Нерыянства

Нерыя́нства— рэлігія, у пачатку якой стаіць Панна Не́рынга.

Гісторыя

Пачатак Вялікай Пагрозы

Калісьці Нерынга была звычаным гульцом, але аднойчы у звычайным Сьвеце стала з'яўляцца ўсё болей і болей велічэзных мобаў, а звычаныя гульцы нічога не маглі супраць іх зрабіць. Тады Нерынга з дапамогай сваё сяброўкі Друці пачала збіраць душы. Гульцы і мобы паміралі дзеля яе, а Нерынга рабілася ўсё больш і больш вялікай і вось аднойчы яна здолела нарэшце параўнацца ў памерах з самымі маленькімі пачварамі, якія нападалі на жыхароў Сьвета. Каб забойствы былі зручнымі Друць стварала Пакавальнікі Душаў. І з цягам часа Панну Друць пачалі паважаць як памошніццу па дасягненню мэты.

Меч быў добра бачны на этапе будоўлі замка

Каб Нерынга магла змагацца на роўных старажытныя Дворфы зрабілі ёй меч. Той меч быў добрым, але не вельмі зручным, бо з-за карыстання магіяй, з-за параненняў Нерынга змяняла свой памер, а меч - не. І дворфы зрабілі Нерынзе яе галоўны Трызуб. Гэты трызуб мог змяняць свой памер згодна з памерамі уладальніка. Меч жа Нерынга ўвоткнула глыбока ў зямлю, каб больш ніхто не змог ім карыстацца. Зараз жа той меч, можна пабачыць у Чорным Замку. Новы трызуб дазваляў паспяхова абараняць увесь Сусьвет, але Нерынга разумела, што яе смяротны шлях не будзе бясконцым, і зразумела, што дзеля гэтага ёй патрэбна заняцца адукацыяй жыхароў Сьвету і даручыла сваёй сяброўцы Усвячы ставараць паўсюль акадэміі для навучання ўсім навукам. Усвяча рабіла як мага больш адукацыйных устаноў і зрабілася ахоўніцай ведаў у Сьвеце і ў знак павагі яе пачалі клікаць Паннай Усвячай.

Але пагрозаў не рабілася меней і каб знайсці выйсце Панна Нерынга, вялікая ахоўніца, пакрочыла ў падарожжа па свеце. Жадаючы знайсці што-небудзь, што зможа ёй дапамагчы ў барацьбе, Нерынга сустрэла Іці. Іці распавяла Нерынзе, што ў сваіх вандроўках бычыла кнігі, дзе было напісана, што раней напады на Сьвет ужо былі і Сьветы знішчаліся, а ад удзельнікаў Сьвету нічога не заставалася. Нерынга не магла прыняць такое выйсце, бо ведала, што ўсе пачвары вернуцца і Сьвет зноў і зноў будзе вымушаны гінуць. Таму Нерынга працягнула вандраваць, але и далейшыя гады не далі Нерынзе адказаў, пакуль у адной сялянскай вёсцы Нерынга не пачула расповяд пра Аку, які час ад часу нараджаецца, але заўсёды перараждаецца ў кагосьці лепшага, чым быў раней і Нерынга зразумела, што яна можа зрабіць. Так, Сьвет павінен быў памерці, але можна было паўплываць на генерацыю наступнага. Моцы Нерынзе ўжо хапала. Недзе праз тыдзень ад гэтых думак здарыўся аднамомантны напад пачвараў на усю прастору Сьвету і Нерынга зразумела, што час Вялікага Знішчэння прыйшоў. Так скончылася гісторыя таго Сьвету і пачаўся Першы Сезон Уніі.

Нажаль уплыў Нерынгі на гэты сьвет выявіўся недастатковым, але ж у той жа час Панна Нерынга працягвала існаваць, але ўжо не ў смяротным абліччы. А вось з Уніяй тварылася нешта дзіўнае - часамі здавалася нібыта Унія замірала на тыдзень, а потым жыла тыдзень і ўсё зноў паўтаралася. Таму Нерынга вырашыла, што час гэты сьвет зноў змяніць і надаслала сон аднаму гульцу, што калі ён скрадзе ключы ад Уніі, знойдзе сабе памочніка, то яны стануць амаль як богі. Трэба толькі перазапусціць гэтую самую Унію. І аднойчы ўначы, калі зоркі ззялі не так яскрава, а Месяца не было бачна, ключы былі скрадзены і Унія атрымала шанец стаць чымсьці такім, чым не была ніколі раней. Праз некаторы час Унія была перазапушчана, Нерынга зрабіла патрэбны ўплыў на генерацыю і шанаванне яе пачалося з новай сілай, а галоўнае, што гэты ўплыў не дае шанцу каб пачвары вярнуліся.

Трызубы

За час смяротнага жыцця ў Нерынгі было 3 Трызубы. Усе яны перажылі Вялікае Знішчэнне і існуюць на Уніі. Меч Нерынгі, як бачна вышэй таксама здолеў захавацца ў існуючым свеце.

• Асноўны трызуб ці проста Трызуб Панны Нерынгі. Гэтым яна карысталася сама. Кажуць некаторы час назад яго бачылі на кірмашы ў Коласава. Хто яго набыў, ці набыў увогуле - невядома.
• Навучальны Трызуб Нерынгі. Пра яго вядома, што яго Нерынга пад час свайго смяротнага жыцця дала яго сваёй сяброўцы Панне Усвячы, а апасля таго, як смяротны шлях Усвячы скончыўся Трызуб застаўся дзесьці на Уніі

 "Мне сніўся сон аднойчы. У ім Панна Нерынга кажа: "Будуй акадэміі на Уніі і мая зброя будзе заўсёды ў тваіх руках," - і дала мне Навучальны Трызуб. Я прачнуўся ніякага трызуба не было, але акадэміі я працягваю будаваць." - гулец Dauguva

• Дзікае Паляванне Нерынгі - гэты трызуб у свой час атрымала Панна Друць. Кажуць, што ён знаходзіцца глыбока пад зямлёй, але пад час навальніц, тыя хто ведаюць дзе ён, яго выносяць на паверхню.

Запаветы

Вялікая Нерынга,

свой лёс мы дорым табе.

Не пакінь нас.

Не здрадзі нам.

Не ганарыся намі.

1. Любіце Нерынгу, як сябе.
2. У любы час памятай пра Нерынгу.
3. Забівай толькі ў гонар Нерынгі.
4. Усім скрадзеным дзяліся з Нерынгай.
5. Жыві без страху і памры без страху.
6. Збірай бут для Нерынгі.
7. Чыгунка мае быць у кожнага, хто любіць Нерынгу.
8. Прымай падарункі ад Нерынгі.
9. Кахайся з усімі, хто не супраць Нерынгі.
10. Нерынга прымае цябе такім, які ты ёсць._{(Варыянт першага Эвангеліста)} / Нерынга прымае цябе такім, які ты ёсць.#-_{(Варыянт другога Эвангеліста)}

Адносіны да Трусікацызма і Сялянскай веры

Панна Нерынга любіць трусікаў і вельмі шаную ўсіх прарокаў Трусікацызма і не лічыць забойства трусікаў у свой гонар годным ахвяраваннем. Што датычыцца Сялянскай веры, то Панна Нерынга ўвогуле не лічыць, што гэта тое верванне на якой прыстойнаму чалавеку трэба звяртаць увагу.