Удзельнік:TheGuss

Геній, міліярдэр, плэйбой, філантроп у сваім стандартным скіне

the_Guss (зэґусь, гусь, Алесь) — адзін з гульцоў серверу UNIJA, шляхціч, дыяментавы магнат. Дворф па паходжанні, грамадзянін Княства Падземнага, адзін з двух Князёў Падземных. Бізнэсмэн і ўдзельнік Гільдыі Капіталістаў.

Гісторыя

Часы першага сезона

Гулец the_Guss не прысутнічаў на серверы падчас першага сезону

Часы паўтарачнага сезона

Гулец the_Guss не прысутнічаў на серверы падчас паўтарачнага сезону

Часы другога/другога з паловай сезона

Першыя дні на серверы

Упершыню the_Guss далучыўся да серверу ў ліпені 2023 году. Разам з ім далучыўся гулец kastus_brl (тады ён меў нік santa_bang). Пасля экскурсіі, праведзенай гульцом 8ISKUP, ён пачаў шукаць сваю дарогу на серверы. Першыя крокі былі досыць цяжкімі, бо the_Guss далучыўся акурат у момант рэфармавання трэйдхолу (быў перанесены з Новага Палусу спачатку ў Энд, а адтуль на спаўн), таму атрымаць рыштунак добрай якасці было цяжка. the_Guss даследаваў сервер, вандраваў па паселішчах, пазнаваў новых гульцоў. Першым гульцом, з якім the_Guss наладзіў добры кантакт, быў Thelelyskek, разам з якім яны потым заняліся арганізацыяй Першага сходу UNIJA.

Заснаванне Хельстуборгу

Калі the_Guss i kastus_brl мелі дастаткова добры рыштунак, яны вырашылі заснаваць сваё паселішча. Была выбрана вялізная пячора ў Паўднёвых гарах, частка якой ужо была асветлена невядомым гульцом. На працягу некалькіх наступных дзён праектавалася і будавалася Дворфская Брама, у гэты ж час з’явіліся першыя экспанаты музею дворфскай культуры (у тым ліку знакамітая чарка-шкварка-інамарка) ў палявым бровары былі звараны першыя бутэлькі Начной Кавярні™. Таксама былі пабудаваны водны ліфт, склад і карчма знізу. Так паўстала паселішча Княства Падземнае — ніхто тады не мог падумаць, што яно вырасце ў вялікую і самую багатую дзяржаву на серверы.

Першыя крокі ў бізнэсу і першы стак дыяментавых блокаў

У тыя часы эканоміка на серверы толькі пачынала развівацца, кірмаш на Коласава толькі адкрыўся і пачаў прымаць дыяменты як валюту, што хутчэй за ўсё і паслужыла галоўнай прычынай, па якой дыяменты сталі асноўнай валютай серверу. the_Guss i kastus_brl таксама адкрылі сваю краму на Коласаўскім кірмашы, першымі таварамі якой былі элітры, алькаголь, дыяментавая браня і казіныя рагі. Хоць крама павала прыносіць добрыя грошы амаль адразу, эканоміка яшчэ не была дастаткова разбудаванай, таму дыяменты дзеля першага стаку блокаў былі з большага здабытыя ў шахтах. Пасля атрымання першага стаку блокаў the_Guss, пабачыўшы дасягненне за яго, зразумеў, што з ддапамогай іншых гульцоў можна хутка атрымаць яшчэ болей. Такім чынам за першым стакам адразу пайшоў другі, а за ім і трэці. Маючы стартавы капітал, the_Guss i kastus_brl адкрылі першы і адзіны на серверы банк. Разам з гэтым яны далучыліся да Гільдыі Капіталістаў і пачалі свой шлях у бізнэсе на серверы. the_Guss разумеў, што тры стакі блокаў – ужо багата, але ці ведаў ён, да якіх багаццяў яго давядуць гэтыя тры стакі?

Перапынак і гульня пасля Першага сходу

На пачатку жніўня the_Guss тыдзень не гуляў на серверы, бо вандраваў па Эўропе ў гэты час. А падчас гэтага тыдня здарылася шмат важных падзей, у тым ліку Першы сход UNIJA, які ён застаў, едучы ў Братыславу, таму змог прысутнічаць там толькі праз дыскорд і толькі часткова. Але падчас гэтай жа вандроўкі ён бліжэй пазнаёміўся з гульцом gabreek, што моцна паўплывала на гульню пасля вяртання. the_Guss i gabreek пачалі бавіць разам шмат часу, адкрылі сваю краму, пабудавалі галіну Нэдарскага Хайперлупу да Неназванага і рабілі шмат чаго яшчэ. Так працягвалася да канца лета - потым і ў the_Guss, і ў gabreek пачалася вучоба і яны ўжо не маглі столькі гуляць разам. Нягледзячы на гэта, яны дагэтуль падтрымліваюць добрыя адносіны і gabreek дагэтуль зьяўляецца адным з найбліжэйшых гульцоў Уніі для the_Guss. На працягу наступных месяцаў гульня ішла досыць мерна, хоць і не без яскравых здарэньняў. the_Guss удзельнічаў у такіх знакавых падзеях, як Разаніна ў Берасьце, Паўстаньне Дзедаўкі-Барадзедаўкі, Блакада Спаўну. Капітал рос, адкрываліся новыя крамы. the_Guss займаўся і публічнай дзейнасьцю - аднойчы ён арганізаваў конкурс рэдактараў вікі UNIJA, чым падштурхнуў яе развіцьцё. Таксама ён пачаў болей працаваць над Хельстуборгам, які тады яшчэ насіў назву Княства Падземнае - разбудоўваў горад, запрашаў новых людзей.

Другі сход і сучасныя падзеі

Напярэдадні Другога сходу UNIJA, у арганізацыі якога the_Guss зграў непасрэдную ролю, быў праведзены тэставы Дворфскі Падкаст. Выпуск меў посьпех, таму было вырашана праводзіць такія час ад часу. the_Guss нават набыў сабе новы мікрафон - якасьць гуку на першым выпуску падкаста была сярэдняй. Сам жа сход UNIJA, які адбыўся на наступны дзень пасьля падкасту, пабіў усе рэкорды анлайна на серверы - white_ON_red давялося павялічыць колькасьць слатоў на серверы. На сходзе былі абмеркаваныя важныя пытаньні, з большага датычныя статусу паселішчаў і дзяржаў. У хуткім часе пасьля гэтага Княства Падземнае абвясьціла сябе дзяржавай, у склад якой увайшлі Віцебскае ваяводства і ваяводства Мангроўка. Менавіта тады сталіца Княства была перайменавана ў Хельстуборг. the_Guss разам з kastus_brl пачалі займацца дзяржаўнымі пытаньнямі, сярод іх прыярытэтным было паляпшэньне адносінаў з ВКП, што ім у выніку ўдалася. У другім выпуску Дворфскага падкасту, які праводзіўся праз два тыдні пасьля першага, the_Guss проста ў этэры завяршыў адзін з найдаўжэйшых праектаў Княства Падземнага - сабраў 64 нэдарытавыя блёкі. Гэта, у сваю чаргу, дазволіла яму атрымаць па сутнасьці неабмежаваныя запасы гэтага матэрыялу. Капітал працягваў расьці. the_Guss набліжаецца да сваёй першапачатковай мэты - шалкер, поўны дыяментавых блокаў (што складае прыблізна 15 тыс. дыяментаў). Разумеючы гэта, ён пачаў меньш зважаць на бізнэс і праводзіць больш часу з гульцамі. З таго часу, калі Akim_litvin пачаў арганізоўваць у Трызьнічы імпрэзы, the_Guss не прапусьціў амаль аніводнай. Таксама ў яго зьявілася котка Чурка, якую ён назваў у гонар гульца chrchk (якая яшчэ зграе важную ролю ў ягонай гісторыі).

На гэтым моманце гісторыя гульца the_Guss набліжаецца да сёньняшняга дня, але яна дакладна не сканчаецца. Хто ведае, што чакае яго наперадзе?

Дзейнасць

1. Суарганізатар Першага і Другога сходаў UNIJA;
2. Стрымер на афіцыйным YouTube-каналі UNIJA;
3. Адзін з наглядчыкаў падчас Блакады Спаўну;
4. Арганізатар конкурсу рэдактараў UNIJA Wiki;
5. Адзін з заснавальнікаў Княства Падземнага;
6. Удзельнік першай экспедыцыі да паўночна-ўсходняга куту;
7. Адзін з гульцоў, што дасягнулі стотысячнай каардынаты у Эндзе.

Арганізацыі

the_Guss належыць, ці мае адносіны, з наступнымі арганізацыямі серверу:

1. Арганізацыя С.Э.К.С.;
2. Гільдыя капіталістаў;
3. Культ Металу;
4. Царква трусікацызму;
5. Неназванае;
6. Княства Падземнае.

Цікавыя факты

• Па некаторых ацэнках the_Guss з’яўляецца самым багатым гульцом серверу. Паводле ягоных слоў, яго капітал састаўляе прыкладна 11,6 тыс. дыяментаў. Калі шукаеце інвестыцый, варта звярнуцца да яго.
• the_Guss разам з gabreek з’яўляюцца стваральнікамі арганізацыі The Gusbreek Co. Ltd., якая мае адну з самых паспяховых крам у Коласава і працуе над праектам Запаветнае Выспы.
• Мае пакой у Неназваным і хату ў Новым Палусе.
• Разам з kastus_brl з’яўляюцца першымі шляхцічамі серверу.
• Характар паскудны. Жанаты.