Барацьба за цукерыйскі цукар

Барацьба за цукерыйскі цукар (таксама вядомая як «Я спрабаваў паўтарыць подзвіг майго куміра, але, на жаль, мяне ненавідзіць увесь сервер», «Цукар, які стаў апошняй кропкай», Вялікая зьмена палярнасьці, I-ая серверная грамадзянская вайна) — агульная назва ўсесерверных узаемазвязаных падзей паміж студзенем і маем 2024 года, якія пачалася з-за зыходу Цукерыя з складу Зьнічыі.

Барацьба за цукерыйскі цукар

Дата: 14.01.2024/21.01.2024 — 24.05.2024 Месцы: Цукерый, Мангроўка, Хельстуборг, Трызьніч Стан: Скончаны
Сілы бакоў
Княства Падземнае the_Guss; kastus_brl, да 15 красавіка 2024 года, як грамадзянін Хельстуборга; Nabludalnik; 8ISKUP, з 11 сакавіка да 19 красавіка 2024 года, як грамадзянін Хельстуборга; steggad; gabreek; FloYr7x, з 25 лютага да 11 сакавіка 2024 года, як грамадзянін Хельстуборга; SnusoviErorr; gamolya; f1m3; caxapok2013; furrrrin, з 11 сакавіка 2024 года, як грамадзянка Хельтсуборга; і інш.	Зьнічыцкае Княства Akim_litvin; endernjysha; 8ISKUP, да 11 сакавіка 2024 года, як грамадзянін Трызьнічы; Bulecak; і інш. Палускае Панства furrrrin, да 11 сакавіка, як грамадзянка Неназванага; JustTheCatBY; pani_janina; kastus_brl, з 15 красавіка 2024 года, як грамадзянін Закапанэ; Trochkutnik, як удзельнік ПВК «Піўко»; Cebula_zabija; і інш.
Незалежныя паплечнікі
Thelelyskek, як прадстаўнік Коўпіі	haifulade, як жыхар Саны; Dauguva, як жыхар Вялікага Вострава; FloYr7x, з 11 сакавіка 2024, як жыхар Паўднёвага Замка; 8ISKUP, з 19 красавіка 2024 года, як жыхар Надпячор’я.
Асобныя вынікі
Будынкі Сікурборгу адыходзяць Княству Падземнаму; Зыход аднаго з Князёў Падземных; Пашырэнне новым ваяводствам — Эўропаль.	Зямля Цукерыя засталася за Зьнічыяй; Адкрыццё Дайтоскага рынку, як альтэрнатыўнага месца гандлю; Разрыў адносін паміж Княствам Падземным і Палускім Панствам; Перамога недворскага кандыдата пры выбарах на пасаду Канцлера.

Гісторыя

Першапачаткова Цукерый паўстаў у складзе Высьпіцкага ваяводзтва Зьнічыцкага Княства. Ён не вельмі адрозніваўся ад іншых Зьнічыцкіх паселішчаў, напрыклад Сігмаграда. Паселішча хутка развівалася і прымала новых гульцоў. Так працягвалася каля 6 месяцаў.

Увесь гэты час гульцы паляпшалі адносіны з дворфамі, а таксама меўся канфлікт з Высьпіцкім ваяводаю — гульцом _Frezent_. У значнай ступені канфлікт стаўся праз тое, што ваявода канцэнтраваў увагу на асноўным паселішчы, у той час як астатнія атрымлівалі недастаткова ўвагі.

Як асобнае паселішча Цукерый не існаваў, а быў зарэгістраваны як частка Высьпіча.

Заснаванне ПВК «Піўко»

27 лістапада 2023 года была па рофлу заснаваная ПВК «Піўко». Ніякіх баявых задач яна спачатку не выконвала, а потым увязалася ў канфлікт вакол Мангроўкі. Гэтае ПВК згуляла сваю ролю ў вайне, асабліва падчас другой бітвы за Цукерый.

Пачатак цукерыйскага сепаратызму

Варта адзначыць, што цукерыйскі сепаратызм меў уласны падумурак: пад намінальным кіраўніцтвам Akim_litvin і _Frezent_, паселішчы новых гульцоў не толькі не маглі развівацца самастойна, але і заўсёды атрымлівалі забароны ад «кіраўнцітва» яшчэ ў жніўні 2023. Напрыклад, забаранялася рабіць сцягі ў самавольных колерах. Таксама, былі некаторыя непаразуменні з тэрыторыямі гульцоў: з-за блытаніны, гульцы не разумелі хто каму падпарадкоўваецца і ці зарэгістраваны тры паселішчы (Сігмаград, Высьпіч і Цукерый) ўвогуле. З-за унутраных спрэчак у Зьнічыі, сведкамі якіх быў увесь сервер, на сувязь з найбольш актыўнымі сепаратыстамі выйшлі дворфы.

Па меры паляпшэння адносінаў з дворфамі, апошнія планавалі спансаваць паселішча, якое, як лічылі жыхары, мала што атрымлівала ад Знічыі. the_Guss прапанаваў мясцовай адміністрацыі далучыцца да Княства Падземнага, што і было зроблена 14 студзеня 2024 года. Пра гэта было паведамлена ў Зьнічыю. Такі парадак быў, вядома, незаконны: тэрыторыя належыла Зьнічыі.

Так распачаўся доўгі канфлікт.

Вайна ў Зьнічыі

⚠️ Гэты артыкул (ці раздзел) недапісаны.

✍️ Змест яшчэ не завершаны і можа быць дапоўнены. Калі ласка, напішыце 8ISKUP ці JustTheCatBY, калі ведаеце больш!

Спробы перамоў

Дворфы прапаноўвалі прызнаць Цукерый за Княствам Падземным. Відавочна, гэта было непрыймальна для Зьнічыцкага боку, з якога было прапанавана замарозіць канфлікт. Аднак мясцовая адміністрацыя адмовілася, і мірнага вырашэння не адбылося.

Першая бітва за Цукерый

І дворфы, і зьнічыйцы вырашылі, што трэба дзейнічаць моцнай сілай. Сітуацыя накалялася. 21 студзеня 2024 года прывід гульца 8ISKUP, што ажыў, здзейсніў выбух у Хельстуборгу. Дворфы ведалі, што гэта планавалася, і не былі супраць. Аднак пасля выбуху яны канфіскавалі рэчы 8ISKUP і абвясцілі, што ён парушыў Статут UNIJA. Былі і іншыя інцыдэнты, дзе дворфы рабавалі і забівалі гульцоў. Давер на сэрверы быў парушаны.

Як адказ, 25 студзеня 2024 года, працягваючы нарошчваць уплыў на мясцовае насельніцтва, была занята яшчэ адна тэрыторыя Зьнічыцкага Княства — Сігмаград. Аперацыя была здзейснена гульцом f1m3, што на той момант стаў ужо магістрам ордэну нэдарыту. Не сустрэўшы амаль ніякага супраціву, бо мясцовае насельніцтва таксама негатыўна ставілася да ўлады Акіма, дворфы вырашылі распачаць баявыя дзеі. Праз дзень, была атакавана Трызьніч. У складзе баявога крыла былі заўважаны the_Guss, f1m3, SnysoviErorr, gamolya, Astolfik777 і livelg. Трапіўшы ў аблогу, князь Зьнічыі выбухнуў сваю хату, з-за свайго прынцыпу: «Бачыш дворфа у сваёй хаце — выбухні хату». Дворфы абвясіцілі пра сваю перамогу і заняліся марадзёрствам.

Другая бітва за Цукерый

Распачалася падрыхтоўка да больш моцнай генеральнай бойкі, якая б вырашыла лёс вайны і Цукерыя. Быў агавораны дзень і час бойкі, і абодва бакі былі гатовыя.

У дзень пачатку бойкі (што адбывалася ў ноч з 04.02.24 на 05.02.24) вызначыўся склад удзельнікаў.

Удзельнікі ад Знічыі

1. 8ISKUP;
2. Akim_litvin;
3. Bulecak;
4. Dauguva;
5. endernjusha (каардынатар; непасрэдна ня біўся);
6. Jerehmii;
7. JustTheCatBY.

Удзельнікі ад КП

1. the_Guss;
2. kastus_brl;
3. Mikhald_Freiwind (каардынатар; непасрэдна ня біўся);
4. f1m3;
5. caxapok2013;
6. gamolya;
7. SnysoviErorr;
8. l1velg;
9. iryskanotfound;
10. Astolfik777;
11. JamieSeptim;
12. justkostya_;
13. Irykia.

Пачатак бойкі

Дворфы доўга правакавалі пачатак бойкі. Некалькі разоў гучаў наступны заклік:

BISKUP KAŽY CHUJ ©Astolfik777

Сустракаліся і намёкі на час:

5 хвілін, спадарства, 5 хвілін ©the_Guss

Вызваленне Цукерыя распачалося а 22:30 за Менскім часам. Першымі Знічыцкія войскі ўвайшлі ў хату l1velg. Неўзабаве бойкі пачаліся і ў іншых будынках. Некалькі разоў знічыйскі бок быў змушаны адступаць на холм каля горада. Аднак у выніку ваяры адбівалі ўсё больш тэрыторыі. У выніку дворфы згубілі кантроль над сітуацыяй, а ўсе гульцы з іх боку проста выйшлі з гульні. Гетманам была зафіксаваная перамога.

Суд паміж Княствам Падземным і Зьнічыяй

Паколькі вайсковае вырашэнне канфлікту зайшло ў тупік, Адміністрацыя UNIJA ў асобе white_ON_red прапанавала альтэрнатыўнае вырашэнне праблемы. Недалёка ад спаўна быў пабудаваны адмысловы будынак суду. Пра падзею было паведамлена загадзя, таму паглядзець сабралася шмат гульцоў. Мела месца і трансляцыя працэсу на YouTube.

Пачатак суду. Скрыншот з трансляцыі.

Пачатак суду

Суддзёй быў паважаны адміністратар white_ON_red.

Пазоўцам выступала Знічыцкае княства, прадстаўленае сваім князем. Адказчыкамі былі Княства Падземнае ў асобе the_Guss і Сікурборская мясцовая адміністрацыя ў асобе caxapok2013.

Першым выступаў Князь Знічыі. Ён абвясціў, што тэрыторыя Знічыі — Цукерый — была незаконна акупаваная Падземным Княствам.

Адказваць на гэта быў запрошаны the_Guss. Ён паведаміў свой пункт гледжання: тэрыторыя як была, так і засталася ва ўладанні мясцовай адміністрацыі. Гэта падцвердзіў і другі адказчык.

Выявілася, што прадстаўнік Сікурборскай адміністрацыі ўдзельнічаў у сойме Знічыі і прымаў Знічыцкі статут, паводле якога Цукерый — неад'емная тэрыторыя Знічыі.

Аргументы бакоў

Князь Знічыцкі паступова даводзіў, што паселішча Высьпіч было зарэгістравана адпаведна рэгістрацыйнаму лісту. Цукерый уваходзіць у яго склад, і зямля Цукерыя належыць Знічыі. Будынкі і маёмасць гульцоў належаць гульцам. Пры гэтым князь падкрэсліў, што Знічыя мае права заявіць прэтэнзію і на будынкі, але не робіць гэтага і прызнае іх за сікурборцамі.

Дворфскі князь спрабаваў давесці, што Цукерый — асобнае паселішча і належыць мясцовай адміністрацыі. Аднак суддзя паведаміў, што Выспіч быў зарэгістраваны раней, і інфармацыя, створаная пазней, што на гэтай тэрыторыі створаныя нейкія новыя арганізацыі (адміністрацыя Сікурборгу) і паселішчы, не мае юрыдычнае сілы. Запыт на рэгістрацыю Цукерыя адміністрацыяй быў адхілены, бо заяўленая тэрыторыя належыла іншаму паселішчу.

Прадстаўнік Сікурборскай адміністрацыі паведаміў, што Выспіцкі ваявода паведаміў пра сыход з сэрвера й не прымае актыўнага ўдзелу ані ў жыцці сэрвера, ані ў кіраванні паселішчам. Акта перадачы ўлады іншым гульцам зроблена не было. Суддзя на гэта нагадаў, што сікурборцы прынялі статут Знічыі і неактыўнасць улады ім не перашкодзіла. Больш за тое, неактыўнасць кіраўніка не ўплывае на тэрыторыю паселішча.

Вырашэнне суду

Выслухаўшы бакі, пан суддзя заявіў, што паколькі Знічыя прызнае за сікурборцамі правы на іх будынкі, магчымае пагадненне бакоў. Будынкі могуць быць аўтамагічна перанесеныя ў Княства Падземнае, а ландшафт Цукерыя будзе адроджаны. Суддзя даў сікурборска-дворфскаму боку 3 хвіліны на перамовы, пасля чаго яны альбо мусілі прыняць пагадненне, альбо суд прыме рашэнне самастойна. Дворфы й сікурборцы пагадзіліся, бо, відавочна, у іншым выпадку й будынкі й тэрыторыя засталіся б за Знічыяй. Суд завяршыўся пагадненнем бакоў.

Халодная вайна

Вы можаце падзяліцца сваімі ведамі пра гэтыя падзеі, дапоўніўшы артыкул.

Вайна за Цукерый прывяла да новага этапу напружанасці на сэрверы. Яшчэ да яе на сэрверы паступова фармавалася 2 цэнтры сілы. Адзін полюс быў прадстаўлены дворфамі, а іншы — усімі астатнімі. Дворфскі бок у значнай ступені быў скампраметаваны судам за Цукерый. Ярка праявілася некампетэнтнасць the_Guss і сікурборскіх адміністратараў (напрыклад, на судзе адзін з двух чальцоў адміністрацыі сцвярджаў, што не прызнае статут Знічыі, падпісаны другім чальцом). Дворфы ўсё яшчэ былі моцнай сілай, але пачаў набіраць сілу і іншы бок — ён атрымаў назву «Высокія» (бо не дворфы).

Наступным этапам супрацьстаяння стала шпіёнаманія. Гэтыя падзеі ўсё яшчэ схаваныя за змрочнай заслонай таямніцы, аднак некаторыя звесткі ўсё ж вядомыя. Галоўнае, падчас халоднай вайны найбольш уплывовымі былі Дворфская і Знічыцкая выведкі. Яны вербавалі гульцоў, засылалі шпіёнаў і непраўдзівую інфармацыю, выкрывалі так званыя варожыя фэйкі, займаліся і ўнутранай бяспекай, і контрвыведкай. У нейкі час дворфскія агенты распаўсюдзілі свае дзеі нават на Палус. Наступствамі сталі Правабярэжная паніка ў Новым Палусе й першакрасавіцкі канфлікт вакол Фаніпалю. Неўзабаве дзяржавы былі скасаваныя, і на гэтым халодная вайна скончылася.

Уплыў

Нягледзячы на лакальнасць канфлікту, як можа падацца на першы погляд, ён паўплываў на увесь сервер. Напрыклад, пасля змен правіл сервера ад 9 красавіка 2024, быў скасаваны тэрмін «Дзяржава», а паселішчы атрымалі новыя правілы рэгістрацыі. З таго дня, дзяржавы павінны былі рэарганізавацца самастойна, падпісвая нарматыўная акты і мясцовыя законы. Паселішчы жа атрымалі магчымасць рэгістравацца нават з аднім жыхаром.
Новыя правілы правялі рэструктурызацыю адміністрацыі і мадэрацыі. Спачатку, пасада гетмана станавілася выбарчай, але потым знікла з ужывання.
Таксама, з-за напружанай і нездаровай атмасферы, была закрыта афіцыйная суполка. Як пісала сама адміністрацыя:

Мы [Адміністрацыя] не бачым нічога карыснага ад яго існавання і спадзяемся, што нашыя інфармацыйныя патокі ператворацца ў нешта новае і больш маштабнае.

Гульцы пазней самарэарганізаваліся ў лакальныя чаты і групы па інтэрэсам, але яны ўжо ніколі не былі з статусам «афіцыйных».

Акрамя гэтага, даволі вялікая частка актыўных гульцоў стала гуляць значна ражэй ці зусім сыйшла з сервера. Як тлумачылі гэта застаўшыяся гульцы, пасля усяго таго бруду, няшчырасці і спроб самарэалізавацца праз гульню, не было ніякіх шляхоў для тых людзей, хто захадзіў на сервер проста патыкаць кубікі. Адсутнасць анлайну і такіх жа «буйных» падзей таксама адцягнулі частку гульцоў, але ўжо занадщта меньшую.

Цікавыя факты

Прарочыя словы Леанілы.

• Падчас бойкі пані gabreek адкрыла дар прароцтва. Вось яе словы, што цалкам здзейсніліся пры напісанні гэнага артыкула.
• Паводле меркавання JustTheCatBY, менавіта падзеі барацьбы за Цукерыйскі цукар (выбух у Хельстуборгу і далейшыя падзеі шпіёнаманіі) сталі крыніцай трапнага выслоўя «deep dark lore», што дагэтуль бытуе сярод хартышоў ды жыхароў Міжмор'я і Біскупцаў. Сапраўды, даволі цяжка назваць гісторыі часоў халоднай вайны неяк інакш, чым глыбокі і цёмны лор.

Галерэя

Гэты раздзел яшчэ не напісаны.