Сервер UNIJA

Лагатып сервера

Спаўн UNIJA, кастрычнік, 2023

Сервер UNIJA (разм. Унія) — беларускі сервер гульні Minecraft, які ўлучае ў сябе найбуйнейшае беларускамоўнае Minecraft-кам'юніці.

Адрас і версія

IP: m.unija.by

Версія [1.21.4] ці навей

Пра сервер

Памер свету сервера складае 20 000 х 20 000 блокаў, прыкладна 400 км². Для ўваходу абавязкова мець ліцэнзію Java-версіі.

• 
  Першы лагатып
• 
  Другі лагатып

Гісторыя

Галоўная плошча Мясьцечка пры Спаўне на Першым сезоне

Файл для імпарту падзей звязаных з UNIJA у ваш каляндар, вы можаце знайсці па спасылцы (фармат .ics)

Першы сезон

Варта адзначыць, што нумарацыю і даўжыню сезонаў упершыню вызначыў 8ISKUP, а самі сезоны не ўплываюць на гульнявыя падзеі ці стан свету. Іншыя перыядызацыі глядзіце тут.

Першапачаткова сервер быў створаны 21 красавіка 2022 года ўдзельнікамі Тэлеграм-чату Малінавы і размешчаны на дармовым сэрвісе Aternos на версіі 1.18.2, аднак гэта выклікала вялікі недахоп – ён праз неактыўнасць з часам адлучаўся, патрабуючы яго паноўнага ўлучэння адміністратарам, якому было лянотна гэтым займацца. Праз гэта ён дэлегаваў правы адміністрацыі іншым асобам, сярод якіх быў Akim_litvin.

З часам частка гульцоў стамілася ад таксічнага асяроддзя чату Малінавага і перайшла ў іншую суполку, прысвечаную Minecraft-серверу. Маючы правы адміністрацыі і жадаючы аддзяліцца ад Малінавага, таксама былі змененыя паролі адміністрацыі, такім чынам правы на сервер засталіся ў Akim_litvin і 06.06.22 была абвешчана незалежнасць сервера. З гульцоў першага сезона засталіся:

1. Akim_litvin;
2. Guibagger/Akyqu/8ISKUP;
3. pani_janina;
4. Michajlauski/haifulade;
5. gabreek;
6. Victor/ Victor_L13;
7. Schiha;
8. Ziggy/Likar_Mom;
9. scp166;
10. Leopalladium.

Сезон пачаўся ў маі 2022 і скончыўся ў кастрычніку 2022, пасля пераезду на новы хостынг з агульным вайпам усяго свету.

• 
  Аэракасмічны здымак аднаго з паселішчаў першага сезона
• 
  Здымак паселішча першага сезона

Паўтарачны сезон

У для сервера цёмныя часы ён не працаваў па 2-3 тыдні і быў амаль не жыццяздольны. Але, перад пачаткам паўтарачнага сезона, з'явіўся white_ON_red, які дапамог наладзіць сервер. З-за кароткага тэрміну дзеяння новых знакамітых гульцоў, акрамя white_ON_red, не з'явілася.

Сезон цягнуўся з кастрычніка 2022 і скончыўся ў сакавіку 2023.

Другі сезон

Другі сезон пачаўся з версіі 1.19.3 у сакавіку 2023 і скончыўся падчас блакады спауну 04.10.23. За гэты час колькасць гульцоў значна павялічылася праз актыўнасць сацсетак сервера. Сярэдні анлайн узняўся ў некалькі разоў, памеры пабудоў павялічыліся ў залежнасці ад ініцыятыўнасці гульца. З'явілася новая роля — Шляхціч, якая дазваляе падтрымаць праект. Колькасць падзей таксама вырасла, адбыліся Разаніна ў Берасце, Водны Спрынт 2023, Змеявіцкі PVP-турнір, Выбары ў паселішчы А, СХОД UNIJA і шмат іншага. Таксама з'явілася шмат вядомых гульцоў, напрыклад, wwaassee, the_Guss, kastus_brl, SnusoviErorr, banadys, VIOLENTYOUTH і шмат-шмат іншых. З'явілася першая гільдыя на серверы, узнікла шмат новых паселішчаў, напрыклад, Хельстуборг, Ботава, Цмокава, Змеявік, Трызьніч і яшчэ не мала вядомых для гульцоў кропак. Была створана ўсесерверная агульная крама на Коласава, якая праз некаторы час, стала бясплатнай для ўсіх, але для гандлю сталі патрэбны ліцэнзіі. З'явілася крама на спауне, што дапамагала новым гульцам набыць дыяменты і смарагды, так неабходныя для пачатку гульні. Былі перапрацаваны правілы, што палепшыла карыстальніцкі досвед, былі створаны арт-прастора і кут для мап-артаў. 06.07.23 сервер адсвяткаваў год працы ў абноўленым фармаце, а 23.09.23 — 444 дня. 01.08.23 быў адключаны бот гульнявога чату у Тэлеграме.

Другі з паловай сезон

Другі з паловай сезон доўжыўся з 4 кастрычніка 2023 па 07 студзеня 2024 на версіі 1.20.1 з блакады спауну і звязаны з пераездам на новы хостынг і пераход на ліцэнзійны рэжым гульні.

Менавіта ў гэты час вярнулася 3D-мапа сервера, якая была выдалена падчас другога сезона, на сервер былі дададзены эмоцыі з модам Emotecraft 17 кастрычніка 2023 года, падтрымка CD-дыскаў 15 кастрычніка 2023 года, на якія можна запісаць амаль любую кампазіцыю. Да таго ж падтрымка жаночага гендара 27 кастрычніка 2023 года, з'явіліся чараўніцтва і праклёны паселішч (Саны, Авалону і паселішча А), тусоўкі ў Трызьнічы, Узлом UNIJA, уведзены транспартныя ліцэнзіі 4 лістапада 2023 года і шмат іншага. Быў пашыраны кірмаш у Коласава, адбыўся другі СХОД UNIJA, быў павялічаны ліміт гульцоў: з 30 да 50, да Княства Падземнага далучылася Мангроўка, быў абраны Канцлер сервера, што ўзначаліў Сойм, змяніўся склад мадэрацыі сервера. 10 лістапада 2023 года крамай «Цмокарт» быў пабудаваны лагатып сервера. 12 лістапада 2023 года адбыўся суд паміж Надпячор'ем і Авалонам за Гарбузоўку, не ў бок першай. З-за планаў па пераходзе на выключна ліцэнзійную гульню, некаторыя гульцы абвясцілі пра свой зыход з гульні, а некаторыя гульцы адзначылі гэта занадта жорстка. Пад канец года і сезона, таксама былі адсвяткаваны Каляды і надыход Новага года ў Надпячор'і. Таксама на Youtube канале сервера, пачалі праходзіць трансляцыі, падкасты і нават караткаметражкі па матывах легендаў сервера. 13 снежня 2023 сервер адзначыў 555 дзён працы.

Трэці сезон

7 студзеня 2024 года адбыўся пераход на ліцэнзійную версію сервера, з гэтага часу для гульні абавязкова патрэбна ліцэнзія Minecraft Java. Для ўсіх астатніх жадаючых, што хацелі працягнуць гуляць у знаёмых мясцінах, быў створаны часовы сервер UNIJA Demo, які атрымаў буйную вядомасць праз магчымасць пачаць гульню спачатку. З буйных падзей варта адзначыць Барацьбу за цукерыйскі цукар, на працягу якой на тэрыторыі Хельстуборга быў забіты Пан Карэктар, Цукерый стаў Сікурборгам, адбыўся суд паміж Зьнічыцкім Княствам і Княствам Падземным, а потым, са змяненнем правіл сервера ад 9 красавіка 2024 года паняцці "дзяржавы" і "мадэрацыя" былі скасаваны і таксама былі зменены правілы рэгістрацыі паселішчаў. 10 лютага 2024 адбылася абарона UNIJA Demo ад наступстваў невядомай хваробы, у выніку падзеі часовы сервер быў назаўжды закрыты. 27 лютага 2024 года адбылося мерапрыемства «Алдоўскія флэшбэкі», якое часова перанесла увесь свет на год таму. 25 сакавіка 2024 года былі ўведзены антычыт «Пярун» і закрыты агульны чат у Тэлеграме, а 26 сакавіка 2024 года быў уведзена аўтатэм з галасавання гульцоў. 30 мая 2024 года быў адключаны праблемны плагін на карыстальніцкія мапы і была даданы магчымасць ламаць карэнную пароду. 11 ліпеня 2024 года быў праведзены Трэці СХОД. Са значных змен — усесерверная валюта была зменена на дыяментавую руду і дыяментавую руду глыбінь. 12 ліпеня 2024 года быў адкрыты новы праект — Сервер PLYN. Да дня нараджэння серверу, быў абноўлены сайт сервера, а вылічальная магутнасць была зменьшана. 18 жніўня 2024 года сервер быў абноўлены да версіі гульні 1.21.1, а не выкарыстоўваемыя тэрыторыі былі ачышчаны дзеля з'яўлення новых структур — залаў выпрабавання. 11 верасня 2024 года ДРГ "Медавуха" разбурыла Коўпію і пазбавіла сервер пагрозы ў выглядзе некраманта Thelelyskek. 27 верасня 2024 года стала вядома пра стварэнне новых партый на тэрыторыі ВКП: Сацыяльна-дэмакратычная партыя "Jednaść" і Нерыняска Дэмакратычная партыя Палесся. 1 кастрычніка 2024 года былі створаны новыя партыі на тэрыторыі Зьнічыцкага Княства: Анарха-Прымітывістская Партыя Зьнічыцкага Краю (АППЗК) і Контракімаўская Партыя Зьнічыі (КПЗ), якая 2 кастрычніка 2024 года засвабадзіла ад улады Акіма Жыцінку і Сігмаград. 13 кастрычніка 2024 года, Закапанэ, Авалон і ягоныя сёгунаты былі рэарганізаваны ў Кветкамор'е, а Змеявік абвясціў Змеявіцкую Манархію. 29 кастрычніка 2024 года быў адкрыты сервер Vanila, а 31 кастрычніка 2024 года скончылася Балотнае ўварванне, што паўплывала на гісторыю амаль усіх напрамкаў Нерыянства. З 10 лістапада 2024 года па 7 снежня 2024 года адбывалася вайна за Ботава паміж Трызьнічу і Кветкамор'ем. 23 лістапада 2024 года была закладзена капсула часу, што адкрыецца праз 2 гады. 3 25 снежня 2024 года па 6 красавіка 2025 года былі перабудаваны напрамкі і хаб Нэдарскай Хайперлупы.

7 студзеня 2025 года другі год запар былі абраны людзі і падзеі года ад НеЧа ЖЭпУ. 19 лютага 2025 года было заснавана УНЭСКА. 24 лютага 2025 года сервер перайшоў на версію 1.21.4, дзе з'явіліся бледныя сады, смала і рыпень. 9 сакавіка 2025, узнікла другая хваля Біскупскага грыпу. 13 мая 2025, у свет выйшла беларуская агучка Minecraft the Movie пры грашовай і інфармацыйнай падтрымцы сервера. 16 мая 2025 года была спынена дзейнасць Змеявіцкай манархіі. 11 чэрвеня 2025 спынілі сваю працу PLYN і Vanila (першы сезон). 15 чэвреня 2025 года быў адкрыты сервер Circmund, які закрыўся 6 ліпеня 2025. 20 ліпеня 2025 быў адкрыты сервер Lab.

Паселішчы

Асноўны артыкул: Паселішчы серверу UNIJA

Паселішчы — тэрыторыя з будынкамі на якой пражываюць ад аднаго да некалькіх гульцоў (у розных варыяцыях статуту неабходная колькасць гульцоў для рэгістрацыі паселішча змянялася ад дзвюх да чатырох). Рэгістрацыя паселішча адбываецца праз напісанне кіраўніком паселішча інфармацыі пра паселішча ў артыкуле на Базе ведаў UNIJA з назвай, межамі, прыблізнымі каардынатамі, нікамі жыхароў і кіраўніка паселішча і паведамлення адміністрацыі сервера. Пасля гэтага, яно набывае магчымасць атрымаць замацаваную тэрыторыю, пазнаку на мапе і можа ўплываць на гульнявыя падзеі праз РП.

Ліст класічных паселішчаў серверу:

• Вільта;
• Новы Палус;
• Трызьніч (як непрамы нашчадак Рэчы Паспалітай, Літвы і Русі);
• Сана;
• Неназванае;
• Жэўжык сіці.

• 
  Вільта
• 
  Новы Палус
• 
  Сана

Гульцы

Асноўны артыкул: Спіс гульцоў серверу UNIJA

На серверы гуляе шмат розных і цікавых людзей. У розныя часы сюды заходзілі розныя беларускамоўныя стрымеры, блогеры і розныя знакамітасці.

Транспарт

Сэрвач мае досыць разбудаваную сістэму падарожжаў, якая дазваляе хутка дасягаць асноўных паселішчаў і агульнасерверных фермаў, якая складаецца з Чыгункі, Нэдарскага Хайперлупу і сістэмы міжмесцавых тэлепортаў.

• 
  Чыгунка

Інструкцыі

1. Як усталяваць пераклад дасягненняў?
2. Як аб'яднаць гульнявы акаўнт з Discord?
3. Як усталяваць зборку модаў ад UNIJA?
4. Як гуляць з Bedrock версіі гульні?
5. Як падлучацца да галоўных ліній хайперлуп?

Цікавыя факты

• Новым гульцам часта праводзяцца ўводныя экскурсіі па серверу;
• Першы ўсесерверны сход адбыўся 5га жніўня 2023 году і пабіў рэкорд анлайну - на піку прысутнічалі не менш за 25 гульцоў, падчас Другога СХОДу рэкорд быў абноўлены - 42 гульца анлайн адначасова.
• Першы перапіс насельніцтва жыхароў на серверы адбыўся ў Сане у верасні 2023 года;
• Сервер меў сваё прадстаўніцтва на іншым беларускамоўным серверы - Шчучыншчына.