на неверагодны палац з буту. Той бутавы палац і драўляны плот захаваліся да нашых часоў і вольны для наведвання кожным жадаючым. На даху вежы Ludozhop усталяваў сцяг Паўднёвай Асетыі, тым самым жадаючы паказаць, што ён не грузін. У паўднёвым баку вёскі, каля аўчарні, Ludozhop пабудаваў сваю сядзібу. Амаль адразу апасля будаўніцтва сядзібы Ludozhop'a, Надпячор'е атрымала сцежку да вёскі, якую знішчыў Пярун і да Чорнага Замка. І прыкладна ў гэты ж час адбыўся палітычны канфлікт у Паселішчы А, вынікам якога стаў ад'езд 8ISKUP у лепшыя мясціны, а лепшымі мясцінамі на той момант магло быць толькі Надпяор'е. Так 8ISKUP атрымаў сваю хату ў вёсцы.

Ludozhop не прызнаваў брані, акрамя майткаў, таму яго дастаткова часта забівалі і напрыканцы эпохі яго ўплыў на Надпячор'е пачаў падаць.

Эпоха 8ISKUP

Базавы жыхар Надпячор'я асэнсоўвае ўсе змены, якія адбыліся за апошні час.

Сучасная эпоха Надпячор'я пачалася з таго, што памер Надпячор'я зрабіўся ў 2 разы болей і хата 8ISKUP увайшла ў новую мяжу. Была пабудавана статуя snieh, як сапраўднага ўладара паселішча, які нікому не аддаваў сваю ўладу. Гулец 8ISKUP пабудаваў аўтаматычную зеллеварку, вароты для уваходу з усходняга боку на шляху ад Вільты да Авалона праз Чорны замак і ферму кветак. У гэты ж момант у Надпячор'і ўспамінаюць пра Вялікую ахоўніцу - Панну Нерынгу і будуюць у гонар яе першую царкву на Unija.

Падчас рэгістрацыі паселішчаў, каб захаваць паселішча ад рабаванняў і здекванняў над мясцовым насельніцтвам з боку выпадковых гульцоў з-за адсутнасці заўсёдных жыхароў-гульцоў, 8ISKUP зарэгістраваў Надпячор'е як сваю маёмасць, а не асабістае паселішча з-за забароны падвоеннага грамадзянства. Сучасны статус паселішча застаецца пад пытаннем з-за таго, што з-за зрыву каранацыі cherrybird, Надпячор'е і Неназванае не былі афіцыйна далучаны ў якасці новых тэрыторый, таму 8ISKUP прытрымліваецца нейтралітэту тэрыторый пад сваім кіраўніцтвам. Гулец-заснавальнік Dauguva і гулец, які атрымаў ад яго Надпячор'е snieh лічаць, што Нядпячор'е ўвогуле не можа быць далучана да Палуса ці іньшай тэратырыяльнай адзінкі, бо яны не згодныя на гэта. Пры гэтым яны цалкам не супраць, каб 8ISKUP юрыдычна валодаў Надпячор'ем. Меркаванні іньшых гульцоў на сэрверы падзяліся на тых хто за далучэнне, на тых хто супраць і на тых каму няма розніцы.

Забудова

Першапачатковая забудова Надпячор'я ўяўляе сабой звычайную вёску з сялянамі. Просты людзі хадзілі ў сваю сялянскую царкву, верылі, што аднойчы прыйдзе Вардэн і абароніць іх ад рознае халеры. Морква была больш памяранцавай, а хлеб больш смачным.

Вежа Надпячор'я

Не даводзілася жыць у бараках, не было патрэбы ў муры вакол вёскі. Было толькі шчасце і зялёная трава, але потым у вёску прыйшлі гульцы і "цывілізацыя". Гэтая "цывілізацыя" прынесла новыя будынкі, чыгунку, новых багоў, але і новыя пагрозы.

Вежа

Закладзена і пабудавана гульцом snieh. Гулец Dauguva зрабіў аздабленне вежы. Дадаў партал у сутарэнні. Таксама зрабіў вадзяныя ліфты ў трох кутах вежы. Так, круглая вежа мае куты. Апасля таго як Ludozhop дадаў сцяг Надпячор'я на дах вежы, выгляд яе стаў адпавядаць сучаснаму і болей не змяняўся.

Чыгуначная станцыя

Першая чыгуначная станцыя Надпячор'я дазваляла не выходзіць з ваганеткі калі Надпячор'е не было мэтавай станцыяй руху. У той жа час, ваганетка не прыбірался аўтаматычна, калі гулец сыходзіў, што прыводзіла да засмечвання станцыі ваганеткамі. У працэсе рэфармацыі чыгункі замест старога вакзала быў пабудаваны новы. Цяпер гулец заўсёды сыходзіць з ваганеткі, калі прыехаў. Няма магчымасці адразу з вакзала трапіць у Надпячор'е. Патрэбна прайсці небяспечную сцежку да дзвярэй. На вакзале ёсць сялюк, які гандлюе квіткамі.

• 
  Першая станцыя Надпячор'я
• 
  Новы вакзал Надпячор'я
• 
  Новы вакзал Надпячор'я

Першая царква Нерынгі

Царква Панны Нерынгі

Першая царвка ў гонар Панны Нерынгі на серверы з'явілася менавіта ў Надпячор'і. Тут было ўсё што так любіць Панна - чыгунка, сяляне самаатдана кахаліся дзе пажадаюць, арыгінальны меч Нерынгі знаходзіўся недалёка (у Чорным Замку). Менавіта над гэтым храмам Сонейка свеціць лепей, чым у іншых месцах. А ў дождж каля царквы адчуваеш сябе мацней. Як і ў шматлікіх храмах Нерынгі тут ёсць куфар, дзе ты можаш ахвяраваць нешта іншым, а вернікі могуць атрымаць патрэбную ім дапамогу. Храм Нерынгі адкрыты для кожнага, таму ў Надпячор'і наваят сяляне, які з большага належаць да Сялянскай веры могуць зайсці ў царвку, адзін з іх стаў нават мясцовым святаром, але нажаль быў забіты.

Царква Саны

Царква Саны

Пабудава гульцом haifulade для пашырэння ўплыву Саны на паселішча. Вераць у бесмяротных полымняў. Унутры пуста ці проста ўсё абсталяванне небачнае. Пабудавана з нетыповага для вёскі пяска. Магчыма пад падлогай закапаны дынаміт.

Аўта зеллеварка

Пабудавана гульцом 8ISKUP для папулярызацыі Надпячор'і. Найвялікшая і самая аўтаматычная зеллеварка на серверы. І пакуль яшчэ безкаштоўная

• 
  Ззаду
• 
  Перад

Цікавыя факты

• Чыгуначны вакзал Надпячор'я - самы вялікі і самы складаны па колькасці шляхоў. (Авалон таксама прымае шмат шляхоў, але на Авалоне проста канцавыя прыпынкі гэтых шляхоў, а не вакзал)
• Не гледзячы на тое, што ў Надпячор'і першая з цэркваў Панны Нерынгі, Святое Пісанне ў ёй ад Другога Эвангеліста
• У Надпячор'і самая вялікая колькасць храмаў розных рэлігіі, у той жа момант у Надпячор'і, як паселішчы няма афіцыянай рэлігіі, бо Надпячор'е - свецкае паселішча і ў ім усе роўныя.

Галерэя

• 
  Усходні ўваход у вёску
• 
  Правілы Надпячор'я